Salman Khanની ‘ટાઇગર 3’ નું શૂટિંગ હવે UAEમાં નહીં તુર્કીમાં થવાનું

ટાઇગર સિરીઝ સલમાન ખાનની સૌથી લોકપ્રિય ફ્રેન્ચાઇઝી છે. હવે આ સીરીઝ ટાઇગર -3 ના ત્રીજા ભાગનું શૂટિંગ શરૂ થવા જઈ રહ્યું છે. અગાઉ એવા અહેવાલ મળ્યા હતા કે ટાઇગર 3 નું શૂટિંગ દુબઇમાં થવાનું હતુ પરંતુ હવે આ યોજનામાં પરિવર્તન કરવામાં આવ્યું છે.

ખરેખર દુબઈમાં કોવિડ -19 ના વધતા જતા કેસોને ધ્યાનમાં રાખીને આ કામગીરી કરવામાં આવી છે. મીડિયા રિપોર્ટ્સ અનુસાર, હવે સલમાન અને કેટરિના કૈફ ટાઇગર -3 ના શૂટિંગ માટે ઈસ્તાંબુલ જઈ શકે છે.

સલમાન ખાને આ ફિલ્મના શૂટિંગ માટે મોટી સંખ્યામાં તારીખો આપી છે. ફિલ્મના નિર્માતા આદિત્ય ચોપડા અને ફિલ્મના નિર્દેશક મનીષ શર્મા તેમને બગાડવા માંગતા નથી. આવી સ્થિતિમાં, સ્થાન બદલવું એ યોગ્ય નિર્ણય રહેશે.

તમને જણાવી દઈએ કે સલમાનની આગામી રિલીઝ ‘રાધે’ ફિલ્મ હશે જે આ વર્ષે ઈદ પર રિલીઝ થઈ શકે છે. તાજેતરમાં જ ‘રાધે’ ઓટીટી રિલીઝ થવાના અહેવાલો વચ્ચે સલમાન ખાને સોશિયલ મીડિયા પર જાહેરાત કરી હતી કે રાધેને થિયેટરમાં રજૂ કરવામાં આવશે.

આ સિવાય સલમાન ‘અંતિમ: ધ ફાઈનલ ટ્રુથ ‘ના શૂટિંગમાં પણ વ્યસ્ત છે. આ ફિલ્મમાં સલમાન એક શીખનું પાત્ર ભજવી રહ્યા છે. આ ફિલ્મમાં તે પહેલીવાર આયુષ સાથે જોવા મળશે. આયુષ સલમાનની બહેન અર્પિતાનો પતિ છે.

‘અંતિમ: ધ ફાઈનલ ટ્રુથ’ના શૂટિંગ બાદ સલમાન ખાન માર્ચમાં’ ટાઇગર ફ્રેન્ચાઇઝીનો ત્રીજો ભાગ ‘ટાઇગર 3 ‘ની શૂટિંગ શરૂ કરશે.