Aryan Khan: શાહરૂખ ખાનના દીકરા આર્યને કપડાંના વ્યવસાયમાં ઝંપલાવ્યું, કેટલી હશે કિંમત? આ દિવસથી તમે ખરીદી પણ કરી શકશો

Aryan Khan News : શાહરૂખ ખાન ભલે બોલિવૂડનો સુપરસ્ટાર હોય, પરંતુ તેના પુત્ર આર્યનને એક્ટિંગમાં રસ નથી. તે લેખક અને દિગ્દર્શક બનવા માંગે છે. આ પહેલા તેણે પોતાનો બિઝનેસ શરૂ કર્યો છે.

Aryan Khan Lifestyle Brand

TV9 Gujarati | Edited By: Meera Kansagara | Updated on: Apr 29, 2023 | 9:43 AM

Aryan Khan Lifestyle Brand : શાહરૂખ ખાનના પુત્ર આર્યન ખાને 25 વર્ષની ઉંમરે કપડાંના વ્યવસાયમાં પ્રવેશ કર્યો છે. અગાઉ તેણે તેની વોડકા બ્રાન્ડ લોન્ચ કરી હતી અને હવે તાજેતરમાં તેણે D’YAVOL X નામની તેની લક્ઝરી સ્ટ્રીટવેર બ્રાન્ડ લોન્ચ કરી છે. આ માટે આર્યનએ શાહરૂખ ખાન સાથે એક એડ પણ શૂટ કરી હતી. ખાસ વાત એ છે કે એડનું ડાયરેક્શન આર્યન પોતે જ કરતો હતો.

આ પણ વાંચો : Aryan Khan એ પોતાનો પહેલો પ્રોજેક્ટ શરૂ કર્યો, Suhana Khan અને ગૌરી ખાને કર્યો પ્રોત્સાહિત, Photo Viral

શાહરૂખ ખાને ભૂતકાળમાં તેની કેટલીક તસવીરો શેર કરી હતી. જેમાં તે આર્યન ખાનની બ્રાન્ડનું લેધર જેકેટ પહેરેલો જોવા મળે છે. આર્યનનો બ્રાન્ડ લોગો X તેના જેકેટના હાથ પર પણ દેખાય છે. ડી’યાવોલ એક્સના ઈન્સ્ટાગ્રામ પેજ પર આ બ્રાન્ડના કપડાંની ઘણી તસવીરો પણ શેર કરવામાં આવી છે.

View this post on Instagram

A post shared by Shah Rukh Khan (@iamsrk)

મોડેલો દ્વારા કપડાંની ઝલક બતાવવામાં આવી છે, જેમાં હૂડી અને ટી-શર્ટ વગેરેનો સમાવેશ થાય છે. જો કે આ કપડાની કિંમત હજુ સુધી જાહેર કરવામાં આવી નથી. આ માટે તમારે કદાચ 30 એપ્રિલ સુધી રાહ જોવી પડશે. જણાવી દઈએ કે આર્યન પોતાના બે મિત્રો સાથે મળીને આ બિઝનેસ શરૂ કર્યો છે.

30 એપ્રિલથી હશે સેલ

આર્યન ખાનની બ્રાન્ડના આ કપડાં 30 એપ્રિલથી વેચાણ માટે ઉપલબ્ધ થશે. જો કે, જો તમે તેને ખરીદવા માંગતા હો, તો તમે તેને ફક્ત ઑનલાઇન જ ખરીદી શકશો. હાલમાં, આ સ્ટ્રીટવેરનું વેચાણ ફક્ત ઓનલાઈન કરવામાં આવશે. શાહરૂખે એક ઈન્સ્ટાગ્રામ પોસ્ટમાં જણાવ્યું છે કે માત્ર થોડા કપડા જ વેચાણ માટે ઓફર કરવામાં આવશે. વાસ્તવમાં તેણે લખ્યું છે, લિમિટેડ રિલીઝ.

View this post on Instagram

A post shared by @dyavol.x

એક્ટિંગ નહીં, ડાયરેક્ટ અને લખશે આર્યન ખાન

શાહરૂખ ખાનની જેમ તેનો પુત્ર આર્યન હીરો નહીં બને. તેણે તાજેતરમાં જ તેનો પહેલો પ્રોજેક્ટ લખવાનું સમાપ્ત કર્યું છે. કહેવામાં આવી રહ્યું છે કે આર્યન ખાને આ લખાણ વેબ સિરીઝ માટે કર્યું છે. તેનું દિગ્દર્શન પણ તે પોતે કરશે. તે રેડ ચિલીઝના બેનર હેઠળ બનાવવામાં આવશે. રિપોર્ટ્સમાં એવું પણ કહેવામાં આવી રહ્યું છે કે આ સીરિઝ એમેઝોન પ્રાઇમ વીડિયો પર રિલીઝ કરવામાં આવશે.