મમ્મી Twinkle Khanna માટે પુત્રી નિતારાએ વગાડ્યું ગિટાર, અભિનેત્રીએ વીડિયો શેર કર્યોં

બોલિવૂડ એક્ટર અક્ષય કુમાર અને લેખક ટ્વિંકલ ખન્નાની પુત્રી નિતારા એકદમ હોશિયાર છે. તાજેતરમાં તેણે માતા માટે ગિટાર વગાડ્યું, જેનો એક વીડિયો અભિનેત્રીએ ઇન્સ્ટાગ્રામ પર શેર કર્યો છે. નિતારા બાળકોની કવિતા ‘ટ્વિંકલ ટ્વિંકલ લિટલ સ્ટાર’ પર ગિટાર વગાડી રહી છે. ઘણીવાર માતા અને પુત્રી બંને એક સાથે કવોલિટી ટાઈમ ગાળતાં જોવા મળે છે.

ટ્વિંકલ ખન્નાના આ વીડિયો પર ચાહકો પોતાની પ્રતિક્રિયા આપી રહ્યા છે. વખાણવાની સાથે સાથે નિતારાને ખુબ પ્રેમ આપે છે. વીડિયો શેર કરતા ટ્વિંકલ ખન્નાએ લખ્યું, ” તેમને મારા માટે વગાડ્યું. ખરાબ નથી કે મારું નામ નર્સરી રાઈમમાં આવે છે. ”

ટ્વિંકલ ખન્ના સોશિયલ મીડિયા પર ખૂબ જ એક્ટિવ છે. તે ઘણીવાર પોતાના પર્સનલ લાઈફ અપડેટ્સને ચાહકો સાથે શેર કરે છે. અક્ષય કુમાર અને ટ્વિંકલને આરવ અને નિતારા નામના બે બાળકો છે.