Aryan Khan Drug Case : શાહરૂખ ખાનના પુત્ર આર્યન ખાન ડ્રગ કેસમાં નવો વળાંક, સરકારી વકીલે આપ્યું રાજીનામું

બોલિવૂડ સુપરસ્ટાર શાહરૂખ ખાનના પુત્ર આર્યન (Aryan Khan Drug Case) ખાનની મુંબઈથી ગોવા જતી કોર્ડેલિયા ક્રૂઝમાં ડ્રગ પાર્ટી કેસમાં ધરપકડ કરવામાં આવી હતી. આ કેસમાં આર્યન ખાન વિરુદ્ધ સેશન્સ કોર્ટમાં એડવોકેટ અદ્વૈત સેઠના (Advait sethna) દ્વારા NCBનું પ્રતિનિધિત્વ કરવામાં આવ્યું હતું. NCB દ્વારા દાખલ કરવામાં આવેલી ચાર્જશીટમાં આર્યનને ક્લીનચીટ આપવામાં આવી હતી. અદ્વૈત સેઠનાનું રાજીનામું NCBના વરિષ્ઠ અધિકારીને સોંપવામાં આવ્યું છે. જો મીડિયા રિપોર્ટ્સનું માનીએ તો રાજીનામા અંગે અંતિમ નિર્ણય NCBના મહાનિર્દેશક લેશે.

આ અઠવાડિયાની શરૂઆતમાં, અદ્વૈત સેઠનાએ વિશેષ અદાલતને જાણ કરી હતી કે, તેઓ નાદુરસ્ત તબિયતને કારણે NCBની ફરિયાદીઓની પેનલમાંથી રાજીનામું આપી રહ્યા છે. કોર્ટને એમ પણ કહેવામાં આવ્યું હતું કે, એનસીબી તેમની અરજી અને તેમને સોંપવામાં આવેલા કેસોના સંબંધમાં આગળની કાર્યવાહી અંગે નિર્ણય લેશે. જો કે, જ્યાં સુધી તેમના રાજીનામાનો નિર્ણય લેવામાં નહીં આવે ત્યાં સુધી તેઓ તેમને સોંપવામાં આવેલી બાબતો પર કામ કરવાનું ચાલુ રાખશે.

2020માં થઈ હતી નિયુક્ત

સેથનાની 2020માં NCB દ્વારા વિશેષ સરકારી વકીલ તરીકે નિમણૂક કરવામાં આવી હતી. તે ક્રુઝ શિપ ડ્રગ રેઇડ કેસમાં મુખ્ય ફરિયાદી હતો, જેમાં ગયા ઓક્ટોબરમાં આર્યન સામે ગુનો નોંધાયો હતો. આર્યનને બાદમાં NCBની સ્પેશિયલ ઇન્વેસ્ટિગેશન ટીમ (SIT) દ્વારા ક્લીનચીટ આપવામાં આવી હતી.

14 લોકોને આપવામાં આવી હતી ક્લીનચીટ

જ્યાં સુધી આરોપીઓ દ્વારા દાખલ કરાયેલી જામીન અરજીઓ અને અન્ય અરજીઓનો નિર્ણય લેવામાં ન આવ્યો હોય, ત્યારથી, સેથના ગયા વર્ષે 3 ઓક્ટોબરના રોજ આર્યનના પ્રથમ રિમાન્ડ દરમિયાન NCB વતી હાજર થયો હતો. આ કેસમાં NCB દ્વારા કુલ 20 લોકોની ધરપકડ કરવામાં આવી હતી. આ વર્ષે મે મહિનામાં, SITએ 14 અન્ય લોકો સામે ચાર્જશીટ દાખલ કરતી વખતે આર્યન અને અન્ય પાંચને ક્લીનચીટ આપી હતી. બે આરોપીઓ હજુ પણ જેલમાં છે.

સિદ્ધાર્થ પિઠાણી સામે NCBનું પ્રતિનિધિત્વ કરતો હતો

તમને જણાવી દઈએ કે, સેથના સુશાંત સિંહ રાજપૂતના ફ્લેટમેટ સિદ્ધાર્થ પિઠાણી વિરુદ્ધ NCBનું પ્રતિનિધિત્વ પણ કરી રહ્યા હતા, જેની ગયા જૂનમાં ધરપકડ કરવામાં આવી હતી. બંને કેસમાં હજુ સુનાવણી શરૂ થઈ નથી.