Jawan Teaser: અલગ જ ‘એટિટ્યૂડ’માં જોવા મળ્યો શાહરૂખ ખાન, જાણો ફિલ્મ ક્યારે થશે રિલીઝ

Jawan Teaser Released : લાંબા સમય બાદ શાહરૂખ (Shahrukh Khan) પોતાની એક પછી એક નવી ફિલ્મોને ફિલ્મી પડદે લાવવાની તૈયારી કરી રહ્યો છે. તાજેતરમાં શાહરૂખ ખાને તેની આગામી બે ફિલ્મોની જાહેરાત કરી હતી. હવે શાહરુખ ખાને 3 જૂન, 2022ના રોજ બીજી ફિલ્મની જાહેરાત કરી છે (Shahrukh Khan Upcoming Movie) આ સાથે જ ફિલ્મનું ટીઝર રિલીઝ કરવામાં આવ્યું છે. ટીઝરમાં શાહરૂખ ખાન જોવા મળી રહ્યો છે. 1 મિનિટ 30 સેકન્ડના આ ટીઝરમાં શાહરૂખ ખાન એકદમ અલગ અંદાજમાં જોવા મળી રહ્યો છે.

ટીઝરમાં જોવા જેવી ખાસ વાત એ છે કે શાહરૂખનો વિચિત્ર લુક. ટીઝરમાં શાહરૂખ એવી રીતે જોવા મળી રહ્યો છે કે જાણે તે કોઈથી છુપાઈ રહ્યો હોય. જે ખૂબ જ ઘાયલ છે અને તેના શરીરના ઘણા ભાગોમાં પટ્ટીઓ છે. માથાથી માંડીને અડધો ચહેરો પણ ઢંકાયેલો છે. શાહરૂખની આગામી ફિલ્મ ‘જવાન’નું આ ટીઝર (Jawan Teaser Out) ચાહકોના મનમાં ઘણા સવાલો છોડી જાય છે, જે પોતાનામાં ખૂબ જ રોમાંચક છે.

શાહરુખ ખાનના ટીઝરમાં શું છે?

ટીઝરમાં શાહરૂખ એવી રીતે જોવા મળી રહ્યો છે કે જાણે તે કોઈથી છુપાઈ રહ્યો હોય. જે ખૂબ જ ઘાયલ છે અને તેના શરીરના ઘણા ભાગોમાં પટ્ટીઓ છે. માથાથી માંડીને અડધો ચહેરો પણ પટ્ટીથી ઢાંકી દેવામાં આવ્યો છે. વીડિયોમાં જોવા મળી રહ્યું છે કે શાહરૂખના હાથમાં ગન છે. તે જ સમયે, તેની પાસે ઘણા હથિયારો છે. આ પછી શાહરૂખ ખંજર બતાવે છે. આ પછી શાહરૂખ મેટ્રો સ્ટેશન પર બેઠેલો જોવા મળે છે.

શાહરૂખની આગામી ફિલ્મ ‘જવાન’નું આ ટીઝર ચાહકોના મનમાં ઘણા સવાલો છોડી જાય છે, જે પોતાનામાં ખૂબ જ રોમાંચક છે. તમને જણાવી દઈએ કે આ ફિલ્મ આવતા વર્ષે 2023માં રિલીઝ થવાની છે. આ ફિલ્મ 5 ભાષાઓમાં રિલીઝ થવાની છે.

શાહરૂખ ખાનની ‘જવાન’ 5 ભાષાઓમાં રિલીઝ થશે, જાણો ક્યારે થશે રિલીઝ

ગૌરી ખાન અને શાહરૂખ ખાનના રેડ ચિલી પ્રોડક્શનના બેનર હેઠળ બની રહેલી આ ફિલ્મનું ટીઝર રેડ ચિલીના ઓફિશિયલ ઈન્સ્ટા પરથી શેર કરવામાં આવ્યું છે. પોસ્ટને કેપ્શન આપતા લખ્યું છે કે- જ્યારે શાહરૂખ અને એટલી સાથે આવે છે, તો સમજી લેવું કે કંઈક મોટું થવાનું છે. જવાન 2 જૂન 2023ના રોજ સિનેમાઘરોમાં આવશે. આ ફિલ્મ હિન્દી ઉપરાંત તમિલ, તેલુગુ, મલયાલમ અને કન્નડ ભાષામાં પણ રિલીઝ થશે.