Gujarat Video: MLA ગેનીબેન ઠાકોરે કહ્યુ-પ્રેમ લગન કરનારા મોટા ભાગના યુવાનો ક્રાઇમ સાથે સંકળાયેલા, કડક કાયદાની કરી માંગ

TV9 Gujarati | Edited By: Avnish Goswami | Updated on: Jun 04, 2023 | 4:23 PM

Banaskantha ના રૈયા ગામની યુવતીના પ્રેમલગ્નને લઈ વાવના મહિલા ધારાસભ્ય ગેનીબેન ઠાકોરે બળાપો કાઢ્યો હતો. આ અંગે તેઓએ પ્રેમલગ્ન કરનારા યુવાનોને લઈ ગેનીબેને નિવેદન કર્યુ હતુ.

બનાસકાંઠા જિલ્લામાં એક પિતા પુત્રીને પ્રેમલગ્નથી અટકાવી ઘરે પરત ફરવા માટે માટે હાથ જોડીને આજીજી કરતા હોવાનુ વિડીયો સોશિયલ મીડિયામાં ખુબ જ વાયરલ થયો છે. આ માતા-અને પિતા કરગરવા છતાં પુત્રી પ્રેમી સાથે ચાલતી થઈ ગઈ હતી. પિતા બે હાથ જોડીને પગે લાગી રહ્યો હતો. પરંતુ પિતા પોતાની આબરુ સાચવા માટે પુત્રીને વિનંતી કરતો રહ્યો હતો. આ વિડીયો વાયરલ ખૂબ થયો હતો અને પિતાની વેદનાને લઈ તેની પર ચર્ચા પણ ખૂબ થઈ હતી.

આ દરમિયાન બનાસકાંઠાના વાવના મહિલા ધારાસભ્યએ પ્રેમલગ્ન કરનારાઓને લઈ નિવેદન કર્યુ હતુ. TV9 સાથેની વાતચીત દરમિયાન તેઓએ કહ્યુ હતુ કે, પ્રેમલગ્ન કરનારા મોટા ભાગના યુવાનો ક્રાઈમ સાથે સંકળાયેલા હોય છે. સમાજમાં જેની કોઈ ઈજ્જત ના હોય એવા લોકો જ પ્રેમ લગ્ન કરે છે. પ્રેમલગ્ન કરનારાને જાહેરમાં કડક સજા કરવી જોઈએ અને સરકારે આ માટે કડક કાયદો બનાવવો જોઈએ. ધારાસભ્ય ગેનિબેને કહ્યુ હતુ કે ક્રાઈમ સાથે સંકળાયેલા યુવાનોને કારણે અનેક પરિવાર વેરવિખેર થઈ જાય છે.