Dhak Dhak Trailer Out : ચાર સામાન્ય મહિલાઓની ખાસ બાઈક ટ્રિપ, શું પૂરી થશે સફર ? જુઓ Video

Dhak Dhak Trailer Out: રત્ના પાઠક શાહ, દિયા મિર્ઝા (Dia Mirza), ફાતિમા સના શેખ (Fatima Sana Shaikh) અને સંજના સાંઘી સ્ટારર ફિલ્મ ‘ધક ધક’નું ટ્રેલર રિલીઝ થઈ ગયું છે. ટ્રેલર ત્રણ મિનિટ અને ચાર સેકન્ડ લાંબુ છે અને આ ચાર મહિલાઓની બાઈક ટ્રીપની સ્ટોરી બતાવવામાં આવી છે. આ મહિલાઓ અલગ અલગ પૃષ્ઠભૂમિ, સમાજ અને ઉંમરની છે, પરંતુ તમામ મહિલાઓનો એક જ શોખ છે, બાઈકિંગ. મોટરસાઈકલ દ્વારા દરેક વ્યક્તિ દિલ્હીથી લેહના ખારદુંગ લા સુધી બાઈક ટ્રિપ કરી રહી છે.

ફિલ્મમાં ચાર મહિલાઓ લીડ રોલમાં છે. ટ્રેલરમાં બતાવવામાં આવ્યું છે કે ફાતિમા સના શેખના પાત્રનું નામ સ્કાય છે અને તે ટ્રાવેલ બ્લોગર છે. રત્ના પાઠક શાહ, જે બાઈકર નાની બની છે અને તેના પાત્રનું નામ માહી છે. માહીને ખારદુંગ લા જવું છે. દુનિયાના સૌથી ઊંચા રસ્તા પર બાઈક ચલાવવી પડશે. આ ફિલ્મમાં દિયા મિર્ઝા મુસ્લિમ મહિલા ઉઝમાના રોલમાં છે.

ચાર સામાન્ય મહિલાઓની ખાસ બાઈક ટ્રિપ

ઉઝમા જુગાડુ મિકેનિક છે અને ચોથી છે સંજના સાંઘી. સંજનાની માતા તેના લગ્ન કરાવી રહી છે. તેના રોલનું નામ મંજરી છે અને તે લગ્ન પહેલા પહેલી વખત એકલી મુસાફરી કરવા નીકળે છે, પરંતુ તે કહ્યા વિના કે તે ફ્લાઈટથી નહીં પણ બાઈક દ્વારા જઈ રહી છે. આ ચાર મહિલાઓ એક સાથે આવે છે અને તેમની ટ્રિપ દિલ્હીથી શરૂ થાય છે.

અહીં જુઓ ફિલ્મનું ટ્રેલર

ક્યારે રિલીઝ થશે ફિલ્મ ધક ધક

ફિલ્મ આ ચાર સામાન્ય મહિલાઓ રત્ના પાઠક શાહ, દિયા મિર્ઝા , ફાતિમા સના શેખ અને સંજના સાંઘી કેવી રીતે ખારદુંગ લા પહોંચે છે અને રસ્તામાં તેમને કઈ કઈ મુશ્કેલીઓનો સામનો કરવો પડે છે તેના વિશે છે. ટ્રેલરમાં તેમની ટ્રિપમાં આવતી મુશ્કેલીઓની ઝલક પણ બતાવવામાં આવી છે. આ ફિલ્મનું નિર્દેશન તરુણ દુડેજાએ કર્યું છે. ફિલ્મના પ્રોડ્યુસર્સમાં એક્ટ્રેસ તાપસી પન્નુનું નામ પણ સામેલ છે. આ ફિલ્મ 13મીએ થિયેટરોમાં રિલીઝ થશે.

આ પણ વાંચો: Israel Hamas War : ઈઝરાયેલ-પેલેસ્ટાઈન યુદ્ધ પર બની છે આ ફિલ્મ અને વેબસિરીઝ

એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો