
મુંબઈ નગરી સપનાઓની નગરી કહેવામાં આવે છે. અહી આવ્યા બાદ લોકો પોતાની મહેનતથી ફિલ્મ ઈન્ડસ્ટ્રીમાં મોટું નામ પણ કમાય ચૂક્યા છે. ત્યારે મુંબઈના વરસાદથી સ્ટાર પણ ઝપેટમાં આવી જાય છે. છેલ્લા કેટલાક દિવસથી મુંબઈમાં ભારે વરસાદ પડી રહ્યા છે. અનેક વિસ્તારોમાં પાણી ભરાયા છે. તો કેટલીક જગ્યાએ ટ્રાફિક જામ જોવા મળ્યો છે. લોકોની નજરમાં મુંબઈ એટલે એક લક્ઝરી લાઈફ છે. પરંતુ આ વરસાદે એક અભિનેતાના એવા હાલ કર્યા છે. તેમણે પોતાનો વીડિયો સોશિયલ મીડિયા પર શેર કર્યો છે.
મુંબઈના એક અભિનેતાએ ભારે વરસાદ દરમિયાન ઘણા રહેવાસીઓને થતી સામાન્ય સમસ્યાઓ પર પ્રકાશ પાડતો એક વીડિયો શેર કર્યો છે. ક્લિપમાં, તે તેની બીલ્ડિંગના અનેક માળ પર ચઢતો જોવા મળે છે કારણ કે લિફ્ટ કામ કરતી બંધ થઈ ગઈ છે. અભિનેતા, મોહિત હિરાનંદાની, દાવો કરે છે કે લક્ઝરી તરીકે માર્કેટિંગ કરાયેલી ઇમારતોમાં પણ, રહેવાસીઓને વરસાદ દરમિયાન લિફ્ટ તૂટી જવા જેવી રોજિંદા સમસ્યાઓનો સામનો કરવો પડે છે. તેમણે એ પણ જણાવ્યું કે, લાખોનું ભાડું ચૂકવવા છતાં આવું થઈ રહ્યું છે.
ભારે વરસાદના કારણે તેના બીલ્ડિંગની પાંચ લિફ્ટ ખરાબ થઈ હતી. ત્યારે આખા દિવસના થાક પછી જ્યારે ઘરે પહોંચ્યો તો 30 માળની સીડી ચઢવી પડી હતી. વીડિયોમાં મોંઘા ભાડા અને ખરાબ સુવિધા વિશે કહી રહ્યો છે. તે કહે છે કે, 30 માળ ચઢવા જાણે ટ્રેકિંગ કરતો હોય તેવું લાગે છે. 30 માળ ચઢીને પણ તેની મુશ્કેલી પુરી નોહતી થઈ. ઘરે પહોંચ્યો તો પાણી આવતું ન હતુ. કહ્યુ- વાહ મુંબઈ લાઈફ…
આ વીડિયો વાયરલ થયા બાદ લોકો કોમેન્ટ કરી રહ્યા છે. આ કારણે મુંબઈમાં લક્ઝરી બિલ્ડિંગ માત્ર બ્રોશરમાં લક્ઝરી હોય છે. આ તો મુંબઈની રિયાલિટી છે. આખો દિવસ ઓફિસે કામ કર્યા બાદ ઘરે આવવું અને તેમાં 30 માળની સીડી ચઢવી એક સજા જેવું લાગે છે. આ ઘર વાપસી નહી સજા છે.