Happy Birthday : માત્ર 2 ફિલ્મો બનાવીને ઉદ્યોગને છવાઈ ગયા અયાન મુખર્જી, રણબીર કપૂર સાથે છે ખાસ સંબંધ
અયાન મુખર્જીની ફિલ્મ બ્રહ્માસ્ત્રના ચાહકો લાંબા સમયથી રાહ જોઈ રહ્યા છે. આ ફિલ્મ દ્વારા, પ્રથમ વખત, ચાહકો મોટા પડદા પર રણબીર કપૂર અને આલિયા ભટ્ટને સાથે રોમાન્સ કરતા જોવા મળશે.
અયાન મુખર્જી (Ayan Mukerji) હિન્દી ફિલ્મ ઉદ્યોગના લોકપ્રિય દિગ્દર્શકોમાંના એક છે. અયાને ખૂબ જ ઓછા સમયમાં પોતાની ખાસ ઓળખ બનાવી છે. તમને જણાવી દઈએ કે અયાને નાની ઉંમરે દિગ્દર્શક તરીકેની શરૂઆત કરી હતી અને આજે તેમણે બોલીવુડમાં એક ખાસ ઓળખ બનાવી છે. આજે, અયાનના જન્મદિવસ પર, અમે તમને તેની સાથે જોડાયેલી કેટલીક રસપ્રદ વાતો જણાવીએ.
બાય ધ વે, આયને કારકિર્દીની શરૂઆત આસિસ્ટન્ટ ડિરેક્ટર તરીકે કરી હતી. તેમણે ફિલ્મ નિર્માતા આશુતોષ ગોવારીકર (Ashutosh Gowariker) ને આસિસ્ટ કર્યા હતા. આ પછી, અયાને ફિલ્મ કભી અલવિદા ના કહેના (Kabhi Alvida Naa Kehna) માટે કરણ જોહરને પણ આસિસ્ટ કર્યા હતા. ફિલ્મોમાં સહાયક તરીકે કામ કર્યા પછી, અયાનને સમજાયું કે તેમણે પોતે એક ફિલ્મનું નિર્દેશન કરવું જોઈએ.
બનાવી પ્રથમ ફિલ્મ
આ પછી, અયાને વર્ષ 2009 માં તેમને પ્રથમ ફિલ્મ બનાવી. અયાન તે સમયે 26 વર્ષના હતા અને આ ફિલ્મમાં રણબીર કપૂર મુખ્ય અભિનેતા હતા. રણબીર અને અયાન ખૂબ સારા મિત્રો છે. ફિલ્મનું નામ વેક અપ સિડ હતું જેને બોક્સ ઓફિસ અને વિવેચકો તરફથી સારો પ્રતિસાદ મળ્યો હતો. આ ફિલ્મનું નિર્માણ કરણ જોહરે કર્યું હતું. આયાનને આ ફિલ્મ માટે ફિલ્મફેર બેસ્ટ ડિરેક્ટરનો એવોર્ડ મળ્યો.
યે જવાની હૈ દિવાની ધમાલથી મચાવ્યો ધમાકો
આ પછી, વર્ષ 2013 માં, અયાને રોમેન્ટિક કોમેડી ડ્રામા ફિલ્મ યે જવાની હૈ દીવાની કરી. આ ફિલ્મને માત્ર વિવેચકો તરફથી જબરદસ્ત પ્રતિસાદ મળ્યો ન હતો પણ બોક્સ ઓફિસ પર પણ સારો દેખાવ કર્યો હતો. ફિલ્મમાં રણબીર કપૂર, દીપિકા પદુકોણ, આદિત્ય રોય કપૂર અને કલ્કી કોચલીન મુખ્ય ભૂમિકામાં હતા. બ્રેકઅપ બાદ રણબીર અને દીપિકાએ આ ફિલ્મમાં કામ કર્યું હતું, પરંતુ કોઈ કહી શક્યું ન હતું કે બ્રેકઅપ પછી બંનેએ સાથે મળીને આટલું સારું કામ કર્યું છે. આ ફિલ્મમાં બંનેની કેમેસ્ટ્રી ચાહકોને ખૂબ પસંદ આવી હતી.
બ્રહ્માસ્ત્ર લાવી રહ્યા છે
અયાનની નિર્દેશક તરીકે ભલે 2 ફિલ્મો રિલીઝ થઈ હોય, પરંતુ તેમણે આ 2 ફિલ્મો દ્વારા જ પોતાની ખાસ જગ્યા બનાવી છે. હવે તે ફિલ્મ બ્રહ્માસ્ત્રમાં જોવા મળશે. આ ફિલ્મમાં રણબીર કપૂર, આલિયા ભટ્ટ, અમિતાભ બચ્ચન અને મૌની રોય મુખ્ય ભૂમિકામાં છે. ચાહકો લાંબા સમયથી ફિલ્મની રિલીઝની રાહ જોઈ રહ્યા છે. આલિયા અને રણબીર આ ફિલ્મ દ્વારા પહેલીવાર સાથે જોવા મળશે.
રણબીર હોય છે દરેક ફિલ્મમાં
અયાન તેમની દરેક ફિલ્મમાં રણબીર કપૂરને લે છે. તેમની અત્યાર સુધીમાં 2 ફિલ્મો રિલીઝ થઈ છે અને રણબીર કપૂર આગામી ફિલ્મમાં છે. બંને સાથે મળીને ઘણી મસ્તી કરતા રહે છે. એટલું જ નહીં, બંને સુખ -દુ:ખમાં એકબીજાની પડખે ઉભા રહે છે.
આ પણ વાંચો :- ફિલ્મ ‘ઓમ શાંતિ ઓમ’માં ફરાહ ખાને નહીં, તેના બદલે Govindaએ શાહરૂખ ખાનને કર્યા હતા કોરિયોગ્રાફ, જાણો તેની પાછળનું કારણ
આ પણ વાંચો :- Bell Bottomને જોવા માટે બેચેન છે અક્ષય કુમારના ચાહકો, ઝડપથી થઈ રહી છે એડવાન્સ બુકિંગ
