વિજય દેવરાકોંડાને જોઈને બેકાબૂ થયા ફેન્સ, પટનામાં પણ Liger ની ઈવેન્ટ રદ્દ

વિજય દેવરકોંડા (Vijay Devarakonda) આ દિવસોમાં તેની અપકમિંગ ફિલ્મ લાઈગરને (Liger) લઈને સતત ચર્ચામાં છે. આ દરમિયાન તે લાઈગરના પ્રમોશનમાં બિઝી છે. હાલમાં જ લાઈગરના પ્રમોશન માટે મુંબઈ ગયેલા સાઉથ સુપરસ્ટાર વિજય દેવરકોંડાએ ઈવેન્ટ રદ્દ કરવી પડી હતી. જેનું કારણ હતું તેના ફેન્સની બેકાબૂ ભીડ. મુંબઈ બાદ હવે પ્રમોશન માટે એક્ટર પટના પહોંચી ગયો છે. જ્યાં ફરી એકવાર તેના જબરા ફેન્સની જબરદસ્ત ભીડે તેનું ભવ્ય રીતે સ્વાગત કર્યું. પરંતુ આ વખતે પણ એક્ટરને ઇવેન્ટ છોડી દેવી પડી હતી. હાલમાં જ લાઈગરના પ્રમોશન માટે પટના શહેરમાં પહોંચેલા વિજય દેવરકોંડાને જોઈને તેના ફેન્સ ફરી એકવાર બેકાબૂ જોવા મળ્યા. એક્ટરને જોઈને ભીડ એટલી વધી ગઈ કે લોકોને સંભાળવું મુશ્કેલ થઈ ગયું અને આનું પરિણામ એ આવ્યું કે ફરી એકવાર અભિનેતાને શો શરૂ થતાં જ છોડવું પડ્યું.

અહીં જુઓ વિજય દેવરકોંડાના ફેન ફોલોઈંગની એક ઝલક

ટ્રેડ એનાલિસ્ટ રમેશ બાલાએ કર્યું ટ્વીટ

ફિલ્મ ટ્રેડ એનાલિસ્ટ રમેશ બાલાએ પોતાના ટ્વિટર હેન્ડલ પર વિજય દેવરકોંડાની આ ઇવેન્ટનો એક વીડિયો શેર કર્યો છે. જેમાં તેના ફેન્સ ખૂબ જ એક્સાઈટેડ દેખાઈ રહ્યા છે. તેને કહ્યું કે ફેન્સને મેનેજ કરવા સુરક્ષાકર્મીઓ માટે ખૂબ મુશ્કેલ બની ગયું હતું. જેના કારણે એક્ટરે પોતાની ઈવેન્ટ અધવચ્ચે જ છોડી દેવી પડી હતી.

ઝડપથી વાયરલ થઈ રહ્યો છે વીડિયો

વાયરલ થઈ રહેલા આ વીડિયોમાં એક્ટર વિજય વ્હાઈટ શર્ટમાં ખૂબ જ હેન્ડસમ લાગી રહ્યો છે. ભીડે તેને ચારે બાજુથી ઘેરી લીધો છે. આ સિવાય એક્ટર પણ કહેતો જોવા મળે છે કે અમે તમને બધાને ખૂબ પ્રેમ કરીએ છીએ. એક્ટરની આ સ્ટાઈલ તેના ફેન્સને તેના દિવાના બનાવે છે. આ વીડિયો સોશિયલ મીડિયા પર ઝડપથી વાયરલ થઈ રહ્યો છે.