Vicky Katrina Wedding : વિકી અને કેટરીનાના લગ્નનું મેનુ આવ્યુ સામે, ટ્રેડિશ્નલથી લઇને એક્ઝોટીક ડિશનો સમાવેશ

કોઈપણ લગ્નમાં મહેમાનો જેની આતુરતાથી રાહ જોતા હોય છે તે છે ભોજન (Wedding Food). અત્યારે બધાની નજર વિકી (Vicky Kaushal) અને કેટરીનાના (Katrina Kaif) લગ્ન પર છે. ચાહકો દરેક વિગતો વિશે જાણવા માટે ઉત્સુક છે. વિકી અને કેટરીનાનો પરિવાર ગઈકાલે રાત્રે સિક્સ સેન્સ બરવાડા ફોર્ટ પહોંચ્યો હતો.

હવે લગ્નમાં આવેલા મહેમાનો અને તેમના પરિવારના સભ્યો એરપોર્ટની બહાર સતત જોવા મળી રહ્યા છે. અભિનેત્રી નેહા ધૂપિયા તેના પતિ અંગદ બેદી સાથે જોધપુર એરપોર્ટ પર જોવા મળી હતી. આ સિવાય કેટરીનાના સારા મિત્ર અને નિર્દેશક કબીર ખાન પરિવાર સાથે લગ્નમાં પહોંચવા માટે રવાના થઈ ગયા છે.

રિપોર્ટ અનુસાર, વિકી કૌશલ અને કેટરીના કૈફના લગ્નમાં કચોરી, દહી ભલ્લે, ફ્યુઝન ચાટ સામેલ હશે. આ સિવાય કબાબ અને ફિશ પ્લેટ સામેલ છે. પરંપરાગત રાજસ્થાની ભોજન દાળ બાટી ચુરમા જે લગભગ 15 વિવિધ પ્રકારની દાળમાંથી બનાવવામાં આવશે. બ્લુ-વ્હાઈટ ટિફની કેક હશે જે ખાસ કરીને ઈટાલીના શેફ દ્વારા તૈયાર કરવામાં આવશે. આ ઉપરાંત ગોલગપ્પા, પાન અને ભારતીય વાનગીઓના વિવિધ સ્ટોલ છે. આ ઉપરાંત ફૂડમાં વિદેશી વાનગીઓનો પણ સમાવેશ કરવામાં આવશે.

રિપોર્ટ અનુસાર આજથી લગ્ન પહેલાની વિધિ શરૂ થઈ ગઈ છે. હલ્દી, મહેંદી, સંગીત બધું જ ભવ્ય હશે. વિકી અને કેટરીના મુંબઈમાં રિસેપ્શન રાખશે જેથી જે લોકો લગ્નમાં ન આવી શકે. વિકી કૌશલ અને કેટરીના કૈફ 9 ડિસેમ્બરે લગ્નના બંધનમાં બંધાવા જઈ રહ્યા છે. જિલ્લા વહીવટીતંત્ર અનુસાર, લગ્નમાં 120 મહેમાનો હાજરી આપશે. આ સાથે લગ્નમાં આવનાર મહેમાનને કેટલાક નિયમોનું પાલન કરવું પડશે. રિપોર્ટ અનુસાર, કોઈ પણ ગેસ્ટ પોતાના ફોન પર લગ્નની તસવીરો અને વીડિયો નહીં લઈ શકે. લગ્ન સમારોહની તસવીરો સોશિયલ મીડિયા પર શેર કરી શકતા નથી.

અહેવાલ મુજબ, OTT પ્લેટફોર્મે વિકી અને કેટરિનાને તેમના લગ્નની વિશિષ્ટ તસવીરો માટે સંપર્ક કર્યો છે. આ માટે OTT પ્લેટફોર્મે વિકી અને કેટરીનાને 100 કરોડ રૂપિયાની ઓફર કરી છે. જો કે આ મામલામાં કેટલું સત્ય છે તેની કોઈ માહિતી નથી. પરંતુ જો આમ થશે તો વિકી કૌશલ અને કેટરીના કૈફના લગ્ન OTT પ્લેટફોર્મ પર ફિલ્મની જેમ બતાવવામાં આવશે.

આ પણ વાંચો –

Black magic: તંત્ર સાધના માટે બની ચોંકાવનારી ઘટના, મહિલાએ કાપી નાખી યુવકની જીભ, જાણો સમગ્ર મામલો

આ પણ વાંચો –

હર ઘર જલ યોજના હેઠળ ગ્રામીણ ઘરોમાં 89 ટકા નળ જોડાણ અપાયા, સપ્ટેમ્બર 2022 સુધીમાં 100 ટકા નળ જોડાણ પૂર્ણ કરવા મુખ્યમંત્રીએ દિશાનિર્દેશ આપ્યા

આ પણ વાંચો –

કોરોનાથી મૃત્યુ પામેલાના પરિવારને વળતર આપવાના મુદ્દે, સુપ્રીમ કોર્ટે મહારાષ્ટ્ર સરકારના વકિલને કહ્યુ, અમને એફિડેવિટ ના બતાવો, ખીસ્સામાં રાખો