જાણીતા અભિનેતા રસિક દવેનું મુંબઇમાં નિધન, કલાજગતમાં શોકનું મોજું
જાણીતા અભિનેતા રસિક દવેનું (Rasik dave) નિધન થયું છે, તેમણે આજે રાત્રે 8 વાગ્યે મુંબઈમાં અંતિમ શ્વાસ લીધા હતા, તેઓ મહાભારતમાં તેમના પાત્ર "નંદ" માટે જાણીતા છે.
જાણીતા અભિનેતા રસિક દવેનું (Rasik dave) નિધન (Death) થયું છે, તેમણે આજે રાત્રે 8 વાગ્યે મુંબઈમાં અંતિમ શ્વાસ લીધા હતા, તેઓ મહાભારતમાં તેમના પાત્ર “નંદ” માટે જાણીતા છે. તેમણે ઘણા ગુજરાતી નાટકો, ગુજરાતી ફિલ્મો અને ઘણી હિન્દી સિરિયલો અને ફિલ્મોમાં પણ કામ કર્યું છે. તે જાણીતી અભિનેત્રી કેતકી દવેના પતિ છે. સાસુ રાષ્ટ્રીય પુરસ્કાર વિજેતા અભિનેત્રી સરિતા જોશી ઔર સસરા પ્રવિણ જોષી છે.
છેલ્લા બે વર્ષથી ડાયાલિસિસ પર હતા
તેઓ મુંબઈની એક હોસ્પિટલમાં 2 વર્ષથી વધુ સમયથી ડાયાલિસિસ પર હતા. તેની બંને કિડની ફેલ થઈ ગઈ હતી.તે દર અઠવાડિયે ત્રણ વખત હોસ્પિટલમાં સારવાર માટે જતા હતા. પરંતુ છેલ્લા કેટલાક દિવસોથી તેમની તબિયત લથડી હતી અને તેમની મુંબઈની હોસ્પિટલમાં સારવાર ચાલી રહી હતી. રસિક દવેએ અસંખ્ય હિન્દી અને ગુજરાતી નાટકો અને ફિલ્મોમાં અભિનય કર્યો છે. અને અનેક ગુજરાતી નાટકો પણ બનાવ્યા છે.
ગુજરાતી અને હિન્દી અભિનય ક્ષેત્રે યોગદાન આપ્યું
તેઓ છેલ્લે કલર્સ ટીવી ચેનલ પર સંસ્કાર – ધરોહર અપનોં કીમાં દેખાયા હતા. જેમાં તેમણે કરસનદાસ ધનસુખલાલ વૈષ્ણવની ભૂમિકા નિભાવી હતી. આ શો કેશવગઢમાં રહેતા અને પરિવારના સભ્યોને એક કરવા માટે સમર્પિત એક આજ્ઞાકારી અને સંસ્કારી પુત્રની વાર્તા વર્ણવે છે.
આ પહેલા રસિક દવે સોની ટીવીના સૌથી લાંબા ચાલતા શો એક મહેલ હો સપનો કામાં જોવા મળ્યા હતા. આ શોને 1000 એપિસોડ પૂરા કરનાર પ્રથમ હિન્દી શો તરીકે ગણવામાં આવે છે. આ શોમાં એક ગુજરાતી બિઝનેસ ટાયકૂનની વાર્તા હતી જે તેના ચાર પુત્રો સાથે રહે છે. ત્યાં રસિકે એકના એક પુત્ર તરીકે શેખરની ભૂમિકા ભજવી હતી. દૂરદર્શન પર પ્રસારિત થતી પ્રખ્યાત ટીવી ડિટેક્ટીવ શ્રેણી વ્યોમકેશ બક્ષીમાં પણ તે જોવા મળ્યા હતા.
ટીવી સિવાય, તે 4 ટાઈમ્સ લકી (2012), સ્ટ્રેટ (2009), જયસુખ કાકા અને માસૂમ (1996) જેવી ઘણી હિન્દી ફિલ્મોમાં અભિનય કર્યો હતો. તે ઈશ્વર (1989) અને જૂઠી (1985)માં પણ જોવા મળ્યા હતા. તેમની પત્ની કેતકી દવે પણ જાણીતી અભિનેતા વ્યક્તિત્વ છે અને ક્યૂંકી સાસ ભી કભી બહુ થી અને હિન્દી ફિલ્મ કલ હો ના હોમાં સૈફની માતા તરીકેની ભૂમિકા માટે જાણીતી છે. આ બંને સ્ટાર દંપતિને સંતાનમાં એક પુત્રી રિદ્ધિ દવે છે.
