કોરોનાનો કહેર આખા દેશમાં જોવા મળી રહ્યો છે. આવી સ્થિતિમાં કોરોનાના કહેરને ઘટાડવા માટે બોલીવુડના સેલેબ્સ પણ મેદાનમાં ઉતર્યા છે. સેલેબ્સ વિવિધ રીતે લોકોને તેમની રીતે મદદ કરી રહ્યાં છે. આ દરમિયાન, જોન અબ્રાહમને મદદ કરવાનો એક અનોખો રસ્તો મળ્યો છે.
NGO ઉપયોગ કરશે જોનનું એકાઉન્ટ
હકીકતમાં, જોન અબ્રાહમના સોશિયલ મીડિયા એકાઉન્ટ્સનો ઉપયોગ હવે NGO દ્વારા કરવામાં આવશે. NGO જોનના સોશિયલ મીડિયા એકાઉન્ટ્સનો, કોવિડમાં લોકોને મદદ કરવા માટે ઉપયોગ કરશે. જોને તેના સોશિયલ મીડિયા પોસ્ટમાં લખ્યું- ‘એક દેશ તરીકે, આપણે ઘણી ગંભીર પરિસ્થિતિનો સામનો કરી રહ્યા છીએ. દરેક પસાર થતી મિનિટની સાથે, ઘણા લોકો એવા છે જે ઓક્સિજન, આઈસીયુ બેડ, એક વેક્સીન અને ક્યારેક-ક્યારેક ખોરાક પણ ખરીદી શકતા નથી. ‘
એકબીજાને ટેકો આપવા માટે સાથે આવી રહ્યા છે લોકો
જોને તેમના સોશિયલ મીડિયા પોસ્ટમાં આગળ લખ્યું કે, ‘ આ મુશ્કેલ પરિસ્થિતિમાં લોકોને મદદની જરૂર છે. જો કે, આ મુશ્કેલ સમયમાં લોકો એકબીજાને ટેકો આપવા માટે પણ એકઠા થઈ રહ્યા છે. આજથી હું મારા તમામ સોશિયલ મીડિયા એકાઉન્ટ્સ અમારી ભાગીદાર એનજીઓને સોંપી રહ્યો છું અને મારા એકાઉન્ટ્સ પર ફક્ત એવું કંટેન્ટ જ પોસ્ટ કરવામાં આવશે, જે પીડિતો અને સંસાધનોને જોડશે. આ સંકટને દૂર કરવા માટે આપણી માનવતાને ફેલાવવાનો આ સમય છે. ચાલો કંઈપણ કરીને સાથે આ લડાઈને જીતીએ. ‘
જોનના આગામી પ્રોજેક્ટ્સ
તમને જણાવી દઈએ કે જોન અબ્રાહમ તાજેતરમાં જ મુંબઈ સાગા ફિલ્મમાં જોવા મળ્યા હતા. આ ઉપરાંત જોનની આગામી ફિલ્મોમાં સત્યમેવ જયતે 2, એટેક અને એક વિલન રિટર્ન્સનો સમાવેશ થાય છે. જોન સત્યમેવ જયતે 2 માં દિવ્યા ખોસલા કુમાર, એટેકમાં જેકલીન ફર્નાન્ડિઝ – રકુલ પ્રીત સિંહ અને એક વિલન રિટર્ન્સમાં દિશા પાટણીની સાથે જોવા મળશે. આ ત્રણ ફિલ્મો સિવાય જોન શાહરુખ ખાન અને દીપિકા પાદુકોણ સાથે પઠાણ ફિલ્મમાં જોવા મળશે.
આ પણ વાંચો :- Arjun Kapoor એ બહેન અંશુલા સાથે મળીને ભેગા કર્યાં 1 કરોડ રૂપિયા, 30,000 લોકોની કરી મદદ
આ પણ વાંચો :- આ કાર્યને કારણે R. Madhavan એ તેમની પત્નીની કરી પ્રશંસા, કહ્યું – ‘જ્યારે પત્ની તમને નાનો મહેસૂસ કરાવે’