દિવાળીના તહેવાર પહેલા બ્યુટી પાર્લરના ધંધામાં તેજી, 5 હજારથી 50 હજાર સુધીના પેકેજ ઉપલબ્ધ
બ્યુટી પાર્લરમાં હેર અને સ્કીનની ટ્રીટમેન્ટ માટે યુવતીઓ મોટી સંખ્યામાં પહોંચે છે. આ ઉપરાંત લગ્નસરાની સિઝનના પણ એડવાન્સ બુકિંગ થઈ રહ્યાં છે.
દિવાળી અને નવા વર્ષના તહેવારો પૂર્વે બ્યુટી પાર્લર સેક્ટરમાં તેજીનો માહોલ છે. કોરોના કાળ બાદ હવે તહેવારોની ઉજવણીનો ઉત્સાહ છે. જેથી બ્યુટી પાર્લરમાં હેર અને સ્કીનની ટ્રીટમેન્ટ માટે યુવતીઓ મોટી સંખ્યામાં પહોંચે છે. આ ઉપરાંત લગ્નસરાની સિઝનના પણ એડવાન્સ બુકિંગ થઈ રહ્યાં છે. બ્યુટી પાર્લર સંચાલકોએ 5 હજારથી લઈ 50 હજાર સુધીના પેકેજ ઉપલબ્ધ કરાવ્યા છે. આ ઉપરાંત પાર્લરમાં કોરોનાના માસ્ક, સેનેટાઈઝર સહિતના નિયમોનું ધ્યાન રખાય છે. જ્યારે વારંવાર યુઝ થતી ચીજવસ્તુઓની યોગ્ય સફાઈ પણ કરવામાં આવે છે.
બે વરસ બાદ દિવાળીના તહેવારને લઇને બ્યુટીપાર્લરના ધંધામાં તેજીનો માહોલ
તહેવારોમાં હવે સુંદર થવાની યુવતીઓમાં હોડ જામે છે. તેમાં પણ દિવાળીના તહેવારોમાં યુવતીઓ બ્યુટીપાર્લરમાં જવાનું ચુકતી નથી. મોટાભાગના લોકો દિવાળી બાદ પ્રવાસમાં જવાનું આયોજન કરે છે. જેને પગલે પણ બ્યુટી પાર્લરમાં યુવતીઓનો ધસારો સવિશેષ જોવા મળી રહ્યો છે. બે વરસથી કોરોના મહામારીમાં બ્યુટી પાર્લરના ધંધામાં મંદીનો માહોલ છવાયેલો રહ્યો હતો. પરંતુ આ વરસે દિવાળીની રોનક બજારોમાં વર્તાઇ રહી છે. ત્યારે બ્યુટી પાર્લરના ધંધામાં પણ હાલ તેજીનો માહોલ છે. અને, યુવતીઓ-મહિલાઓ સુંદરતાની હોડમાં લાગી ગઇ છે.
આ પણ વાંચો : OMG ! રાજકુમારીની અનોખી પ્રેમ કહાની, આ રાજકુમારીએ શાહી ખાનદાન છોડી સામાન્ય વ્યક્તિ સાથે કર્યા લગ્ન