Big News : અભિનેતા સુશાંત સિંહ રાજપૂતના મોતની તપાસ દરમિયાન ડ્રગ્સ એંગલ સામે આવ્યા બાદ બોલીવુડ સ્ટાર્સની તપાસ શરૂ થઈ હતી, ત્યારે સોશિયલ મીડિયા પર એક વીડિયો ખૂબ જ વાયરલ થયો હતો. આ વિડીયો બોલીવુડ ફિલ્મ નિર્માતા કરણ જોહરના ઘરનો હતો, જ્યાં ઘણા બોલિવુડ સ્ટાર્સ (Bollywood Stars) પાર્ટી કરતા જોવા મળ્યા હતા. આ વીડિયો વિશે દાવો કરવામાં આવ્યો હતો કે કરણ જોહરની આ પાર્ટીમાં ડ્રગ્સનો ઉપયોગ કરવામાં આવ્યો હતો.
કરણ જોહરની પાર્ટી NCB ના નિશાને
આ વિડીયોની તપાસ કરવામાં આવી હતી, પરંતુ તે સમયે નાર્કોટિક્સ કંટ્રોલ બ્યુરો (NCB) દ્વારા તેના વિશે કોઈ નિવેદન આપવામાં આવ્યું ન હતું. જો કે કરણ જોહરે એક નિવેદન બહાર પાડતી વખતે તેમની સામેના આરોપોને નકારી દીધા હતા. જો કે તેમને NCB તરફથી ક્લીનચીટ મળી નથી. ત્યારે હાલ મળતી માહિતી મળી રહી છે કે, કરણ જોહરની વર્ષ 2019 પાર્ટીનો આ વીડિયો ફરી એક વખત NCB ના રડાર પર છે.
કરણ જોહરની પાર્ટીનો વીડિયો NCB ના રડાર પર
અહેવાલ મુજબ, NCB દ્વારા આ કેસની તપાસ બંધ કરવામાં આવી નથી. એટલું જ નહીં, NCB ને આ મામલાની તપાસ માટે કેન્દ્ર સરકાર તરફથી 6 મહિનાનો વધુ સમય મળ્યો છે. સમીર વાનખેડેએ(Sameer Wankhede) આ વીડિયોની તપાસ ચાલુ રાખવા માટે કેન્દ્ર સરકાર પાસે પરવાનગી પણ માંગી હતી, જે તેમને મળી છે.
જુઓ વીડિયો
કરણ જોહર તમામ આરોપો નકારી રહ્યા છે
વાયરલ થયેલા કરણ જોહરની પાર્ટીના વિડીયોમાં રણબીર કપૂર, દીપિકા પાદુકોણ, કરણ જોહર, વિકી કૌશલ, મલાઈકા અરોરા અને અર્જુન કપૂર જેવા ઘણા સ્ટાર્સ આનંદ માણતા જોવા મળ્યા હતા. આ દરમિયાન, વીડિયોમાં (Video) કંઈક સફેદ રંગનું જોવા મળ્યું હતુ, જે ડ્રગ્સ હોવાનો દાવો કરવામાં આવ્યો હતો. જો કે, કરણ જોહર આ દાવાઓને સંપૂર્ણપણે નકારી રહ્યા છે. કરણ જોહરે પોતાના એક નિવેદનમાં કહ્યું હતું કે, તેમની પાર્ટીમાં કોઈ પણ સેલેબ્સે(Bollywood Celebs) ડ્રગ્સ લીધું નથી. તેમણે કહ્યું કે તેમના આ વીડિયોની પણ તપાસ કરવામાં આવી હતી, જે બાદ અધિકારીઓને તપાસમાં કંઈ મળ્યું નથી.ત્યારે તપાસમાં કોઈ ડ્રગ્સ કનેક્શન ખુલે છે કે કેમ ? તે જોવુ રહ્યુ.
આ પણ વાંચો : બોલીવુડ અભિનેત્રી અનન્યા પાંડેના ઘરે NCB ના દરોડા, ડ્રગ્સ ચેટમાં આર્યન ખાનની બહેન સુહાનાનું નામ પણ સામે આવ્યુ !
આ પણ વાંચો : આર્થર રોડ જેલમાં શાહરૂખ ખાને આર્યન સાથે 15 મિનિટ સુધી વાતચીત કરી, જેલમાં બોલિવુડ સુપરસ્ટારને આ રીતે મળી એન્ટ્રી !
Published On - 4:12 pm, Thu, 21 October 21