Cannes 2022 : કેન્દ્રીય માહિતી અને પ્રસારણ મંત્રી અનુરાગ ઠાકુરે 75માં કાન્સ ફિલ્મ ફેસ્ટિવલમાં CII પેવેલિયનનું કર્યું ઉદ્ઘાટન, જુઓ તસવીરો

કાન્સ 2022ના (Cannes 2022) બીજા દિવસે કેન્દ્રીય માહિતી અને પ્રસારણ મંત્રી અનુરાગ ઠાકુરે CII પેવેલિયનનું (CII Pavilion) ઉદ્ઘાટન કર્યું. આ વખતે કાન્સ ફિલ્મ ફેસ્ટિવલમાં ભારતની ભાગીદારી ખૂબ જ મહત્વપૂર્ણ છે. કાન્સ તેનું 75મું વર્ષ ઉજવી રહ્યું છે અને આ વર્ષે ફેસ્ટિવલ માટે ભારતને સન્માનના દેશ તરીકે આમંત્રણ આપવામાં આવ્યું છે. આ સમયે તેમાં ભાગ લેવા માટે દીપિકા પાદુકોણ સહિત ઘણા બોલિવૂડ સ્ટાર્સ ત્યાં પહોંચ્યા હતા. ફેસ્ટિવલની શરૂઆત પહેલા દીપિકા પાદુકોણ કાન્સની જ્યુરી મેમ્બર તરીકે પહેલીવાર ત્યાં પહોંચી હતી. આ ફેસ્ટિવલ માટે અક્ષય કુમારને પણ બોલાવવામાં આવ્યો હતો પરંતુ અચાનક તેને કોરોના થઈ ગયો અને તે કાન્સમાં જઈ શક્યો નહીં.

અનુરાગ ઠાકુરે CII પેવેલિયનનું કર્યું ઉદ્ઘાટન

કાન્સ ફિલ્મ ફેસ્ટિવલમાં ઈન્ડિયા પેવેલિયનના ઉદ્ઘાટન પ્રસંગે બોલતા અનુરાગ ઠાકુરે કહ્યું, ‘અમે નેશનલ ફિલ્મ હેરિટેજ મિશન હેઠળ વિશ્વનો સૌથી મોટો ફિલ્મ રિસ્ટોરેશન પ્રોજેક્ટ શરૂ કર્યો છે. આ અભિયાન હેઠળ તમામ 2200 ફિલ્મોને તેમની ભૂતપૂર્વ ભવ્યતા પુનઃસ્થાપિત કરવામાં આવશે.

અનુરાગ ઠાકુરે બુધવારે જ એક મોટી જાહેરાત કરી છે. હકીકતમાં કાન્સના બીજા દિવસે તેણે ભારતમાં વિદેશી ફિલ્મોના શૂટિંગને પ્રોત્સાહન આપવા માટે 2.5 કરોડ સુધીની રકમની જાહેરાત કરી છે. આ દરમિયાન તેમણે ભારતીય પ્રતિનિધિમંડળ સાથે ભારતમાં યોજાનારી 53મી IFFI ગોવાના પોસ્ટરનું પણ અનાવરણ કર્યું.

અનુરાગ ઠાકુરે વીડિયો કર્યો શેયર

અનુરાગ ઠાકુરે આ સંદર્ભમાં એક વીડિયો પણ શેયર કર્યો છે. જેમાં તે બોલતા જોવા મળી રહ્યા છે, ‘આજે કાન્સમાં ભારતમાં ઑડિયો-વિઝ્યુઅલ પ્રોડક્શન અને વિદેશી ફિલ્મોના શૂટિંગ માટે પ્રોત્સાહક યોજનાની જાહેરાત કરતાં મને ખૂબ આનંદ થાય છે. જેમાં 2ની મર્યાદા છે. આ ફિલ્મોને 60,000 ડોલર એટલે કે લગભગ 2.5 કરોડ રૂપિયા અને 30 ટકા સુધીના રોકડ પ્રોત્સાહન સાથે આપવામાં આવશે. આ સિવાય જો તેમની ટીમમાં 15 ટકા ભારતીય લોકો હશે તો તેમને વધુ 50 લાખ રૂપિયા આપવામાં આવશે.

આ ફેસ્ટિવલ 17થી 28 મે સુધી ચાલશે

ભારતે આ કાન્સ ફિલ્મ ફેસ્ટિવલમાં સત્તાવાર રીતે ભાગ લીધો છે. આ ઉત્સવ 17મી મેથી શરૂ થયો છે અને 28મી મે સુધી ચાલશે. આ વખતે ભારત આઝાદીના અમૃત પર્વની ઉજવણી કરી રહ્યું છે. આ ફેસ્ટિવલમાં ઘણી ભારતીય ફિલ્મો દર્શાવવામાં આવશે. જેમાં આર. માધવનની ફિલ્મ ‘રોકેટરી’ જેનું વર્લ્ડ પ્રીમિયર હશે તેમજ દિગ્ગજ દિગ્દર્શક સત્યજીત રેની ફિલ્મ ‘પ્રતિદ્વંદી’ પણ દર્શાવવામાં આવશે.