Birthday Special : જ્હોન અબ્રાહમ મૉડલિંગ પહેલા કરતા હતા આ કામ, આજે છે બોલીવૂડના સુપર સ્ટાર

જોન અબ્રાહમે ઇન્વેસ્ટમેન્ટ બેન્કર અને NRI પ્રિયા રુચલ સાથે લગ્ન કર્યા છે. તેણે પોતાની પત્ની વિશે એક ઈન્ટરવ્યુમાં કહ્યું હતું કે પ્રિયા એક ઈન્વેસ્ટમેન્ટ બેન્કર છે. પ્રિયાએ લંડન બિઝનેસ સ્કૂલમાં અભ્યાસ કર્યો છે અને તે લોસ એન્જલસમાં રહે છે.

Happy Birthday John Abraham

TV9 Gujarati | Edited By: Bhavyata Gadkari | Updated on: Dec 17, 2021 | 7:46 AM

આજે બોલિવૂડ એક્ટર જોન અબ્રાહમનો (John Abraham) જન્મદિવસ છે. અભિનેતા જોન અબ્રાહમનો જન્મ 17 ડિસેમ્બર 1972ના રોજ કેરળમાં થયો હતો. તેમની માતા પારસી અને પિતા મલયાલી હતા. અભિનેતાનું પારસી નામ ફરહાન હતું પરંતુ પાછળથી તેના પિતાએ તેને ફિલ્મો માટે જ્હોન નામ આપ્યું હતું. અભિનેતાએ તેની કારકિર્દીની શરૂઆત મોડલિંગથી કરી હતી. સોશિયલ મીડિયા પર જ્હોન અબ્રાહમનું સારું ફેન ફોલોઈંગ છે. ભારતમાં જ નહીં વિદેશમાં પણ તેના ચાહકો છે.

જ્હોન આજે 48 વર્ષનો છે. બહુ ઓછા લોકો જાણે છે કે મોડલિંગ દરમિયાન પૈસાની અછતને કારણે તેણે થોડા દિવસો માટે મીડિયા પ્લાનર તરીકે પણ કામ કર્યું છે. અભિનેતા ઘણા મ્યુઝિક વીડિયોમાં જોવા મળ્યો છે. તેણે 2003માં ‘જિસ્મ’થી ડેબ્યૂ કર્યું હતું. આ ફિલ્મમાં તેની સાથે બિપાશા બાશુ લીડ રોલમાં હતી. આ પછી તે ‘સાયા’ અને ‘પાપ’ જેવી ફિલ્મોમાં જોવા મળ્યો છે. 2004માં આવેલી એક્શન ફિલ્મ ‘ધૂમ’થી તેના કરિયરને ઓળખ મળી હતી. આ ફિલ્મમાં તેણે વિલનનો રોલ કર્યો હતો. આ પછી તેણે ગરમ મસાલા, દોસ્તાના, વેલકમ બેક, ફોર્સ-2, પરમાણુ, સત્યમેવ જયતે સહિત ઘણી ફિલ્મોમાં કામ કર્યું છે.

જોન અબ્રાહમે ઇન્વેસ્ટમેન્ટ બેન્કર અને NRI પ્રિયા રુચલ સાથે લગ્ન કર્યા છે. તેણે પોતાની પત્ની વિશે એક ઈન્ટરવ્યુમાં કહ્યું હતું કે પ્રિયા એક ઈન્વેસ્ટમેન્ટ બેન્કર છે અને તેને પેપરાઝીની ચિંતા નથી. બંને સંપૂર્ણપણે ખાનગી વ્યક્તિઓ છે. પ્રિયાએ લંડન બિઝનેસ સ્કૂલમાં અભ્યાસ કર્યો છે અને તે લોસ એન્જલસમાં રહે છે. તે ખૂબ જ શાંત છે, મને તેની આદત ગમે છે.

જ્હોન અબ્રાહમને બાઇકનો ખૂબ જ શોખ છે. તેની પાસે લાખો રૂપિયાની સારી બાઇક છે. તેમાં BMW, Honda CBR, Aprilia, Yamaha સામેલ છે. MV Agusta અને Ducati જેવી કંપનીઓની બાઈક છે. જ્હોન 48 વર્ષની ઉંમરે પણ ફિટનેસ ફ્રીક છે, તે કોઈપણ પ્રકારનું ધુમ્રપાન અને આલ્કોહોલનું સેવન કરતો નથી અને ન તો કોઈ પાર્ટીનો ભાગ છે. અભિનેતા પ્રાણી પ્રેમી છે અને વિવિધ સામાજિક મુદ્દાઓ માટે કામ કરે છે.

આ પણ વાંચો –