Ahmedabad: ચીયર ફોર ઇન્ડિયા કેમ્પઈનનું આયોજન, રિવર ફ્રન્ટ પર બનાવાયો સેલ્ફી પોઇન્ટ

Ahmedabad: ટોક્યો જાપાન ખાતે ચાલુ વર્ષે યોજાનાર ઓલમ્પિક 2020 (Olympics 2020) અન્વયે ભારત દેશના ભાગ લેનાર ખેલાડીઓને પ્રોત્સાહન મળી રહે તે હેતુથી ભારત સરકારના ખેલ મંત્રાલય દ્વારા ખેલ મહાકુંભ અંતર્ગત #cheer4India કેમ્પઈન ચાલુ કરવામાં આવ્યું છે. જે અન્વયે જુદા જુદા શહેરોમાં ઓલમ્પિક લોગો સાથેના સેલ્ફી પોઇન્ટ ઉભા કરવામાં આવ્યા છે.

જેના ભાગ રૂપે શહેરમાં આવેલા રિવરફ્રન્ટ હાઉસ (Riverfront House) પાસે સેલ્ફી પોઇન્ટ (Selfie Point) ઉભો કરાયો. જેનું આજે મેયર કિરીટ પરમાર (Kirit Parmar, Mayor). સ્ટેન્ડિંગ કમિટી ચેરમેન હિતેશ બારોટ. ડેપ્યુટી મેયર ગીતાબેન. સતાપક્ષ નેતા ભાસ્કર ભટ્ટ અને સ્પોર્ટ્સ મેન રહી ચુક્યા હોય તેવા દંડક અરુણસિંહ રાજપુતે ઓપનિંગ કર્યું. તેમજ નાગરિકો સોસીયલ મીડિયા પર #cheer4India કેમ્પઈન ઉપર સેલ્ફી પોસ્ટ કરીને ગુજરાતના તેમજ ભારતના ખેલાડીઓને પ્રોત્સાહિત કરે તેવો પ્રયાસ કર્યો છે.

#Cheer4India Selfie Point, Rioverfront Ahmedabad

23 જુલાઈના રોજ ટોકિયોમાં યોજાનાર ઓલમ્પિક અને પેરા ઓલમ્પિક 20-20 ગેમ્સમાં ગુજરાત રાજ્યની 6 મહિલા ખેલાડીની પસંદગી થઈ છે. જે રાજ્ય માટે ઐતિહાસિક સિદ્ધિ છે. આ અગાઉ ગુજરાત રાજ્ય તરફથી હોકી ગેમ્સમાં ગોવિંદરાવ સાવંત દ્વારા 1960 રોમ ઓલિમ્પિકમાં ભારત તરફથી પ્રતિનિધિત્વ કર્યું હતું. તેમજ તેની અગાઉ ખેલાડી શંકરરાવ થોરાટ કુસ્તી ગેમમાં 1936માં ભારત દેશ તરફથી પ્રતિનિધિત્વ કર્યું હતું. જે દેશ અને રાજ્ય માટે ગર્વની વાત છે.

2020 Tokyo Olympics ગેમ્સમાં ક્વોલિફાય થયેલા ખેલાડીઓ

1. પારુલ પરમાર. પીઆ બેડમિન્ટન
2. ભાવના પટેલ. પેરા ટેબલ ટેનિસ
3. સોનલ પટેલ. પેરા ટેબલ ટેનિસ
4. અંકિતા રૈના. ટેનિસ
5. માના પટેલ. સ્વીમર
6. ઇલાવેનિલ વાલારીવાન. શૂટિંગ

એટલું જ નહીં પણ 2036માં ઓલમ્પિક ગેમ્સ ભારત અને તેમાં પણ અમદાવાદ ગુજરાતમાં રમાય તેવું આયોજન વડા પ્રધાન નરેન્દ્ર મોદી પ્રયાસ કરી રહ્યા છે. જે પ્રયાસ સફળ રહેશે તેવું મેયરે નિવેદન આપ્યું સાથે જ પ્રયાસ સફળ રહેશે તો તે ભારત દેશ માટે ગર્વની વાત પણ ગણાવી હતી.

આમ. AMC અને વિવિધ શહેરના સતાપક્ષ દ્વારા એક પ્રયાસ ખેલાડીઓને પ્રોત્સાહિત કરવાનો કરાયો છે.

આ પણ વાંચો: હવે ધ્વનિ પ્રદૂષણ કર્યું તો ખેર નથી, ચૂકવવો પડશે એક લાખ રૂપિયાનો માતબર દંડ 

આ પણ વાંચો: Kangana Ranaut : કંગના પોતે ધો.12 નાપાસ અને નાની કંગનાને કહ્યું તું અભ્યાસ કરે છે કે નહિ ! જાણો સેલિબ્રિટીઝ અને ભણતર