પ્રખ્યાત સિંગર બી પ્રાક (B Praak) અને તેમની પત્ની મીરા બચ્ચને (Meera Bachchan) તેમનું બીજું બાળક જન્મ દરમિયાન જ ગુમાવ્યું છે. બંને તેમના બીજા બાળકને ઘરે લાવવા માટે ખૂબ જ ઉત્સાહિત હતા. ખરાબ નસીબે બી પ્રાક અને મીરા બચ્ચનના બાળકે જન્મ આપતી વખતે જીવ ગુમાવ્યો હતો. આ સમાચાર બી પ્રાકે પોતાના સોશિયલ મીડિયા હેન્ડલ પર શેયર કર્યા છે. આ સમાચાર શેયર કર્યા પછી તેમને લોકોને આ મુશ્કેલ સમયમાં તેને થોડી પ્રાઈવસી આપવા વિનંતી કરી હતી. મીરા પણ ઈમોશનને લાંબા સમય સુધી કાબૂમાં રાખી શકી નહીં અને સોશિયલ મીડિયા પર તેણે એક પોસ્ટ શેયર કરી. તેણે લખ્યું કે તે કેવી રીતે તેના બાળકને પ્રેમ કરવાનું ભૂલી શકશે નહીં.
બોલિવૂડ સિંગર બી પ્રાકની પત્ની મીરા બચ્ચને આજે સોશિયલ મીડિયા પર એક ભાવુક પોસ્ટ કરતા જન્મ દરમિયાન ગુમાવેલી બાળકીના નામ પર એક સુંદર અને હૃદયસ્પર્શી પોસ્ટ શેયર કરી છે. તેણે લખ્યું કે, ‘મારા માટે અત્યાર સુધીની સૌથી મુશ્કેલીવાળી વાતમાં એક દિવસ એ હતો કે જેને એ દિવસે મારે જવા દેવાની હતી જ્યારે પરી તમને સ્વર્ગમાં લઈ ગઈ. તમે હંમેશા મારા દિલમાં અને આત્મામાં રહેશો. મારા નાના દિલની ધડકન, મારું લોહી અને માંસ, મારું બાળક, મારા હોવા અને જીવવાનું કારણ. તમે મને બીજું જીવન આપ્યું અને ઘણું બધું પાછળ છોડી દીધું.
મીરાએ પોતાની પોસ્ટ દ્વારા આગળ કહ્યું કે, ‘પવિત્રતાની નિશાની, તમારી અમારી આસપાસ તમારા હોવાની નિશાની, મને રોજેરોજ કહેવાની નિશાની કે મમ્મી તમે સૌથી મજબૂત છો અને હું તમારામાં હંમેશા છું, જ્યાં સુધી આપણે ફરી નહીં મળીયે ત્યાં સુધી હું યાદ કરતી રહીશ. હું ઈચ્છું છું કે તમે જ્યાં પણ હોવ ત્યાં ખુશ અને શાંતિપૂર્ણ રહો. તમને ખાતરી છે કે મારા કરતાં બીજા કોઈને તમારી જરૂર છે, પરંતુ હું પ્રાર્થના કરીશ કે જ્યારે પણ યોગ્ય સમય હોય ત્યારે તમે મારી પાસે પાછા આવો અને તમે હંમેશા માટે મારી જાન, મારી દુનિયા, મારી પુત્રી ફઝા બનવા માટે તૈયાર રહો- 10-06-2022.’
મીરાની આ પોસ્ટ પર દરેક લોકો ખૂબ જ પ્રેમ વરસાવી રહ્યા છે. લોકો કહે છે કે તમે મજબૂત રહો, તમને અને તમારા પરિવારને ભગવાન વધુ શક્તિ આપે. આ સિવાય કોમેન્ટ બોક્સમાં એવું લાગે છે કે જાણે પૂર આવી ગયું હોય.