સલમાન ખાન ફાયરિંગ કેસમાં મોટો ખુલાસો, પનવેલ ફાર્મફાઉસની આજુબાજુ આંટાફેરા માર્યા હતા

સલમાન ખાન ઘર પર ફાયરિંગ મામલે 2 આરોપીઓની મુંબઈ ક્રાઈમ બ્રાન્ચ પુછપરછ કરી રહી છે, ત્યાારબાદ અનેક ખુલાસા પણ કર્યા છે. હવે સલમાન ખાનના ગેલેક્સી ઘર પર ફાયરિંગ મામલે શૂટર સાગર પાલે નવી જાણકારી આપી છે. જેને સાંભળી તમે પણ ચોંકી જશો. શૂટર સલમાન ખાનના ગેલેક્સી મકાનમાં ફાયરિંગ કરવા માટે બિહારમાં ગોળી ચલાવવાની ખાસ ટ્રેનિંગ પણ લીધી હતી.

શૂટરે લીધી હતી ખાસ ટ્રેનિંગ

સલમાન ખાન ફાયરિંગ મામલે પુછપરછ બાદ ક્રાઈમ બ્રાન્ચે કહ્યું કે, શૂટર સાગર પાલે બિહારના પશ્ચિમ ચંપારણ જિલ્લામાં પોતાના ગામની પાસે બંદૂક ચલાવવાની ટ્રેનિંગ લીધી હતી. તપાસમાં એ પણ જાણ થઈ કે, આરોપીઓએ મુંબઈમાં ફાયરિંગથી 4-5 દિવસ પહેલા સલમાન ખાનના પનવેલ ફાર્મફાઉસની આજુબાજુ (રેકી) આંટાફેરા માર્યા હતા. ફાયરિંગની યોજના મુંબઈમાં નક્કી કરવામાં આવી હતી. શરુઆતની તપાસમાં સ્પષ્ટ થયું કે, તેમનો ઉદ્દેશ્ય આતંક ફેલાવવાનો હતો કારણ કે મુંબઈમાં સલમાનના ઘર પર ફાયરિંગને મીડિયા કવરેજ અને પ્રસિદ્ધિ વધુ મળે.

બંન્ને શૂટરની ભુજથી અંદાજે 40 કિમી દુરથી ધરપકડ કરવામાં આવી

સલમાન ખાનના ઘર પર ફાયરિંગ કર્યા બાદ શૂટરની ઓળખ કરવામાં આવી અને તેમની ભુજમાંથી ધરપકડ કરવામાં આવી હતી. બંન્ને આરોપીઓને પકડવા માટે ભુજ પોલીસની પણ મદદ લેવામાં આવી હતી. આ બંન્ને શૂટરની ભુજથી અંદાજે 40 કિમી દુરથી ધરપકડ કરવામાં આવી છે.સલમાન ખાનને ધમકી અને ઘર પર ફાયરિંગ થયા બાદ મહારાષ્ટ્રના સીએમ એકનાથ શિંદે અભિનેતાને મળવા તેમના ઘરે પહોંચ્યા હતા. જ્યાં તેમણે સલીમ ખાન અને સલમાન ખાન સાથે વાતચીત કરી અને પ્રોટેક્શનનું પણ આશ્વાસન આપ્યું હતુ.

સમગ્ર ઘટના બાદ લોરેન્સ બિશ્નોઈની ગેંગે સોશિયલ મીડિયા દ્વારા ખુલાસો કર્યો છે કે તેઓએ સલમાન ખાનના ઘરની બહાર ફાયરિંગ કરાવ્યું છે.સલમાન ખાન  પનવેલ ફાર્મફાઉસમાં અનેક વખત પરિવાર સાથે મોજ મસ્તી કરતો જોવા મળ્યો છે.

આ પણ વાંચો : જીંદગી ઝંડવા ફિર ભી ઘમંડવા જેવા ડાયલોગ ફિલ્મો કરતા ડાયલોગથી વધુ ફેમસ છે આ અભિનેતા, આવો છે પરિવાર

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો