VIDEO: તીડને લઈ ગુજરાત માટે રાહતના સમાચાર, તીડનું ઝુંડ રાજસ્થાન તરફ ગયું
તીડને લઈ ગુજરાત માટે રાહતના સમાચાર છે. સતત બે દિવસથી પવનની દિશા રાજસ્થાન તરફ હોવાના કારણે તીડનું ઝુંડ રાજસ્થાન તરફ ગયું છે. જ્યારે તીડનું એક ઝુંડ થરાદને અડીને આવેલા ધાનેરાના ગામમાં છે. આજે કેન્દ્ર અને રાજ્ય સરકારની ટીમો ધાનેરા અને દાંતીવાડામાં તીડ નિયંત્રણની કામગીરી કરી રહી છે. જો કે હજુ પણ બનાસકાંઠા, સાબરકાંઠા, પાટણ અને […]
તીડને લઈ ગુજરાત માટે રાહતના સમાચાર છે. સતત બે દિવસથી પવનની દિશા રાજસ્થાન તરફ હોવાના કારણે તીડનું ઝુંડ રાજસ્થાન તરફ ગયું છે. જ્યારે તીડનું એક ઝુંડ થરાદને અડીને આવેલા ધાનેરાના ગામમાં છે. આજે કેન્દ્ર અને રાજ્ય સરકારની ટીમો ધાનેરા અને દાંતીવાડામાં તીડ નિયંત્રણની કામગીરી કરી રહી છે. જો કે હજુ પણ બનાસકાંઠા, સાબરકાંઠા, પાટણ અને મહેસાણાના કુલ 124 ગામોમાં તીડનો આતંક યથાવત્ છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
તીડને નિયંત્રણમાં લેવા અને તીડ કઈ તરફ જઈ રહ્યા છે, તેનો સર્વે કરવા માટે સરકારની કુલ 33 ટીમો કામે લાગેલી છે. ત્યારે રાજ્ય સરકારના કૃષિ વિભાગના અધિકારીનું કહેવું છે કે દવાના છંટકાવ ઉપરાંત ખેતરમાં પાણીના ફુવારા ચાલુ રખાય તો તીડ બેસતા નથી. જેથી આ પ્રકારનો પ્રયોગ કરવા માટે અસરગ્રસ્ત ગામોમાં દિવસ દરમિયાન પણ વીજપુરવઠો ચાલુ રખાયો છે.
તીડના આતંકની વાત કરીએ તો હાલ બનાસકાંઠા, મહેસાણા, પાટણ અને સાબરકાંઠાના કેટલાક વિસ્તારોમાં તીડનું આક્રમણ છે. જેમાં સૌથી વધુ અસરગ્રસ્ત બનાસકાંઠા જિલ્લો છે. જેના 13 તાલુકાના 114 ગામોમાં તીડની હાજરી છે. જ્યારે મહેસાણાના એક તાલુકાના 5 ગામોમાં તીડનો આતંક છે. જ્યારે પાટણના 2 તાલુકાના 4 ગામોમાં તીડનું આક્રમણ છે. સાબરકાંઠાના 1 તાલુકાના 1 ગામમાં તીડની હાજરી જોવા મળી છે. જેથી સરકારી અધિકારીઓની ટીમોએ તીડના લોકેશન ટ્રેક કરીને તેના પર નિયંત્રણની કામગીરી યુદ્ધના ધોરણે હાથ ધરી છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
આ પણ વાંચો: 15 જાન્યુઆરી 2020થી સરકાર 12 રાજ્યોમાં લાગૂ કરશે ‘વન નેશન વન રાશનકાર્ડ’