અમરેલીના બાબરા માર્કેટયાર્ડમાં 30 હજાર મણ કપાસ વેચવા ખેડૂતોએ લગાવી 2 કિ.મી. લાંબી લાઈન
પ્રજાસત્તાક દિવસની રજા બાદ આજે ખુલેલા બાબરા (babra) માર્કેટ યાર્ડમાં કપાસ (cotton) વેચવા માટે ખેડૂતોનો સમૂહ ઉમટ્યો છે. બાબરા માર્કેટયાર્ડની બહાર આશરે બે કિલોમીટર લાંબી લાઈનો લાગી હતી. બાબરા માર્કેટ યાર્ડમાં કપાસનો ભાવ 1100થી લઈને1185 સુધીનો બોલાઈ રહ્યો છે
અમરેલી (AMRELI) જિલ્લાના બાબરા (babra) માર્કેટ યાર્ડમાં કપાસની(cotton) મબલખ આવક થવા પામી છે. બાબરા માર્કેટયાર્ડમાં કપાસ વેચવા આવેલા ખેડૂતો મોટા પ્રમાણમાં ઉમટ્યા હોવાથી, વાહનોની બે કિલોમીટર સુધી લાંબી લાઈન જોવા મળી હતી. ગઈકાલે 26મી જાન્યુઆરીના પર્વની રજા હોવાથી, માર્કેટયાર્ડ આજે ખુલતાની સાથે જ કપાસ વેચવા માટે ખેડૂતો કપાસ સાથે ઉમટ્યા હતા. બાબરા માર્કેટયાર્ડના અધિકારીઓનુ કહેવા મુજબ, ખેડૂતો આશરે 30 હજાર મણ કપાસ વેચવા આવ્યા છે. બાબરા માર્કેટયાર્ડમાં કપાસના સારા ભાવ મળતા હોવાથી આજુબાજૂના વિસ્તારમાંથી પણ ખેડૂતો કપાસનો જથ્થો લઈને આવ્યા છે. હાલ બાબરા માર્કેટયાર્ડમાં 1100થી લઈને1185 સુધીનો ભાવ બોલાઈ રહ્યો છે.