Anant Radhika Haldi ceremony : સ્ટાર્સ પર ચડ્યો અનંત અને રાધિકાની પીઠીનો રંગ, પગથી લઈને માથા સુધી થયા પીળા-પીળા, જુઓ વીડિયો
Anant Radhika Haldi ceremony : અનંત અંબાણી-રાધિકા મર્ચન્ટની હલ્દીની ઉજવણી ભવ્ય હતી. અનંત અને રાધિકાની હલ્દી સેરેમનીમાં પણ સ્ટાર્સ જોવા મળ્યા હતા. ઘણા સ્ટાર્સ પીઠીમાં સ્નાન કરતા જોવા મળ્યા હતા. તેની ઝલક સોશિયલ મીડિયા પર જોવા મળી રહી છે.
Anant Radhika Haldi ceremony : અંબાણી પરિવારના દરેક સભ્ય અનંત-રાધિકાની મેગા ઈવેન્ટને ભવ્ય બનાવવામાં વ્યસ્ત છે. છેલ્લા ઘણા મહિનાઓથી લગ્નના કાર્યક્રમો ચાલી રહ્યા છે. લગ્નની વિધિ મામેરુથી શરૂ થઈ હતી અને ત્યારબાદ સંગીત અને હલ્દી સમારોહ યોજાયો હતો. સોમવારે જ હલ્દી સેરેમનીનું આયોજન કરવામાં આવ્યું હતું, જેમાં બોલિવૂડ સ્ટાર્સ જોવા મળ્યા હતા.
સોશિયલ મીડિયા પર યુઝર્સ કમેન્ટ્સ કરી રહ્યા
જ્હાન્વી કપૂર, સારા અલી ખાન, અનન્યા પાંડે, સલમાન ખાન, રણવીર સિંહ જેવા ઘણા સ્ટાર્સે આ ઇવેન્ટમાં હાજરી આપી અને તેને ખાસ બનાવી. હલ્દી સેરેમનીમાં બધા જ પીળા રંગમાં રંગાયેલા જોવા મળ્યા હતા. આ સ્ટાર્સે માત્ર પીળા આઉટફિટ જ નહીં પહેર્યા પરંતુ પીઠીમાં નહાતા પણ જોવા મળ્યા. ઝલક પણ સામે આવી છે અને સોશિયલ મીડિયા પર યુઝર્સ કમેન્ટ્સ કરી રહ્યા છે.
રણવીર સિંહ અને સલમાને લગાવી પીઠી
જે વીડિયો સામે આવ્યો છે તેમાં તમે જોઈ શકો છો કે રણવીર સિંહ માથાથી પગ સુધી પીળા રંગમાં રંગાયેલો જોવા મળે છે. તે આખે આખો પીઠીથી નહાતો જોવા મળ્યો હતો. તેનો ચહેરો પણ પીળો થઈ ગયો છે. તે એન્ટિલિયાની બહાર ઇવેન્ટમાંથી બહાર નીકળતો જોઈ શકાય છે.
તમને જણાવી દઈએ કે, અંબાણી આવાસ એન્ટિલિયામાં જ આ ગ્રાન્ડ પીઠી ઈવેન્ટનું આયોજન કરવામાં આવ્યું હતું. સલમાન ખાન પણ પીઠીની વિધિ બાદ પોશાક બદલાયેલો જોવા મળ્યો હતો. સલમાન ખાન બ્લેક કુર્તામાં પહોંચ્યો હતો અને જ્યારે તે ત્યાંથી પાછો ફર્યો ત્યારે તે પીળા કુર્તામાં જોવા મળ્યો હતો. તે ભીનો પણ દેખાતો હતો.
અહીં વીડિયો જુઓ……..
અનિલ અને ટીના અંબાણી પણ પીઠીના રંગમાં રંગાયા
આ સિવાય અંબાણી પરિવારના સભ્યો પણ હળદરના પીળા રંગમાં રંગાયેલા જોવા મળ્યા હતા. મુકેશ અંબાણીના નાના ભાઈ અનિલ અંબાણી અને તેમની પત્ની ટીના અંબાણી પણ એન્ટિલિયાની બહાર જતા જોવા મળ્યા હતા. તેઓ પીળા રંગમાં રંગાયેલા જોવા મળ્યા હતા. અનિલ કપૂર સફેદ કુર્તા-પાયજામામાં હતો, તેના ચહેરા અને કપડાં પર પીઠી સ્પષ્ટ દેખાઈ રહી હતી. ટીના અંબાણી પણ પીળા રંગના આઉટફિટમાં હતી અને તેના ચહેરા પર ઘણી પીઠી લગાવેલી હતી. તેણે પાપારાઝી માટે પોઝ પણ આપ્યો હતો.
અહીં વીડિયો જુઓ………………
લગ્ન પ્રસંગ ખાસ રહેશે
તમને જણાવી દઈએ કે અનંત અંબાણી અને રાધિકા મર્ચન્ટના લગ્ન 12મી જુલાઈ 2024ના રોજ મુંબઈના Jio વર્લ્ડ કન્વેન્શન સેન્ટરમાં થશે. લગ્નનો કાર્યક્રમ ત્રણ દિવસ સુધી ચાલશે. સાત ફેરા બાદ પણ 13 જુલાઈ અને 14 જુલાઈએ લગ્નની ઘણી વિધિઓ રાખવામાં આવી છે. આ ઈવેન્ટમાં બોલિવૂડથી લઈને હોલીવુડના સ્ટાર્સ ઉપરાંત દેશ અને દુનિયાના ઘણા પ્રખ્યાત લોકો પણ ભાગ લેશે. જેની ઝલક સોશિયલ મીડિયા પર લાંબા સમય સુધી જોવા મળશે.