પ્રિયંકા ચોપરા (Priyanka Chopra) આ દિવસોમાં યુક્રેનના શરણાર્થીઓને મળવા પોલેન્ડના પ્રવાસે છે. પ્રિયંકાએ યુનિસેફની (UNICEF) કમિટમેન્ટ, દ્રઢતા, સમર્પણ અને કરુણાના વખાણમાં એક પોસ્ટ લખી હતી. પ્રિયંકા છેલ્લા કેટલાક સમયથી યુનિસેફ સાથે જોડાયેલી છે. હાલની એક પોસ્ટમાં પ્રિયંકાએ કહ્યું કે, યુનિસેફ સાથે મારી જર્ની માનવતાની ભલાઈમાં મારી માન્યતાને વધુ મજબૂત કરે છે. મને લાગે છે કે હીરો કોઈપણ હોઈ શકે છે પણ જે ખરેખર બધા લોકો માટે વધુ સારું સ્થાન બનાવવાનો ઇરાદો ધરાવે છે.
યુનિસેફના વોલેંટિયર્સની કોશિશ વિશે વાત કરતા પ્રિયંકાએ કહ્યું, હું છેલ્લા કેટલાક દિવસોમાં ઘણા હીરોને મળી છું… તેઓ યુનિસેફના પુરૂષો અને મહિલાઓ, વોલેંટિયર્સ, ભાગીદારો અને જે કોઈ છે તે આ જરૂરિયાતના સમયમાં એક સાથે આવ્યા છે. હું તેમની કમિટમેન્ટ, દ્રઢતા, સમર્પણ અને કરુણા અને સરળતાથી શોક્ડ છું, તેમને મદદ કરવામાં પણ જેમને તેની સૌથી વધુ જરૂર હોય.
યુક્રેન કટોકટી દરમિયાન યુનિસેફની ક્વિક એક્શનને હાઈલાઈટ કરતાં પ્રિયંકા ચોપરાએ કહ્યું, યુક્રેન કટોકટી ફેબ્રુઆરીમાં શરૂ થઈ હતી અને યુનિસેફની ટીમે તરત જ પ્રતિક્રિયા આપી હતી. પોલેન્ડ, રોમાનિયા, મોલ્ડોવા અને બીજા ઘણા દેશોમાં આવતા શરણાર્થીઓને મદદ કરવા માટે ઘણાં સંસાધનો ઉભા કર્યા.
યુનિસેફે પોલેન્ડમાં બહુ ઓછા સમયમાં એક ઓફિસ પણ બનાવી. આ વિશે પ્રિયંકા ચોપરાએ કહ્યું, સંઘર્ષની શરૂઆતમાં, પોલેન્ડમાં યુનિસેફની કોઈ ઓફિસ ન હતી, પરંતુ ખૂબ જ ઓછા સમયમાં દુનિયાભરમાંથી યુનિસેફના કર્મચારીઓ આવી ગયા. પોલેન્ડના પૈડાંને ઝડપી બનાવવામાં દરેક વ્યક્તિએ મદદ કરી. પ્રિયંકા ચોપરાએ પોતાની વાતનો પૂરી એમ કહીને કરી, તમે જે કરો છો તેના માટે તમારો આભાર…તમે મારા હીરો છો.
આ પહેલા પણ પ્રિયંકા ચોપરાએ એક પોસ્ટ શેર કરી હતી જેમાં તે યુક્રેનિયન બાળકો સાથે સમય પસાર કરતી જોવા મળી રહી છે. તે દરમિયાન પ્રિયંકાએ કહ્યું હતું કે, ‘આ મિશન પર જે બાળકોને હું મળી છું તે કલા સાથે કામ કરવાનું પસંદ કરે છે.’ તેના પ્રવાસ દરમિયાન તેને કહ્યું હતું કે, યુદ્ધના ઘણા ઘા છે, જે દેખાતા નથી અને સામાન્ય રીતે તમે તેને સમાચારમાં પણ જોઈ શકતા નથી.
બોલિવૂડ સેલિબ્રિટી પ્રિયંકા ચોપરાએ હાલમાં જ પોતાનો જન્મદિવસ સેલિબ્રેટ કર્યો હતો. આ દરમિયાન તેની કઝિન બહેન અને બોલિવૂડ એક્ટ્રેસ પરિણીતી ચોપરા પણ તેની સાથે જોવા મળી હતી. બર્થડે સેલિબ્રેશનમાં બંનેએ ખૂબ જ મસ્તી કરી હતી. પ્રિયંકાના વર્ક ફ્રન્ટની વાત કરીએ તો તે ટૂંક સમયમાં હોલીવુડ સીરિઝ ‘સિટાડેલ’ અને બોલિવૂડ ફિલ્મ ‘જી લે ઝરા’માં જોવા મળશે.
Published On - 7:40 pm, Fri, 5 August 22