આ વખતે પણ રણવીર સિંહે ઈન્સ્ટાગ્રામ દ્વારા આસ્ક મી એનીથિંગ સેશન દ્વારા પોતાના ચાહકો સાથે જોડાવાનો પ્રયાસ કર્યો. રણવીર સિંહના ચાહકો અને બોલિવૂડની ઘણી હસ્તીઓએ આ સત્ર દરમિયાન અભિનેતા સંબંધિત ઘણા રસપ્રદ પ્રશ્નો પૂછ્યા. જોકે, સૌથી વધુ ધ્યાન આકર્ષિત કર્યું રણવીર સિંહની પત્ની અને અભિનેત્રી દીપિકા પદુકોણ (Deepika Padukone) ના પ્રશ્નએ.
અભિનેત્રી દીપિકા પાદુકોણે જે પ્રશ્ન રણવીરને પૂછ્યો અને પછી તેનો જવાબ અભિનેતા એ આપ્યો તેને વાંચ્યા બાદ ચાહકો રણવીરની મજાક કરી રહ્યા છે. ખરેખર, દીપિકા પાદુકોણે સરળ શબ્દોમાં તેમના પતિને પૂછવા માંગતી હતી કે તે ક્યારે ઘરે આવી રહ્યા છે. દીપિકાએ લખ્યું- તમે ઘરે ક્યારે આવો છો? રણવીરે પણ દીપિકાના આ સવાલને નજરઅંદાજ ન કર્યો.
દીપિકાના આ સવાલના જવાબમાં રણવીરે લખ્યું – ફૂડ ગરમ કરી લો બેબી, હું હમણાં જ પહોંચું છું. રણવીર સિંહે તેની ઈન્સ્ટાગ્રામ સ્ટોરી પર દીપિકા સાથેના તેના સવાલ-જવાબનો સ્ક્રીનશોટ ઉમેર્યો છે, જે હવે ખૂબ વાયરલ પણ થઈ રહ્યો છે. રણવીર સિંહના કેટલાક ચાહકો તેમને પત્નીથી ડરવા વાળો વ્યક્તિ પણ કહી રહ્યા છે. જો કે, આ પતિ અને પત્ની વચ્ચેની વ્યક્તિગત વાતચીત છે, લોકોએ આ અંગે વધારે તર્ક ન લગાવી જોઈએ.
દીપિકા અને રણવીરની જોડીને તેમના ચાહકો ખૂબ પસંદ કરે છે, પછી તે ઓન કેમેરામાં હોય કે પછી ઓફ કેમેરા. બંને વચ્ચેનો વ્યંગ તેમના ચાહકો ખૂબ પસંદ કરે છે. જ્યારે પણ રણવીર અને દીપિકા એકબીજા સાથે તેમની તસ્વીરો અને વીડિયો શેર કરે છે, ત્યારે તેમના ચાહકો તે પોસ્ટ્સ પર જબરદસ્ત લાઈક અને કમેન્ટ કરે છે.
દીપિકાના વર્કફ્રન્ટની વાત કરીએ તો તે કબીર ખાનની ફિલ્મ 83માં પતિ રણવીર સાથે જોવા મળશે. આ ફિલ્મમાં રણવીર કપિલ દેવનું પાત્ર ભજવતો જોવા મળશે અને દીપિકા તેમની પત્ની રોમી દેવની ભૂમિકા ભજવશે. આ સિવાય દીપિકાના ખાતામાં શકુન બત્રાની આગામી ફિલ્મ પણ છે. આ સિવાય તે ફાઈટરમાં પણ જોવા મળશે. દીપિકા ફિલ્મ પઠાણ, નાગ અશ્વિનની આગામી ફિલ્મ અને મુવી ધ ઈન્ટર્ન માં પણ જોવા મળશે.
આ પણ વાંચો :- Tiger 3 : શું ઇમરાન હાશ્મી સલમાનને હરાવવા માટે તૈયાર છે ? જીમમાં ઇમરાનનો દેખાયો ફિટ અવતાર
આ પણ વાંચો :- New OTT Release : આ ઓટીટી પર રિલીઝ થશે રાજકુમાર રાવ-ક્રિતી સેનનની ફિલ્મ હમ દો-હમારે દો