‘હર હર શંભુ’ના વિવાદ બાદ ફરમાની નાઝે ગાયુ નબીને લઈને નવુ ગીત

‘હર હર શંભુ’ ભજન ગાઈને ચર્ચામાં આવેલી યુટ્યુબર (Youtuber) ફરમાની નાઝનું નવું ગીત આવી ગયું છે. આ ગીત આજે તેની યુટ્યુબ ચેનલ પર અપલોડ કરવામાં આવ્યું છે. ફરમાની નાઝના (Farmani Naaz) નવા આ ગીતનું નામ છે- કોઈ નબી નહીં મેરે સરકાર કી તરહ. ગીત સાથે લખ્યું છે કે મિત્રો અમે તમારા માટે વિડિયો બનાવીએ છીએ, શક્ય તેટલો સપોર્ટ કરો. તેમનું આ ગીત પણ ઘણું પસંદ કરવામાં આવી રહ્યું છે. થોડા જ સમયમાં લગભગ 7 હજાર લોકો તેને જોઈ ચૂક્યા છે. 1500 થી વધુ લાઈક્સ મળી છે અને 200 થી વધુ કોમેન્ટ્સ પણ આવી છે. યુટ્યુબ પર કોમેન્ટ કરતા એક યુઝર્સે લખ્યું કે તમારો અવાજ ખૂબ જ સુંદર છે બહેન. મહાદેવના આશીર્વાદ હંમેશા તમારી સાથે રહે. અન્ય એક યુઝર્સે લખ્યું કે હું નેપાળથી છું, પણ તમારો અવાજ ખૂબ જ સુંદર છે.

સૌથી વધુ જોવાયેલ હર હર શંભુ ભજન

શ્રાવણ મહિનામાં ‘હર હર શંભુ’ ગીત ગાવા બદલ તે કેટલાક લોકોના નિશાના પર આવી હતી. પરંતુ તેની તેના પર બહુ અસર થઈ ન હતી. તેણે કહ્યું કે કલાકારનો કોઈ ધર્મ હોતો નથી. તેને લોકોનું ઘણું સમર્થન મળી રહ્યું છે. તેમનું આ ભજન સૌથી વધુ યુટ્યુબ પર જોવામાં આવ્યું છે. તેની ચેનલ પર આ ભજન સૌથી વધુ જોવામાં આવ્યું છે. 50 લાખથી વધુ લોકોએ આ ભજન જોયું છે. આ કારણે ફરમાની ચેનલને પણ ઘણી ઊંચાઈ મળી છે. તેના 3.99 મિલિયન સબસ્ક્રાઇબર્સ થઈ ચૂક્યા છે.

ઈન્ડિયન આઈડલમાં પણ આવી છે ફરમાની નાઝ

ગીત પર થયેલા વિવાદ બાદ તેમની આખી ટીમે એક વિડિયો બનાવ્યો અને જણાવ્યું કે આ ગીત કેવી રીતે અને ક્યારે બનાવવામાં આવ્યું. તેણે કહ્યું કે તે કેટલાક લોકોના કારણે અટકવાની નથી. ટૂંક સમયમાં જ તેનું બીજું ભજન આવી રહ્યું છે. તેણે દરેકનો સપોર્ટ માંગ્યો. ફરમાની 2020માં ઈન્ડિયન આઈડલમાં પણ જોવા મળી હતી. 2019માં તેના પતિએ તેને છોડી દીધી હતી. તેના બાળકને જન્મથી જ ગળામાં તકલીફ છે, જેના માટે તેને પૈસાની જરૂર હતી. તેના માટે જ તે ઈન્ડિયન આઈડલમાં પહોંચી હતી.