‘વિચારોના યુદ્ધમાં વિચાર ચાલે છે હથિયાર નહીં’ – ‘ગાંધી-ગોડસે એક યુદ્ધ’નું જોરદાર ટીઝર થયું રિલીઝ
9 વર્ષ બાદ રાજકુમાર સંતોષી મોટા પડદા પર કમબેક કરી રહ્યા છે. તેની અપકમિંગ ફિલ્મ 'ગાંધી ગોડસે એક યુદ્ધ'નું (Gandhi Godse Ek Yudh) મોશન પોસ્ટર સામે આવ્યું છે. 2 મિનિટ 18 સેકન્ડના આ ટીઝરમાં ઘણા બ્લોકબસ્ટર ડાયલોગ્સ છે.
બોલિવૂડ બ્લોકબસ્ટર ‘ઘાયલ’ અને ‘દામિની’ જેવી તમામ ઘણી હિટ ફિલ્મો આપનારા પ્રોડ્યુલર રાજકુમાર સંતોષી આવતા વર્ષે એક નવા પ્રોજેક્ટ સાથે ફરી એકવાર ધમાકેદાર કમબેક કરવા માટે તૈયાર છે. આ ફિલ્મ દ્વારા 9 વર્ષ બાદ રાજકુમાર સંતોષી મોટા પડદા પર કમબેક કરી રહ્યા છે. થોડા દિવસો પહેલા 15 ડિસેમ્બરે તેની અપકમિંગ ફિલ્મ ‘ગાંધી ગોડસે એક યુદ્ધ’ને લઈને ઓફિશિયલ એનાઉન્સમેન્ટ કર્યું હતું. જે બાદ હવે મંગળવારે 27 ડિસેમ્બરે આ ફિલ્મનું મોશન પોસ્ટર રિલીઝ કરવામાં આવ્યું છે.
2 મિનિટ 18 સેકન્ડના આ પોસ્ટરમાં આવા ઘણા ડાયલોગ્સ છે જે તમને મહાત્મા ગાંધી અને નથ્થુરામ ગોડસેની વિચારધારાઓનો પરિચય કરાવવા માટે પૂરતા છે. વીડિયોમાં મહાત્મા ગાંધી અને નથ્થુરામ ગોડસે વચ્ચેની વિચારધારાઓના યુદ્ધને સારી રીતે દર્શાવવામાં આવ્યું છે, જે ફિલ્મ જોવા માટે દર્શકોમાં ઉત્સુકતાનું સ્તર વધારશે. મહાત્મા ગાંધીની ભૂમિકા ખૂબ જ પ્રતિભાશાળી એક્ટર દીપક અંતાણી ભજવી રહ્યો છે. જ્યારે ચિન્મય મંડલેકર નથ્થુરામ ગોડસેના રોલમાં જોવા મળે છે.
અહીં જુઓ ફિલ્મનું મોશન પોસ્ટર
RAJKUMAR SANTOSHI UNVEILS ‘GANDHI GODSE EK YUDH’ MOTION POSTER… #RajkumarSantoshi – who returns to the director’s chair with #GandhiGodseEkYudh – unveils the #MotionPoster of the film… In *cinemas* [Thursday] 26 Jan 2023 #RepublicDay. pic.twitter.com/t4Fu6vj0KU
— taran adarsh (@taran_adarsh) December 27, 2022
ખૂબ જ દમદાર છે ટીઝર
વીડિયોની શરૂઆતમાં ગોડસે, મહાત્મા ગાંધીને કહે છે, ‘હિન્દુ રાષ્ટ્રને બચાવવા માટે હું તને મારવા માંગતો હતો, ‘ જેના જવાબમાં બાપુએ કહ્યું- ‘ગોળીથી માણસ મૃત્યુ પામે છે, તેના વિચારોથી નહીં.’ જેના બાદ મહાત્મા ગાંધી, ગોડસેને સવાલ કરે છે – ‘હું તમારી સાથે કયું યુદ્ધ લડી રહ્યો હતો?’ આ સવાલના જવાબમાં ગોડસે ગુસ્સામાં કહે છે, ‘વિચારોનું યુદ્ધ’. આ વીડિયો જોઈને ફિલ્મની સ્ટોરીનો અંદાજ સરળતાથી લગાવી શકાય છે.
એઆર રહેમાને આપ્યું છે મ્યૂઝિક
વીડિયોમાં તમે જોઈ શકો છો કે ભારતના પૂર્વ વડાપ્રધાન જવાહરલાલ નેહરુ સહિત ઈતિહાસના અન્ય પ્રમુખ પાત્રોની ઝલક પણ બતાવવામાં આવી છે. સંતોષી પ્રોડક્શનના બેનર હેઠળ બની રહેલી આ ફિલ્મ પીવીઆર પિક્ચર્સ દ્વારા રિલીઝ કરવામાં આવશે. આ ફિલ્મમાં ઓસ્કાર અને ગ્રેમી વિજેતા સંગીતકાર એઆર રહેમાને સંગીત આપ્યું છે. રિલીઝ ડેટ વિશે વાત કરીએ તો ‘ગાંધી ગોડસે એક યુદ્ધ’ 26 જાન્યુઆરી, 2023 ના રોજ ગણતંત્ર દિવસે થિયેટરોમાં રિલીઝ થવા જઈ રહી છે.
