Katrina Kaif સાથે ફેક લવ સ્ટોરી બનાવનાર મનવિંદર સિંહને પોલીસ રિમાન્ડ પર મોકલવામાં આવ્યો, વિકી કૌશલને મારી નાખવાની આપી હતી ધમકી

બોલિવૂડ અભિનેત્રી કેટરિના કૈફનો (katrina kaif) સ્ટોક કરનારા માનવવિંદર સિંહને (Manvinder singh) 28 જુલાઈ સુધી પોલીસ રિમાન્ડ પર મોકલવામાં આવ્યો છે. ગઈકાલે તેની ધરપકડ કરવામાં આવી હતી. આરોપ છે કે તેણે અભિનેત્રી અને તેના પતિ વિકી કૌશલને મારી નાખવાની ધમકી આપી હતી. આ પછી મનવિંદર વિરુદ્ધ ફરિયાદ દાખલ કરવામાં આવી હતી. જે બાદ પોલીસે આરોપીની ધરપકડ કરી હતી.

આરોપીના વકીલ સંદીપ શેરખાનેનું કહેવું છે કે, પોલીસ દ્વારા કરવામાં આવેલા દાવામાં કોઈ તથ્ય નથી. મારો ક્લાયંટ કેટરિના કૈફને 2019થી ઓળખતો હતો અને તેમની વચ્ચે વાતચીત થઈ હતી. મારા અસીલ પર લગાવવામાં આવેલા આરોપો પાયાવિહોણા છે. તેને 2 દિવસની પોલીસ કસ્ટડીમાં મોકલવામાં આવ્યો છે.

ઘણા સમયથી કેટરીનાને સ્ટોક કરી રહ્યો હતો

આરોપી લખનૌનો છે અને બોલિવૂડનો સ્ટ્રગલર છે. તેના પર વિકી કૌશલને કેટરિના કૈફ સાથેના લગ્ન નહીં તોડવા માટે જાનથી મારી નાખવાની ધમકી આપવાનો આરોપ છે. 28 વર્ષીય મનવિન્દર છેલ્લા 4 મહિનાથી કથિત રીતે ઓનલાઈન ધમકીઓ આપી રહ્યો હતો, પરંતુ તાજેતરમાં જ તેણે કોલ કરવાનું શરૂ કર્યું હતું. તેનું ઈન્સ્ટાગ્રામ પર આદિત્ય રાજપૂતના નામે એકાઉન્ટ છે અને તે ઘણા સમયથી કેટરીનાને સ્ટોક કરી રહ્યો હતો. વિકી કૌશલે પણ તેને આવું ન કરવા કહ્યું હતું, પરંતુ તે સમજ્યો નહીં. આ પછી અભિનેતાએ મુંબઈના સાંતાક્રુઝ પોલીસ સ્ટેશનમાં ફરિયાદ નોંધાવી, ત્યારબાદ તેની ધરપકડ કરવામાં આવી.

કેટરિના સાથે બનાવટી લવ સ્ટોરી વણાઈ

‘કિંગ આદિત્ય રાજપૂત’ના ઇન્સ્ટાગ્રામ પેજ પર તેણે કેટરિના કૈફ સાથેના ઘણા ફોટા અને વીડિયો મૂક્યા છે. તેને જોતા જ ખબર પડે છે કે આ બધા નકલી છે. આ તસવીરોમાં તે કેટરિનાને તેની પત્ની તરીકે બતાવે છે અને તેને ટેગ પણ કરે છે. તેનો દાવો છે કે તેના અને કેટરીનાના લગ્ન 13 ડિસેમ્બરે થયા હતા. આ સિવાય વિકીએ કેટરિના સાથે નહીં પરંતુ તેની બહેન ઈસાબેલ સાથે લગ્ન કર્યા છે. આના પરથી સમજી શકાય છે કે તે કેટરિના પ્રત્યે કેટલો ભાવુક હતો અને બધું એક તરફી થઈ રહ્યું હતું. તે ઈન્સ્ટાગ્રામ પર કેટરીના અને તેના પરિવાર વિશે ખોટી માહિતી આપવાનું ચાલુ રાખ્યું હતું.