સાઉથના સુપરસ્ટાર વિજય દેવરાકોંડા (Vijay Deverakonda) હવે માત્ર સાઉથના જ નહીં પણ હિન્દીભાષી દર્શકોના પણ ફેવરિટ બની ગયા છે. તે તેની આગામી બોલિવૂડ ફિલ્મને લઈને ખૂબ જ ચર્ચામાં છે. તે આખી ટીમ સાથે લોસ એન્જલસમાં ફિલ્મ ‘લાઈગર’ના શૂટિંગમાં વ્યસ્ત છે.
આ શૂટના સેટ પરથી તસવીરો શેર કરીને તે તેના ચાહકોની ઉત્સુકતા વધારતો રહે છે. વિજયે ફરી એકવાર તેના સોશિયલ મીડિયા એકાઉન્ટ પરથી એક તસવીર શેર કરી છે જેમાં તેની કોસ્ટાર અનન્યા પાંડે પણ તેની સાથે છે.
વિજયે તેના ઈન્સ્ટાગ્રામ એકાઉન્ટ પરથી જે તસવીર શેર કરી છે તેમાં ચાર લોકો દેખાઈ રહ્યા છે. વિજયની સાથે, તેની કોસ્ટાર અનન્યા પાંડે પણ દિગ્દર્શક પુરી જગન્નાથ અને ચાર્મી કૌર સાથે જોવા મળે છે, જેઓ ફિલ્મ ‘લાઈગર’નું નિર્દેશન કરી રહ્યા છે. આ તસવીર લોસ એન્જેલીસના શુટિંગમાંથી નવરાશના સમયે લેવામાં આવી હતી. ફોટામાં વિજય સફેદ ટી-શર્ટ અને બ્લેક ટ્રાઉઝરમાં જોવા મળી રહ્યો છે. તેણે ચારુ અને અનન્યાના ખભા પર હાથ મૂકી ઉભેલો દેખાઈ રહ્યો છે.
આ તસવીર શેર કરતા વિજયે લખ્યું કે, “હેલો ફ્રોમ લોસ એન્જલસ.” વિજય અને અનન્યા તેમની આગામી ફિલ્મના શૂટિંગ માટે લોસ એન્જલસમાં છે. આ ફિલ્મનું શૂટિંગ ખૂબ જ ઊંચા સ્તર પર થઈ રહ્યું છે. આમાં વિજય વાકઃ બોક્સરની ભૂમિકામાં છે. વિજય આ ફિલ્મની જાહેરાત બાદથી ચર્ચામાં છે. ચાલો તમને લાઈગર નામ વિશે જણાવીએ, જેનો અર્થ અડધો સિંહ અને અડધો વાઘ થાય છે. જ્યારે તેનું પોસ્ટર યુનિક નામ સાથે રિલીઝ કરવામાં આવ્યું ત્યારે વિજયનો ફાઇટર લુક બતાવવામાં આવ્યો હતો.
આ ફિલ્મ સાથે જોડાયેલી સૌથી ખાસ વાત એ છે કે પ્રથમ વખત મહાન બોક્સર માઈક ટાયસન બોલિવૂડની કોઈ ફિલ્મમાં દેખાવા જઈ રહ્યો છે. માઈક ટાયસને વિજયની ફિલ્મમાં કામ કરવા માટે હા પાડી હતી. તેની અને વિજયની ઘણી તસવીરો સોશિયલ મીડિયા પર ખૂબ વાયરલ થઈ રહી છે. આ ફિલ્મમાં વિજય, અનન્યા અને માઈક ટાયસન ઉપરાંત રામ્યા કૃષ્ણન, રોનિત રોય, વિશુ રેડ્ડી જેવા કલાકારો કામ કરી રહ્યા છે. આ ફિલ્મને કરણ જોહર પ્રોડ્યુસ કરી રહ્યો છે. આ ફિલ્મ હિન્દી, તમિલ, તેલુગુ, મલયાલમ અને કન્નડ ભાષાઓમાં રિલીઝ થશે. આ ફિલ્મ આવતા વર્ષે એટલે કે 2022માં રિલીઝ થશે.
આ પણ વાંચો: ખુશખબર : ઈન્ડિયન એરફોર્સમાં જોડાવા માગતા ઉમેદવારો માટે ઉતમ તક, જાણો ભરતીની સમગ્ર પ્રક્રિયા