અમદાવાદ: દરિયાપુર દરવાજા પાસે એક્સિસ બેન્કના એટીએમમાંથી ડબલ પૈસા નીકળતા હોવાની વાતને લઈને એટીએમ બહાર લોકોની ભીડ જામી હતી. એટીએમમાંથી ડબલ પૈસા નીકળતા હોવાની વાતને લઈને લોકોના ટોળા ઉમટ્યા હતા અને અનેક લોકોએ ટ્રાન્જેક્શન કરી ડબલ પૈસા ઉપાડયા હોવાની વાતને લઈને તાત્કાલિક પોલીસ કર્મીઓ ઘટના સ્થળે પહોંચ્યા હતા. સ્થાનિકોના મત મુજબ એટીએમમાંથી 500 રૂપિયા ઉપાડતા 1000 રૂપિયા નીકળતા હતા.
આ પણ વાંચો : સચિન તેંડુલકરે આપ્યો જવાબ કે કયો ખેલાડી તેને સૌથી વધારે પસંદ છે!
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
આમ ડબલ પૈસા નીકળી રહ્યાં હોવાનો સ્થાનિકોએ મોબાઈલ વીડીયો વાઇરલ કર્યો હતો. આમ બેંકના કર્મચારીઓને જાણ થતાં તાત્કાલિક ટેક્નિશીયન એટીએમ મશીન રીપેર કરવા પહોંચ્યા હતા. પ્રાથમિક માહિતી મુજબ ટેક્નીકલ ક્ષતિના કારણે ડબલ પૈસા આવી રહ્યા હતા. હાલ એટીએમનું શટર બંધ કરી યુદ્ધના ધોરણે એટીએમ રીપેર કરવા માટે 5 કર્મચારીઓ પોલીસની ઉપસ્થિતિમાં કામે લાગ્યા છે.