Ahmedabad: RTO માં પસંદગીના નંબર મેળવવા લાગી હજારોની બોલી, જાણો કયા નંબર માટે કેટલા રૂપિયા મળ્યા
ગોલ્ડન નંબર 0001 કોરોનાની બીજી લહેર દરમ્યાન ફક્ત 25 હજાર રૂપિયામાં જ વેચાયો હતો જે અત્યાર સુધીની સૌથી ઓછી કિંમત છે.
કોરોના લહેરને કારણે વાહનોની ખરીદીમાં તોતિંગ ઘટાડો નોંધાયો હતો. જેને કારણે ઓટોમોબાઇલ સેક્ટરને મોટું નુકસાન થયું હતું સાથે સાથે આરટીઓ કચેરીને પણ વાહનોના રજિસ્ટ્રેશનથી લઈને ચોઇસ નંબરમાં જોઈએ તેવી કમાણી થઈ નહોતી. પરંતુ કોરોનાનો બીજો વેવ પૂર્ણ થતાની સાથે લોકોને વાહનની જરૂરિયાત સમજાતા જ વાહનોની ખરીદીમાં ઉછાળો નોંધાયો. જેની સાથે ચોઇસ નમ્બર ની ખરીદીમાં પણ શહેરીજનોએ રસ દાખવી રહ્યા છે. તાજેતરમાં વાહનમાં ચોઇસ નમ્બર માટે WG સિરીઝ બહાર પાડવામાં આવી હતી જેમાં મનપસંદ નમ્બર મેળવવા માટે આરટીઓને 750 અરજી મળી હતી. જેને કારણે અમદાવાદ આરટીઓને 35 લાખ રૂપિયા જેલી આવક થઈ છે. જે કોરોનાની બીજી લહેર દરમ્યાન માત્ર 12.50 લાખ જ થઈ હતી. તો જે WG સિરીઝની હરાજી થઈ તેમાં 1111 નંબર માટે 6 લાખ ઉપર બોલી બોલાઈ છે. જોકે તેની પક્રિયા હજી ચાલુ છે. પણ rtoના અધિકારી નું માનવું છે કે WGની સિરિઝથી rtoને અંદાજે 35 લાખની આવક થશે.
કોરોના કાળમાં શહેરીજનોએ આર્થિક મુશ્કેલીનો સામનો કર્યો છે. જેને કારણે ખૂબ ઓછા શહેરીજનોએ ચોઇસ નમ્બર લેવાનું પસંદ કર્યું હતું. પરંતુ જેવી કોરોનાની બીજી લહેર પૂર્ણ થઈ શહેરીજનોએ તેમના પસંદગીના ગોલ્ડન અને સિલ્વર નંબરો મેળવવા માટે કોઈ કચાસ બાકી નથી રાખી. જેને કારણે આરટીઓની આવકમાં વધારો નોંધાયો છે.
કોરોનાની બીજી લહેરમાં અમદાવાદ RTO દ્વારા જાન્યુઆરી મહિનામાં WB સીરીજ માટે હરાજી શરૂ કરવામાં આવી હતી જેમાં માત્ર 123 શહેરીજનોએ જ ભાગ લીધો હતો, જ્યારે કોરોના ની બીજી લહેર પૂર્ણ થયા બાદ WC સીરીજ માટે હરાજી શરૂ કરવામાં આવી હતી જેમાં 697 શહેરીજનોએ ભાગ લીધો હતો. તો WE સિરીઝમાં 444 લોકોએ ભાગ લીધો અને તે રીતે WF સિરીઝમાં 550 લોકોએ ભાગ લીધો હતો. જેમાં WB સિરીઝના અલગ અલગ ગોલ્ડન અને સિલ્વર નમ્બર માટે RTO ને માત્ર 12.50 લાખ રૂપિયાની આવક થઈ હતી. જ્યારે WC સિરીઝના અલગ અલગ ગોલ્ડન અને સિલ્વર નમ્બર માટે RTO ને 72.46 લાખ રૂપિયા આવક થવા પામી છે. જે બાદ WE સિરીઝમાં આવકમાં વધારો થયો અને તેના કરતાં WF સિરીઝમાં આવકમાં વધારો નોંધાયો હતો.
ક્યાં નમ્બર માટે કેટલા રૂપિયા ચૂકવ્યા
નંબર WB WC WE WF
0001 રુ. 25,000 રુ. 4,01,000 — —
0009 રુ. 1,94,000 રુ. 1,65,000 રુ. 68,000 રુ. 40,000
0007 રુ. 25,000 રુ. 1,59,000 — —
0999 રુ. 25,000 રુ. 80,000 — —
1111 રુ. 25,000 રુ. 2,17,000 રુ. 88,000 રુ. 2,65,000
9999 રુ. 25,000 રુ. 79,000 રુ. 40,000 રુ. 1,80,000
0005 — — રુ. 73,000 રુ. 1,88,000
5555 — — રુ. 1,00,000 રુ. 40,000
નંબર WG
1111 રુ. 6,77,000 (હજુ પ્રક્રિયા ચાલુ રકમ વધી શકે.)
9999 રુ. 1,53,000
0005. રુ. 3,73,000
6666 રુ. 1,05,000
મોંઘવારી વચ્ચે લોકો હજારો નાણાં ખર્ચી મેળવી રહ્યા છે પસંદગીના નંબર
સામાન્ય રીતે 0001 અને 0007 આ બંને નમ્બરની ડિમાન્ડ ચોઇસ નંબરમાં સૌથી વધુ રહેતી હોય છે. જેને મેળવવા માટે શહેરીજનો લાખો રૂપિયા ખર્ચી દેતા હોય છે. આ ગોલ્ડન નંબર 0001 કોરોનાની બીજી લહેર દરમ્યાન ફક્ત 25 હજાર રૂપિયામાં જ વેચાયો હતો જે અત્યાર સુધીની સૌથી ઓછી કિંમત છે. અને કોરોનાની બીજી લહેર બાદ આ જ 0001 નમ્બર 4.01 લાખ રૂપિયામાં વેચાયો છે. જેના પરથી અંદાજો લગાવી શકાય છે કે કોરોનાની બીજી લહેરમાં શહેરીજનોની આર્થિક પરિસ્થિતિ કેટલી ખરાબ રહી હશે. તો છેલ્લે WG સિરીઝમાં 0005 નંબર અને 1111 નંબર ની બોલી સૌથી વધુ લાગી છે. જેમાં હજુ 1111 નંબર ની પ્રક્રિયા ચાલુ છે જેમાં રકમ વધી શકે છે. જે જોતા લાગી રહ્યું છે કે લોકો પોતાના શોખ અને પસંદગીના નંબર મેળવવા મોંઘવારી વચ્ચે પણ લાખો રૂપિયા ખર્ચી રહ્યા છે. જેના કારણે RTO ની આવકમાં સતત વધારો થઈ રહ્યો છે.
