સરેરાશ નવ ઈંચ વરસાદમાં અમદાવાદ પાણી પાણી, હજુ પણ અનેક વિસ્તારો પાણીમાં ગરકાવ

અમદાવાદમાં (Ahmedbad) રવિવારે સાંજે અતિભારે વરસાદ નોંધાયો હતો. સાંજે સાત વાગ્યાથી શરૂ થયેલા વરસાદે (Rain) અમદાવાદને ધમરોળ્યું હતું. સતત ચાર કલાક ખાબકેલા અતિભારે વરસાદે તારાજી પણ સર્જી હતી. તો રાત્રે 2 કલાકે ફરી વરસાદે જોર પકડયું હતું. જેથી અમદાવાદ શહેરના તમામ વિસ્તારોમાં જળબંબાકારની સ્થિતિ પ્રવર્તી હતી. લોકોને વહેલી સવારે પણ બહાર નીકળવામાં અગવડનો સામનો કરવો પડયો હતો.

અમદાવાદમાં સતત ચાર કલાક જેટલો વરસાદ પડતાં વિવિધ વિસ્તારોમાં પાણી ભરાઇ ગયા છે. થલતેજ, કેશવબાદ, વેજલપુર, હેલ્મેટ સર્કલ વગેરે વિસ્તારમાં પાણી ભરાઈ ગયા છે. જ્યારે થલતેજમાં લવકુશ ટાવર પાસે વિહારધામ એપાટૅમેન્ટમાં કેટલાક ઘરોમાં ગટરનું પાણી ફરી વળ્યું હતું. હજું પણ શહેરના અનેક વિસ્તારોમાં વરસાદના પાણી ઓસર્યા નથી. અને, વહેલી સવારે પણ લોકોને અગવડનો સામનો કરવો પડયો હતો.

Web Stories View more

આજનું રાશિફળ તારીખ 17-05-2024

LICની આ પોલિસી દેશની દરેક દીકરીનું ભવિષ્ય કરશે સુરક્ષિત! આ રીતે કરો અરજી

તમારા ઘરની તુલસી સાથે જોડાયેલી આ 7 ભૂલો ક્યારેય ન કરતાં, જાણો કારણ

મુકેશ અંબાણીના Jioના નવા પ્લાને મચાવી ધૂમ, Netflix સહિત આ 15 OTTની ઍક્સેસ મળશે

પાકિસ્તાનમાં માહિરા સાથે થઈ બદતમીઝી, અજાણ્યા વ્યક્તિએ ફેંક્યો સામાન, હસીનાએ કહ્યું..

તમે અમીર બનવા માગતા હોવ તો વોરેન બફેટના આ 7 સરળ રસ્તા જાણી લો

અમદાવાદમાં ભારે વરસાદ અને હાલાકી, ઇમરજન્સી કોલ્સમાં વધારો

અમદાવાદના ઉસ્માનપુરા અને પાલડી-વેજલપુર-બોપલ સહિતના વિસ્તારોમાં આશરે 12 ઇંચથી 18 ઇંચ સુધી વધારે વરસાદ નોંધાયો છે. જેના કારણે આ વિસ્તારો જળમગ્ન થયા હતા. તેમાં પણ ઓફિસથી ઘરે જતા લોકોને ભારે અગવડ પડી હતી. ભારે વરસાદને કારણે શહેરમાં ઇમરજન્સી કોલ્સમાં એકાએક વધારો નોંધાયો હતો.

રાતે 10 થી 06                   બચાવકોલ

ગાડીમા ફસાયેલા કોલ       07

દીવાલ પડવાના                 02

ઝાડ પાડવાના                   01

થાંભલો પડવાના               01

ટોટલ                                12

અંગાર કોલ

શોર્ટ સર્કિટ                      05

ફેકટરી                             01

ગેસ લાઈનના આગ         01

ટોટલ                             07

રવિવારે સાંજે ફરવા નીકળેલા અને ખરીદી કરવા નીકળેલા કેટલાક શહેરીજનો ભારે વરસાદને કારણે અટવાઇ પડયા હતા. અને, કુલ 100 માણસોને પાણીમાંથી સલામત જગ્યાએ પહોંચાડ્યા હતા.

ભારે વરસાદને કારણે પ્રહલાદનગર રોડ પર આવેલા ઔડા તળાવની પાળી તૂટી ગઇ હતી. તેની પાસે આવેલી વ્રજવિહાર એપાર્ટમેન્ટના બેઝમેન્ટમાં પાણી ભરાઈ ગયા છે.

ભારે વરસાદના પગલે મીઠાખળી અંડરબ્રિજમાં પાણી ભરાઈ જતા વાહનવ્યવહાર માટે અંડરબ્રિજ બંધ કરાયો હતો. સરખેજનો મકરબા અંડરબ્રિજ, પરિમલ અંડરબ્રિજ, વેજલપુર અંડરબ્રિજ, વસ્ત્રાપુર રેલવે ક્રોસિંગ અંડરબ્રિજ પણ બંધ કરવામાં આવ્યો હતો. આમ કુલ 5 જેટલા અંડરબ્રિજ હાલમાં બંધ કરાયા.

ભારે વરસાદ અને પવનથી બોડકદેવ અને ઇસનપુરમાં ઝાડ પડવાની ઘટના બની છે. જેને દૂર કરવા માટે ફાયરબ્રિગેડની ટીમ દ્વારા કામગીરી શરૂ કરવામાં આવી છે. નારણપુરા વિસ્તારમાં આવેલા ડી. કે પટેલ હોલની પાછળ રંગમિલન સોસાયટીમાં પાણીની ટાંકી ધરાશાયી થઈ છે.