‘KKR’માં આર્યન-સુહાનાએ લીધી નવી જવાબદારી, શાહરૂખની ગેરહાજરીમાં ટીમને ચીયર કરી રહેલા ફોટો થયા વાઈરલ
ગયા વર્ષે ઑક્ટોબરમાં ડ્રગના કેસમાં પકડાયા બાદ આર્યન ખાન IPL 2022ની હરાજીમાં પ્રથમ વખત જોવા મળ્યો હતો. તેણે એક મહિનો જેલમાં વિતાવ્યો હતો અને બાદમાં તેને જામીન પર છોડવામાં આવ્યો હતો.
શાહરૂખ ખાન (Shahrukh Khan) આ દિવસોમાં પોતાની ફિલ્મ ‘પઠાણ’ના શૂટિંગમાં વ્યસ્ત છે. આવી સ્થિતિમાં, મુંબઈમાં 1 એપ્રિલે આયોજિત તેની IPL ટીમ ‘કોલકાતા નાઈટ રાઈડર્સ’ (Kolkata Knight Riders) અને ‘પંજાબ કિંગ્સ ઈલેવન’ (Punjab Kings 11) વચ્ચેની મેચ દરમિયાન, તેના મોટા પુત્ર આર્યન ખાન અને પુત્રી સુહાના ખાન ટીમને પ્રોત્સાહન આપવા આવ્યા હતા. સુહાના ખાને તેની ઈન્સ્ટા સ્ટોરી પર આ મેચની કેટલીક ઝલક શેયર કરી છે. જ્યારે આર્યન વિજયની ઉજવણી કરીને પરત ફરી રહ્યો હતો, ત્યારે ચાહકોના ટોળાએ તેને ઘેરી લીધો હતો. જે તેની એક ઝલક જોવા માટે બેતાબ દેખાતા હતા.
આર્યન માટે ભીડ બની ગઈ બેકાબૂ
અત્યાર સુધી આઈપીએલની ઘણી મેચોમાં કોલકાતા નાઈટ રાઈડર્સના માલિક શાહરૂખ ખાન પોતાની ટીમને પ્રોત્સાહિત કરતા રહ્યા છે, પરંતુ હવે લાગે છે કે તેના બાળકોએ આ જવાબદારી લીધી છે. KKR અને પંજાબ કિંગ્સ ઈલેવનની તાજેતરની મેચ દરમિયાન તેના ત્રણેય બાળકો આર્યન ખાન, સુહાના ખાન અને અબરામ ચર્ચામાં રહ્યા હતા. તેમની ટીમે 6 વિકેટે મેચ જીતી લીધી હતી. જે બાદ સુહાના અને અબરામ ખૂબ જ ખુશ દેખાતા હતા. આ સાથે જ આર્યન ખાનનો એક વીડિયો સામે આવ્યો છે. જેમાં જ્યારે આર્યનની કાર મેચ ગ્રાઉન્ડની બહાર આવી ત્યારે મોટી સંખ્યામાં લોકો એકઠા થઈ ગયા હતા. ચાહકો પોતાનો પ્રેમ વ્યક્ત કરવા માટે આર્યનના નામ સાથે જોર જોરથી બૂમો પાડી રહ્યા હતા. તેના ચાહકોની દિવાનગી જોઈને આર્યન હળવાશથી હસતો જોવા મળ્યો હતો.
આર્યન અને સુહાના હજુ સિલ્વર સ્ક્રીન પર નથી આવ્યા, પરંતુ તેમની ફેન ફોલોઈંગ ખૂબ જ ઝડપથી વધી રહી છે. સુહાના ખાન અને આર્યન આ મેચમાં ચર્ચામાં રહ્યા હતા. આનાથી સ્પષ્ટ થઈ ગયું છે કે, કિંગ ખાનના બાળકો હવે તેના પગ પર છે. એવું ભાગ્યે જ જોવા મળે છે કે એક્ટિંગમાં પ્રવેશતા પહેલા સ્ટાર કિડ્સની મોટી ફેન ફોલોઈંગ હોય. આઈપીએલની આ સિઝનમાં આ પહેલીવાર નથી જ્યારે આર્યન મેચમાં હાજર રહ્યો હોય. તાજેતરમાં, ‘કોલકાતા નાઈટ રાઈડર્સ’ અને ‘ચેન્નઈ સુપર કિંગ્સ’ વચ્ચેની આ મેચ દરમિયાન, આર્યન પણ ખેલાડીઓને પ્રોત્સાહિત કરતો જોવા મળ્યો હતો. ક્રિકેટ ગ્રાઉન્ડ પરથી આર્યન ખાનની તસવીરો ઈન્ટરનેટ પર છવાઈ ગઈ હતી. સોશિયલ મીડિયા પર ઘણા દાવા કરવામાં આવ્યા હતા કે, તે બોલિવૂડનો આગામી સુપરસ્ટાર હશે.
IPL ઓક્શનમાં પહોંચી હતી ભાઈ-બહેનની જોડી
સુહાના અને આર્યન માત્ર મેચમાં જ નહીં પરંતુ IPL ઓક્શન 2022ના અવસર પર પણ તેમના પિતા શાહરૂખ ખાનનું પ્રતિનિધિત્વ કરવા આવ્યા હતા. સુહાના અને આર્યનની ઘણી તસવીરો સોશિયલ મીડિયા પર સામે આવી છે.
ગયા વર્ષે ઑક્ટોબરમાં ડ્રગના કેસમાં પકડાયા બાદ આર્યન ખાન IPL 2022ની હરાજીમાં પ્રથમ વખત જોવા મળ્યો હતો. તેણે એક મહિનો જેલમાં વિતાવ્યો હતો અને બાદમાં તેને જામીન પર છોડવામાં આવ્યો હતો.
આ પણ વાંચો: Knowedge: ક્યારેય વિચાર્યું છે કે કોઈ પણ વસ્તુ પર ચોંટેલો ગુંદર બોટલની અંદર ચોંટતો કેમ નથી? જાણો તેનું કારણ