અમદાવાદમાં AMCની આધુનિક કામગીરી, રખડતા પશુઓમાં માઈક્રોચીપ ઈન્જેક્ટ કરવામાં આવી

અમદાવાદમાં રખડતા ઢોરોની સમસ્યાનો ઉકેલ લાવવા તંત્ર સજ્જ બન્યું છે. હવે આધુનિક પદ્ધતિથી કાર્યવાહી હાથ ધરી છે. તંત્ર દ્વારા રખડતા પશુના શરીરમાં માઈક્રોચીપ ઈન્જેક્ટ કરવામાં આવી રહી છે. અદ્યતન ટેક્નોલોજી ધરાવતી આ માઈક્રોચીપ તબીબ દ્વારા પશુના શરીરમાં ફીટ કરવામાં આવી રહી છે. જેથી પશુનું ચોક્કસ લોકેશન જાણી શકાશે.

આ પણ વાંચો : ઉધારના રૂપિયાથી મોજ કરાનારો ભાગેડુ વિજય માલ્યા હવે લંડનમાં પણ થશે બેઘર, હોમલોન ન ચૂકવવા બદલ બેંક જપ્ત કરશે કરોડોનું ઘર

આ માઈક્રોચીપમાં પશુના માલિકનું નામ અને સરનામુ સહિતની વિગતો અપલોડ કરવામાં આવે છે. જેથી ચીપ દ્વારા પશુના માલિકની પણ માહિતી મેળવી શકાય.