છેલ્લા કેટલાક સમયથી એવા સમાચાર આવી રહ્યા છે કે, બોલિવૂડમાં પ્રખ્યાત ટીવી શો શક્તિમાન પર એક ફિલ્મ બનવા જઈ રહી છે. ઘણા રિપોર્ટમમાં એવું કહેવામાં આવ્યું છે કે રણવીર સિંહ આ ફિલ્મમાં શક્તિમાનનો રોલ કરશે. જો કે હજુ સુધી આ સમાચારની કોઈએ પુષ્ટિ કરી નથી.
આ દરમિયાન શક્તિમાનને લઈને ચાલી રહેલા અહેવાલોને ટાંકીને ટીવીના શક્તિમાન એટલે કે મુકેશ ખન્નાએ એક વીડિયો બનાવીને રણવીર સિંહ પર ઉગ્ર નિશાન સાધ્યું હતું. પરંતુ હવે મુકેશ ખન્નાએ પોતાની ઈન્સ્ટાગ્રામ પોસ્ટ અને યુટ્યુબ વીડિયો હટાવી દીધો છે.
ન તો યુટ્યુબ પર કે ન તો ઇન્સ્ટાગ્રામ પર તેનો વીડિયો, જેમાં તેણે રણવીર સિંહ પર પ્રહારો કર્યા હતા તે ક્યાંય દેખાતા નથી. મુકેશ ખન્નાએ ઈન્સ્ટાગ્રામ પર શક્તિમાનને લઈને ચાલી રહેલા સમાચારો પર પોતાનો ગુસ્સો વ્યક્ત કરતા લખ્યું હતું કે, સોશિયલ મીડિયા મહિનાઓથી અફવાઓથી ભરેલું છે કે રણવીર સિંહ શક્તિમાન બનશે. તેણે દાવો કર્યો હતો કે આ સમાચારોથી દરેક નારાજ છે.
મુકેશ ખન્નાએ પોતાની પોસ્ટમાં લખ્યું હતું કે, “હું ચૂપ રહ્યો. પરંતુ જ્યારે ચેનલે પણ રણવીર સિંહને સાઈન કર્યા હોવાની જાહેરાત કરવાનું શરૂ કરી દીધું છે. તેથી મારે મોઢું ખોલવું પડ્યું. અને મેં કહ્યું કે આવી ઇમેજ ધરાવતો વ્યક્તિ ગમે તેટલો મોટો સ્ટાર હોય, તે શક્તિમાન બની શકતો નથી.
મુકેશ ખન્નાએ પોતાના યુટ્યુબ વીડિયોમાં રણવીર પર પ્રહારો કર્યા હતા. રણવીર સિંહના ન્યૂડ ફોટોશૂટનો ઉલ્લેખ કરીને તેણે તેના પર નિશાન સાધ્યું અને કહ્યું કે જો તેને આ બધું ગમતું હોય તો તેણે કોઈ બીજા દેશમાં જવું જોઈએ. આ સિવાય મુકેશ ખન્નાએ એવા લોકો પર પણ નિશાન સાધ્યું જેઓ રણવીરના ફોટોશૂટને સપોર્ટ કરતા હતા.
શક્તિમાનને લઈને હજુ સુધી કોઈ ઓફિશિયલ અપડેટ આવ્યું નથી. શક્તિમાન પર ફિલ્મ બની રહી છે કે નહીં તે અંગે હાલ તો કંઈ કહી શકાય નહીં, પરંતુ હા, એ વાત ચોક્કસ છે કે રણવીર સિંહ મિનલ મુરલી ડિરેક્ટર બાસિલ જોસેફ સાથે સુપરહીરો ફિલ્મ બનાવી રહ્યો છે. બોલિવૂડ હંગામાએ પોતાના એક રિપોર્ટમાં જણાવ્યું હતું કે બાસિલે સ્ક્રિપ્ટ તૈયાર કરી છે. આ એક્શન કરતાં વધુ ઈમોશનલ ફિલ્મ હશે. જો કે આ ફિલ્મમાં રણવીર સુપરહીરો હશે, જે ઉડશે પણ.