Anant Ambani birthday : અનંત અંબાણીના જન્મદિવસની ઉજવણીમાં ઝુમી ઉઠી પત્ની રાધિકા મર્ચન્ટ, જુઓ રોમેન્ટિક વીડિયો
અનંત અંબાણી આજે પોતાનો 31મો જન્મદિવસ સેલિબ્રેટ કરી રહ્યો છે. આ ખાસ તકે પત્ની રાધિકા મર્ચન્ટે તેની સાથે રોમેન્ટિક અંદાજમાં જોવા મળી હતી. જેનો વીડિયો સોશિયલ મીડિયા પર વાયરલ થઈ રહ્યો છે.
રિલાયન્સ ઈન્ડસ્ટ્રીના ચેરમેન અને ભારતમાં સૌથી મોટા બિઝનેસમેન મુકેશ અંબાણી અને નીતા અંબાણીના નાના દીકરા અનંત અંબાણી આજે 10 એપ્રિલના રોજ પોતાનો 31મો જન્મદિવસ સેલિબ્રેટ કરી રહ્યો છે. ખાસ તકે મુંબઈ થી લઈ ગુજરાતમાં કરોડોનું દાન કર્યું છે. જામનગરમાં એક શાનદાર બર્થ ડે પાર્ટી રાખવામાં આવી હતી. અનંતના બર્થડે જશ્ન મનાવવા બોલિવુડના અનેક દિગ્ગજ સ્ટાર જામનગર પહોંચી ચૂક્યા છે.
સોશિયલ મીડિયા પર અનંત અંબાણીના બર્થ ડે સેલિબ્રેશનના અનેક ફોટો અને વીડિયો સોશિયલ મીડિયા પર વાયરલ થઈ રહ્યા છે. જેમાંથી એક વીડિયો એવો છે. જે અનંત અંબાણી અને તેની પત્ની રાધિકા મર્ચન્ટ વચ્ચે રોમેન્ટિક ક્ષણ જોવા મળી હતી. એક વાયરલ વીડિયોમાં રાધિકા અનંતને જન્મદિવસની શુભકામના પાઠવી કિસ કરતી જોવા મળી હતી. બંન્નેનો આ રોમેન્ટિક અંદાજ કેમેરામાં કેદ થયો છે અને સોશિયલ મીડિયા પર આ વીડિયો વાયરલ થઈ રહ્યો છે.
(video : ambani_update)
રાધિકા મર્ચન્ટનો બર્થ ડે કિસ વીડિયો વાયરલ
સોશિયલ મીડિયા પર સામે આવેલા વીડિયોમાં અનંત અંબાણી અને તેની પત્ની રાધિકા મર્ચન્ટ વચ્ચે શાનદાર બોન્ડિંગ જોવા મળી રહ્યું છે. આ વીડિયોમાં રાધિકા ખુબ પ્રેમથી અનંતના ગાલ પર કિસ કરતી જોવા મળે છે. આ દરમિયાન બંન્ને કપલ ઉપર ફુલનો વરસાદ થાય છે.આખો માહૌલ રોમેન્ટિક બની જાય છે.
સલમાને પોતાનો નાનો ભાઈ ગણાવ્યો
આજે અનંત અંબાણીના જન્મદિવસ પર, સલમાન ખાને તેમને ખાસ રીતે શુભેચ્છા પાઠવી. બોલીવુડ સુપરસ્ટાર સલમાન ખાને અનંતના જન્મદિવસ પર તેની સાથેના સુંદર ફોટા શેર કરીને તેના પર પ્રેમ વરસાવ્યો. અનંત સાથેનો ફોટો શેર કરતા, સલમાને તેને પોતાનો નાનો ભાઈ ગણાવ્યો, તેને સૌથી નિઃસ્વાર્થ, દયાળુ વ્યક્તિ અને ઘણા લોકો માટે પ્રેરણારૂપ ગણાવ્યો.
તમને જણાવી દઈએ કે,રિલાયન્સના અનંત અંબાણીના જન્મદિન નિમિત્તે દ્વારકા ખાતે યાત્રી ભવનના નિર્માણ માટે રુપિયા 30 કરોડનું અનુદાન જાહેર કર્યું છે. તેમજ સાળંગપુર હનુમાનજી મંદિરને ગૌશાળા નિર્માણ માટે 10 કરોડનું દાન આપ્યું છે.
