અશ્લીલ વીડિયો કેસમાં મુંબઈ પોલીસ ફસાઈ – શિલ્પાના પતિ રાજ કુન્દ્રાનો CBIને પત્ર

Raj Kundra Case : શિલ્પા શેટ્ટીના પતિ રાજ કુંન્દ્રા (Raj Kundra) સાથે જોડાયેલ અશ્લીલ ફિલ્મો સાથે જોડાયેલ એક મોટી અપટેડ સામે આવી છે. રાજ કુંદ્રાએ સીબીઆઈ (CBI)ને પત્ર લખ્યો છે. રાજ કુંદ્રાએ પોતાના પત્રમાં મુંબઈ પોલીસના મોટા અધિકારીઓ પર ગંભીર આરોપ લગાવતા કહ્યું કે, તેને અશ્લીલ કેસમાં ફસાવવામાં આવ્યો છે. શિલ્પા શેટ્ટીના પતિએ સમગ્ર મામલે સીબીઆઈ તપાસ કરાવવા માંગ કરી છે. અશ્લીલ બનાવવા રાજ કુદ્રાની મુંબઈની ક્રાઈમ બ્રાન્ચ પોલીસે ધરપકડ કરી હતી ત્યારબાદ તેને જમાનત પર છોડવામાં આવ્યો હતો.

મુંબઈ ક્રાઈમ બ્રાન્ચના મોટા અધિકારીઓ પર ગંભીર આરોપ

હવે રાજ કુંદ્રા આ સમગ્ર મામલે સીબીઆઈ તપાસની માંગ કરી રહ્યો છે. જેના માટે તેમણે સીબીઆઈને એક પત્ર લખ્યો છે. આ પત્રમાં તેણે મુંબઈ ક્રાઈમ બ્રાન્ચના મોટા અધિકારીઓ પર ગંભીર આરોપ લગાવ્યો છે. તેમણે દાવો કર્યો કે, એક મોટા બિઝનેસમેનને વ્યાપારી હરીફાઈને કારણે મુંબઈ પોલીસ તેમની પાછળ પડી ગઈ અને કાવતરું રચીને ધરપકડ કરવામાં આવી.

અશ્લીલ ફિલ્મોને લઈને કોઈ ચિંતા નથી

રાજ કુંદ્રાએ સીબીઆઈને લખેલા પત્રમાં કેટલાક મોટા પોલીસ અધિકારીઓના નામ લીધા છે. આ સાથે રાજકુંદ્રાએ વડાપ્રધાનના કાર્યાલયને પણ પત્ર લખી ન્યાયની માંગ કરી છે. રાજ કુંદ્રાએ પોતાના પત્રમાં એ દાવો કર્યો છે કે, અશ્લીલ ફિલ્મ બનાવવા અને તેની સાથે જોડાયેલા કોઈ પણ આરોપ સાથે તેનો સંબંધ નથી. રાજ કુંદ્રાએ જણાવ્યું કે, આ મામલે દાખલ કરવામાં આવેલી ચાર્જશીટમાં તેનું નામ ન હોવા છતા પોલીસે તેની કારણ વગર આ મામલે સંડોવણી કરી છે. મશહુર ફિલ્મ અભિનેત્રીના પતિએ એમ પણ કહ્યું હતું કે, મુંબઈ પોલીસ અધિકારીઓ દ્વારા સાક્ષીઓ પર મારા વિરુદ્ધ નિવેદનો આપવા દબાણ કરવામાં આવ્યું હતું.

રાજકુંદ્રાનો તેનો વ્યક્તિગત મેતભેદ

રાજ કુંદ્રાએ પણ કહ્યું કે, જે બિઝનેસમેનના કહેવા પર મુંબઈ પોલીસના મોટા અધિકારીઓએ તેના પર કાર્યવાહી કરી છે તેની સાથે તેનો વ્યક્તિગત મેતભેદ છે.તે બિઝનેસમેનના મુંબઈ પોલીસના આ અધિકારીઓ સાથે સારા સંબંધો છે. જેનો લાભ લઈને તેની સામે કાવતરા હેઠળ કાર્યવાહી હાથ ધરી છે.

એવા પણ અહેવાલો છે કે, રાજકુંદ્રા બિગ બોસ સીઝન 16માં જોવા મળી શકે છે