Samantha-Vijay Injured: કાશ્મીરમાં શૂટિંગ દરમિયાન સામંથા રૂથ પ્રભુ અને વિજય દેવરાકોંડા ઈજાગ્રસ્ત
અભિનેત્રી સમંથા રૂથ પ્રભુ (Samantha Ruth Prabhu) અને અભિનેતા વિજય દેવેરાકોંડા, જેઓ હાલમાં કાશ્મીરમાં તેમની આગામી ફિલ્મનું શૂટિંગ કરી રહ્યા છે, એક સ્ટંટ સીન કરતી વખતે ઈજાગ્રસ્ત થયા છે.
Samantha-Vijay Injured: કાશ્મીરમાં તેમની ફિલ્મ (Kushi)નું શૂટિંગ કરી રહેલા કલાકાર સામંથા રૂથ પ્રભુ (Samantha Ruth Prabhu) અને વિજય દેવરાકોંડા (Vijay Deverakonda)ને સ્ટંટ સીન કરતી વખતે ઈજા થઈ છે, દેવેરાકોંડાની ટીમના સભ્યએ આ વાતની પુષ્ટિ કરી છે. અહેવાલ અનુસાર, ક્રૂ મેમ્બરે તેમને કહ્યું કે સામંથા અને વિજય કાશ્મીરના પહેલગામ વિસ્તારમાં સ્ટંટ સીક્વન્સ કરી રહ્યા હતા, જે દરમિયાન તેમને ઈજાઓ થઈ હતી. આ દ્રશ્ય ખૂબ જ મુશ્કેલ હતું. બંને કલાકારોએ નદીના બંને કાંઠે બાંધેલા દોરડા પર વાહન ચલાવવું પડ્યું, પરંતુ કમનસીબે વાહન ઊંડા પાણીમાં પડી ગયું અને બંનેને પીઠમાં ઈજાઓ થઈ, તેને પ્રાથમિક સારવાર આપવામાં આવી હતી.
શૂટિંગ દરમિયાન સામંથા અને વિજયને પીઠમાં ઈજા થઈ
રવિવારના રોજ સામંથા રૂથ પ્રભુ અને વિજય દેવેરાકોંડાએ આ વખતે શ્રીનગરના દાલ સરોવરના અંદરના ભાગમાં ફિલ્મનું શૂટિંગ ચાલુ રાખ્યું હતું, “પરંતુ, તેઓએ શૂટ દરમિયાન પીઠના દુખાવાની ફરિયાદ કરી હતી.” ક્રૂ મેમ્બરે વધુમાં જણાવ્યું કે બંને કલાકારોને તરત જ દાલ લેકના કિનારે આવેલી હોટેલમાં લઈ જવામાં આવ્યા હતા. ફિઝિયોથેરાપિસ્ટને બોલાવીને સારવાર ચાલી રહી છે. બંને કલાકારો કડક સુરક્ષા વચ્ચે શૂટિંગ કરી રહ્યા છે અને કોઈને તેમની નજીક આવવાની મંજૂરી નથી. શૂટિંગ પૂર્ણ થયા બાદ ટીમ સોમવારે બપોરે કાશ્મીરથી રવાના થયા હતા.
આ છે ફિલ્મનું ફર્સ્ટ લૂક મોશન પોસ્ટર
આ ફિલ્મ આ વર્ષે 23મી ડિસેમ્બરે સિનેમાઘરોમાં રિલીઝ થવા જઈ રહી છે. તે તેલુગુ, તમિલ, કન્નડ અને મલયાલમમાં રિલીઝ થશે. આ પ્રોજેક્ટ મહાનતી (2018) પછી સામંથા રૂથ પ્રભુ અને વિજય દેવેરાકોંડા વચ્ચેનો બીજો કોલોબોરેશન છે. આ દરમિયાન સમંથા રૂથ પ્રભુએ તેના રોકાણ દરમિયાન તે સ્થળેથી ઘણી તસવીરો અપલોડ કરી હતી. તેણે કાશ્મીરી વાનગીઓનો આનંદ માણ્યો અને શ્રીનગરમાં એક સ્થાનિક કાફેની મુલાકાત પણ લીધી
વિજયની ‘લિગર’ 25 ઓગસ્ટ, 2022ના રોજ રિલીઝ થશે
વિજય દેવરાકોંડા પાસે આ દિવસોમાં ફિલ્મોની સારી લાઈન-અપ છે. આ વર્ષે એટલે કે 2022માં વિજય પાસે ઘણી ફિલ્મો છે. તે આ વર્ષે ધર્મા પ્રોડક્શનની ફિલ્મ ‘લિગર’માં પણ જોવા મળવાનો છે. આ ફિલ્મ 25 ઓગસ્ટ 2022ના રોજ સિનેમાઘરોમાં રિલીઝ થવા જઈ રહી છે. આ ફિલ્મમાં તેની સામે અનન્યા પાંડે જોવા મળશે. વિજય દેવરાકોંડાની આ પહેલી હિન્દી ફિલ્મ હશે. આ ફિલ્મમાં વિજય દેવરાકોંડા બોક્સરની ભૂમિકા ભજવી રહ્યો છે.