મોટા સમાચાર: Raj Kundra ની કંપનીમાં કામ કરતા 4 કર્મચારી બનશે સાક્ષી, અશ્લીલ ફિલ્મોના રેકેટનો ભાંડો ફૂટશે

પોનોગ્રાફી મામલે શિલ્પા શેટ્ટીના પતિ રાજ કુંદ્રાની (Raj Kundra Case) મુશ્કેલીઓ વધી રહી છે. રાજ કુદ્રાના ત્યાં કામ કરનારા ચાર કર્મચારીઓ હવે રાજ સામે સાક્ષી બનવા તૈયાર થઇ ગયા છે. મુંબઈ પોલીસના સૂત્રોના આધારે અહેવાલ આવ્યા છે કે રાજની કંપનીમાં કામ કરતા ચાર કર્મચારી હવે સાક્ષી (Employee Turn In To Witness) બન્યા છે.

રાજ કુંદ્રા હાલમાં જેલમાં છે. જોકે આ કેસમાં શિલ્પા શેટ્ટીની (Shilpa Shetty) સંડોવણી મળી નથી, પરંતુ મુંબઇ ક્રાઈમ બ્રાંચ તેની તપાસમાં કોઈ કસર છોડવા માંગતી નથી. આ દરમિયાન, શિલ્પા શેટ્ટી અને રાજ કુંદ્રાના સંયુક્ત ખાતા પણ મુંબઈ ક્રાઈમ બ્રાંચના નિયંત્રણ હેઠળ છે.

રાજ કુંદ્રાની મુશ્કેલીઓ વધી

શુક્રવારે મુંબઇ ક્રાઈમ બ્રાંચના અધિકારીઓએ શિલ્પા શેટ્ટીની તેના અને રાજ કુંદ્રાના સંયુક્ત ખાતાના વ્યવહારો અંગે પૂછપરછ કરી હતી. આ પૂછપરછ અભિનેત્રીના ઘરે જ થઈ હતી. ખાનગી સમાચાર સંસ્થાએ સૂત્રોના હવાલેથી પોતાના રિપોર્ટમાં લખ્યું છે કે શિલ્પા શેટ્ટીને આશરે 20 થી 25 પ્રશ્નો પૂછવામાં આવ્યા હતા, જેમાંથી મોટાભાગના આંતરરાષ્ટ્રીય વ્યવહારથી સંબંધિત હતા.

આ દિવસોમાં મુંબઈ પોલીસ રાજ કુંદ્રા પર પકડ બનાવી રહી છે. અશ્લીલ ફિલ્મો બનાવવાના મામલે ક્રાઇમ બ્રાંચે રાજ કુંદ્રા સામે સબુત શોધવામાં કોઈ કસર બાકી નથી રાખી. 23 જુલાઇએ રાજ કુંદ્રાના રિમાન્ડમાં વધારો કરવાની માંગ કરતી વખતે મુંબઈ ક્રાઈમ બ્રાંચના અધિકારીઓએ કોર્ટમાં દલીલ કરી હતી કે તેને માર્કુરી ઇન્ટરનેશનલ કંપનીની યુનાઈટેડ બેંક ઓફ આફ્રિકા પાસેથી પૈસા મળ્યા છે. આ કંપની સટ્ટાબાજી અને કસિનો ગેમિંગમાં સામેલ છે.

વધુ તપાસ દરમિયાન એજન્સીને કુંદ્રાની અંધેરી ઓફિસમાંથી હોટશોટ પરના કેટલાક પણ મળી આવ્યાં હોવાનું જાણવા મળ્યું છે. ભારતીય કાયદા અમલીકરણ એજન્સીઓથી બચવા માટે વિડીયો વિદેશી આઈપી સરનામાંનો ઉપયોગ કરીને આ અપલોડ કરવામાં આવ્યા છે.

આ પણ વાંચો: જાતિવાચક શબ્દો બોલવા ‘બબીતા’ને પડી ગયા ભારે, Taarak Mehta Ka Ooltah Chashmah ના મેકર્સે લીધો આ મોટો નિર્ણય

આ પણ વાંચો: બોલીવૂડની બ્યૂટી સંગ બિઝનેસમેન: આ 13 અભિનેત્રીના બિઝનેસમેન પતિ પાસે છે અબજોની સંપત્તિ