કેવી છે પંકજ ત્રિપાઠીની ‘મૈં અટલ હું’?, અટલ બિહારી વાયપેયીના રૂપમાં ખીલીને મહેક્યા પંકજ ત્રિપાઠી, વાંચો રિવ્યૂ

ભૂતપૂર્વ વડાપ્રધાન અટલ બિહારી વાજપેયી એ છેલ્લા રાજકારણીઓમાંના એક છે. જેઓ બધાના પ્રિય રહ્યા હતા. તેમની રાજકીય વિચારધારા તેમના નૈતિક મૂલ્યો, તેમની સંવેદનશીલતા, તેમનું ગતિશીલ વ્યક્તિત્વ, તેમના ધારદાર બોલવાનો અંદાઝ પ્રત્યેના તેમના અપાર સમર્પણ હોવા છતાં તેમના સાથીદારો અને પ્રશંસકોમાં જ નહીં, પરંતુ તેમના વિરોધીઓમાં પણ તેમના પ્રશંસક બન્યા હતો.

ઘણી સિદ્ધિઓને આવરી લેવામાં સફળ થયા

93 વર્ષનું લાંબુ અને અભૂતપૂર્વ જીવન જીવનારા આવા વ્યક્તિત્વની બાયોપિકને પડદા પર લાવવી સરળ કામ નથી, પરંતુ રાષ્ટ્રીય પુરસ્કાર વિજેતા દિગ્દર્શક રવિ જાધવે પોતાની નવી ફિલ્મ ‘મૈં અટલ હું’ના રૂપમાં આ મુશ્કેલ પડકારને સ્વીકારી લીધો છે. ‘ આ ફિલ્મમાં જ્યારે તેઓ અટલજીના બાળપણ અને વડાપ્રધાન તરીકેના તેમના કાર્યકાળ દરમિયાનની સિદ્ધિઓને આવરી લેવામાં ઘણી હદ સુધી સફળ થયા છે, ત્યારે તેઓ કેટલીક જગ્યાએ નિશાન પણ ચૂકી ગયા છે.

‘મૈં અટલ હું’ની સ્ટોરી

આ ફિલ્મ અટલ બિહારી બાજપેયી (પંકજ ત્રિપાઠી)ના બાળપણથી શરૂ થાય છે. તેમનું કૉલેજ જીવન, RSS સાથે તેમનું જોડાણ, તેમનો રાજકારણમાં પ્રવેશ અને ઉદય, વિદેશ પ્રધાન તરીકેનો તેમનો કાર્યકાળ અને પછી વડાપ્રધાન તરીકેનું યોગદાન, ભારતમાં તેમનું યોગદાન પોખરણ ટેસ્ટ, લાહોર બસ યાત્રા, કારગિલ વિજય જેવા મહત્વપૂર્ણ વિકાસ દર્શાવે છે. આ ઉપરાંત તે નહેરુના નિધન ઈન્દિરા ગાંધીના વડાપ્રધાન બનવા, ઈમરજન્સી, ઓપરેશન બ્લુ સ્ટારના યુગને પણ દર્શાવે છે.

ત્યારે કોંગ્રેસ પાર્ટીની ખામીઓ દર્શાવવામાં જરાય શરમાતી નથી. આ કારણોસર ફિલ્મ ક્યારેક ડોક્યુમેન્ટ્રી જેવી લાગે છે. ખાસ કરીને આગળના ભાગમાં એવું લાગે છે કે જાણે ઈતિહાસના પાના જ ઉલટાવી રહ્યા હોય, પરંતુ આ દરમિયાન અટલ અને તેના પિતા કૃષ્ણ બિહારી (પિયુષ મિશ્રા) વચ્ચેના મૈત્રીપૂર્ણ સંબંધો, અટલ અને રાજકુમારી (એકતા કૌલ) વચ્ચેના પ્રેમભર્યા સંબંધો હૃદયને સ્પર્શી જાય છે

અહીં જુઓ ‘મૈં અટલ હું’નું ટ્રેલર

સ્ટોરીના પાછળના ભાગમાં ટર્ન આવે છે, જ્યાં કવિ અટલ બિહારી એક રાજકારણી તરીકે પોતે ટોપ પર પહોંચે છે. સ્ટેજ પરના તેમના ભાષણો ફિલ્મમાં પણ ગુસબમ્પ્સ આપે છે. ઈમરજન્સી દરમિયાન જેલમાંથી છૂટ્યા પછી ધોધમાર વરસાદમાં અટલનું ભાષણ જોવા જેવું છે. આનો શ્રેય મજબૂત સંવાદ લેખન અને પંકજ ત્રિપાઠીના ઉત્તમ અભિનયને જાય છે. આ ફિલ્મ સંપૂર્ણપણે પંકજ ત્રિપાઠીના ખભા પર ટકેલી છે અને આ ભૂમિકામાં તે તેના નામ (પંકજ એટલે કે કમલ) જેટલા જ મહેકી ઉઠે છે.

ફિલ્મના પહેલા સીનમાં તેને અટલ તરીકે જોવા થોડા વિચિત્ર લાગે છે, પરંતુ જેમ-જેમ ફિલ્મ આગળ વધે છે તેમ-તેમ તે અટલ બિહારીનું પ્રતિબિંબ બની જાય છે. તેના સિવાય પીયૂષ મિશ્રા અને એકતા કૌલે પણ સૉલિડ પર્ફોર્મન્સ આપ્યું છે. લોરેન્સ ડી કુન્હાની સિનેમેટોગ્રાફી ફિલ્મને દૃષ્ટિની રીતે સમૃદ્ધ બનાવે છે. મ્યુઝિક સ્ટોરીને અનુકૂળ છે.

શા માટે જોવી જોઈએ

એકંદરે જો તમે અટલ બિહારી વાજપેયીના ફેન છો, તો તમે પંકજ ત્રિપાઠીની મજબૂત એક્ટિંગ સાથે આ ફિલ્મ જોઈ શકો છો.

• ફિલ્મનું નામ : મૈં અટલ હું
• રિલીઝ ડેટ : 19 January 2024
• ડિરેક્ટરનું નામ : રવિ જાધવ
• કલાકાર : પંકજ ત્રિપાઠી, પીયૂષ મિશ્રા, રાજા રમેશ કુમાર સેવક, પાયલ નાયર, દયા શંકર પાંડે, ગૌરી સુખતંકર
• સિરીઝ : હિન્દી, ડ્રામા, બાયોગ્રાફી
• રિલીઝ પ્લેટફોર્મ : થિયેટર
• રેટિંગ્સ : 4 સ્ટાર્સ