Yummy Recipes : બનાવો રીંગણાનું સ્વાદિષ્ટ દહીં વાળુ શાક, રોટલો કે રોટલી સાથે માણો તેનો સ્વાદ
અમે તમારા માટે લઇને આવીએ છીએ રોજ એક નવી રેસીપી. આજે આપણે બનાવતા શીખીશું રીંગણાનું દહી વાળુ શાક.
કોરોનાના આ કપરા કાળમાં જ્યારે મોટા ભાગના શહેરોમાં લૉકડાઉન અને કર્ફ્યૂ જેવી સ્થિતી છે ત્યારે લોકો ઘરે જ નવી વાનગીઓ બનાવે તે હેતુથી અમે તમારા માટે લઇને આવીએ છીએ રોજ એક નવી રેસીપી. આજે આપણે બનાવતા શીખીશું રીંગણાનું દહી વાળુ શાક.
દહી રીંગણનું શાક બનાવવા માટેની આવશ્યક સામગ્રીઓ:
મુખ્ય સામગ્રીઓ:
લાંબી પટ્ટીમાં કાપેલ ૧૦૦ ગ્રામ રીંગણ (brinjals)
૫૦ ગ્રામ દહીં (curd)
૧ મધ્યમ કદની સમારેલ ડુંગળી (onion)
અન્ય સામગ્રીઓ:
૧ ચમચી લસણની પેસ્ટ (garlic paste)
૧/૨ ચમચી જીરું (cumin seeds)
૧ તજનો ટુકડો (cinnamon)
૩-૪ લવીંગ (cloves)
૧ પાંદ તમાલ પત્ર (bay leaf)
૧/૨ કટકો જાવીન્ત્રી (javitri)
૪-૫ મરી (black pepper)
૨ બાદિયાન (Star anise)
નમક સ્વાદ અનુસાર (salt)
૧/૮ ચમચી ગરમ મસાલો (garam masala)
રીંગણ તળવા માટે તેલ (oil)
૨ ચમચી તેલ (oil)
સુકા મસાલા માટેની સામગ્રીઓ:
૧ ચમચી વરીયાળી (fennel seeds)
૧ ચમચી ધાણા પાવડર (coriander powder)
૧ ચમચી તલ (sesame seeds)
૧ ચમચી સુકો આદુનો પાવડર (dry ginger powder)
૧ ચમચી લાલ મરચું પાવડર (red chili powder)
૧/૨ ચમચી હળદર પાવડર (turmeric powder)
૧ ચમચી (peanuts)
સજાવટ માટે થોડી કોથમીર (coriander leaves)
દહીં રીંગણ નું શાક બનાવવાની રીત:
મિક્ષ્ચર જારમાં સૌ પ્રથમ બી, વરીયાળી, સુકા આદુનો પાવડર, ધાણા પાવડર, તલ, લાલ મરચું પાવડર, હળદર પાવડર ઉમેરી બધુજ ગ્રાઈન્ડ કરી લો અને એક બાઉલમાં લઇ લો.
હવે એક કડાઈમાં તેલ ગરમ કરી, જયારે તેલ ગરમ થઇ જાય ત્યારે ત્યારે તેમાં રીંગણ નાંખી તે સોફ્ટ બની જાય ત્યાં સુધી તળી લો અને ત્યારબાદ તેને એક પ્લેટમાં લઇ લો.
હવે એક નોન-સ્ટીક કડાઈમાં તેલ ગરમ કરી તેમાં તમાલ પત્ર, લવીંગ, મરી, બાદિયાન, જાવીન્ત્રી અને જીરું નાંખી મસાલાઓ તતડવા લાગે ત્યાં સુધી પકાઓ.
હવે તેમાં ડુંગળી નાંખી તે પારદર્શક બની જાય ત્યાં સુધી પકાઓ. હવે તેમાં લસણની પેસ્ટ નાંખી થોડી વાર સાંતળો. હવે આગાઉ બનાવેલ બધાજ સુકા મસાલાઓને તેમાં નાંખી ૧ મિનીટ સુધી પકાઓ.
૧ મિનીટ બાદ તેમાં ૧/૨ કપ પાણી, નમક અને તળેલા રીંગણ નાંખી ઢાંકી દઈ ૩-૪ મિનીટ સુધી પકાઓ. ૩-૪ મિનીટ બાદ ઢાંકણ ખોલી દહીં ઉમેરી ફરીથી ઢાંકી દઈ ૨ મિનીટ સુધી પકાઓ.
૨ મિનીટ બાદ તેમાં ગરમ મસાલો ઉમેરી ઢાંકી દઈ ૧ મિનીટ સુધી પકાઓ. ૧ મિનીટ બાદ ગેસ બંધ કરી શાક ને સર્વિંગ પ્લેટમાં લઇ સર્વ કરો.