Ahmedabad : પોલીસે રાજસ્થાન પરિવહન નિંગમના ડ્રાઇવરની દારૂની હેરાફેરી કરતાં ધરપકડ કરી
પોલીસ તપાસમાં સામે આવ્યું કે બસ ડ્રાઇવર ભવરસિંગ શેખાવત અત્યાર સુધી 10 થી વધુ ટ્રીપ અમદાવાદમાં કરી ચુક્યો છે..જેમાં દારૂ ભરેલા બેગની ડિલિવરી કરવા એક બેગ દીઠ 2 હજાર રૂપિયા મળતા હતા.જે તપાસમાં સામે આવ્યું કે રાજસ્થાન જોધપુરના કિરણ મેવાડા નામના શખ્સ આ દારૂની બોટલ સપ્લાય કરતો હતો
અમદાવાદમાં (Ahmedabad) દારૂ ની હેરાફેરીના પોલીસ ચોપડે અનેક કિસ્સાઓ નોંધાયા છે. પરંતુ આરોપીઓ પણ પોલીસ કામગીરી પારખી ગયા હોય તેમ દારૂની(Liquor) હેરાફેરી માટે નવા નુસખાઓ અપનાવી રહ્યા છે. જેમાં શહેરના પાલડી પોલીસે રાજસ્થાન પરિવહન નિગમની(RSRTC) બસની આડમાં દારૂની હેરાફેરી કરતા ડ્રાઇવરની ધરપકડ કરી છે.પાલડી પોલીસે ધરપકડ કરેલા ભવરસિંગ શેખાવત મૂળ કામ તો રાજસ્થાનથી મુસાફરો લઈને મુકામે પહોંચાડવાનો છે.પરતું શોર્ટકટમાં પૈસા કમાવાની લાલચમાં રાજસ્થાન થી દારૂની હેરાફેરી શરૂ કરી અને છેલ્લા ચાર થી પાંચ મહીનાથી ગુજરાતમાં દારૂ ની હેરાફેરી કરવાનું શરૂ કર્યું..પાલડી પોલીસે બાતમીના આધારે રાજસ્થાન પરિવહન નિગમની જોધપુર ડેપોની એસટી બસ પાલડીમાંથી ઝડપી તેમાં તપાસમાં કરતા અલગ અલગ વિદેશી દારૂની 52 જેટલી બોટલો મળી આવી હતી.
જ્યારે પોલીસ તપાસમાં સામે આવ્યું કે બસ ડ્રાઇવર ભવરસિંગ શેખાવત અત્યાર સુધી 10 થી વધુ ટ્રીપ અમદાવાદમાં કરી ચુક્યો છે..જેમાં દારૂ ભરેલા બેગની ડિલિવરી કરવા એક બેગ દીઠ 2 હજાર રૂપિયા મળતા હતા.જે તપાસમાં સામે આવ્યું કે રાજસ્થાન જોધપુરના કિરણ મેવાડા નામના શખ્સ આ દારૂની બોટલ સપ્લાય કરતો હતો.અને બસ ડ્રાઇવર જોધપુર થી દારૂ ભરેલો થેલો લઈ અમદાવાદ માં કિરણ મેવાડા પહોંચાડતો હતો.જેથી પોલીસે દારૂ સપ્લાય કરનાર મુખ્ય આરોપી કિરણ મેવાડાની શોધખોળ શરૂ કરી.ત્યારે ફરાર આરોપી કિરણની જોધપુરમાં દારૂની શોપ હોવાનું સામે આવ્યું છે.
ઉલ્લેખનીય છે કે થોડા દિવસ પહેલા વાસણા પોલીસે દાહોદ થી અમદાવાદ આવતી એસટી બસમાં દારૂ લઈ આવતા ડ્રાઇવર અને કંડકટરની ધરપકડ કરી હતી..તેવી જ મોડ્સ ઓપરેન્ડીથી ફરી એકવાર એસટી બસમાં દારૂ જથ્થો લઈ આવતા બસ ડ્રાઇવર ઝડપાયો છે.તેવામાં જો પોલીસ દ્વારા અવારનવાર એસટી બસનું ચેકિંગ કરવામાં આવે તો આવા અનેક ડ્રાઈવરોના ચહેરાઓ સામે આવી શકે છે.
આ પણ વાંચો : Ahmedabad : નર્સીંગનો અભ્યાસ કરતા યુવકે ઈન્સ્ટાગ્રામ પર મુગટ પહેરેલો ફોટો મુકતા ધમકી મળી
આ પણ વાંચો : સુરત પોલીસ દ્વારા શહેરના જે વિસ્તારમાં ક્રાઇમ રેટ વધુ છે ત્યાં 40 કિલોમીટર સાયકલિંગ કરવામાં આવ્યું
