RRR Song Natu Natu Nominated For Oscar 2023: એસએસ રાજામૌલીની ફિલ્મ ઘણી કેટેગરીમાં ઓસ્કાર 2023 માટે મોકલવામાં આવી હતી. આ ફિલ્મનું ગીત ‘નાટુ-નાટુ’ ઓરિજિનલ સોન્ગ કેટેગરીના નોમિનેશનમાં સ્થાન મેળવ્યું છે. ઓરિજિનલ સોન્ગની કેટેગરી માટે પાંચ ગીતો નોમિનેટ કરવામાં આવ્યા છે, જેમાંથી એક આરઆરઆરનું નાટુ-નાટુ સોન્ગ છે. તે નિર્દેશક એસએસ રાજામૌલી, રામ ચરણ, જુનિયર એનટીઆર, સંગીત નિર્દેશક એમએમ કીરવાની અને ગીતકાર ચંદ્રબોઝ માટે ઉજવણીનો સમય છે. અત્યંત દમદાર અને ફૂટ-ટેપીંગ ગીત રાહુલ સિપલીગંજ અને કાલા ભૈરવ દ્વારા ગવાયું હતું અને આજે તે ગ્લોબલી હિટ થયું છે. આ પહેલા આ ગીતે ગોલ્ડન ગ્લોબ એવોર્ડ્સમાં પણ બેસ્ટ ઓરિજિનલ સોન્ગ કેટેગરીમાં એવોર્ડ જીતનાર પ્રથમ ભારતીય ગીત હતું.
ફેમસ ડાયરેક્ટર એસએસ રાજામૌલી દ્વારા નિર્દેશિત આરઆરઆર વર્ષ 2022ની સૌથી મોટી બ્લોકબસ્ટર ફિલ્મોમાંથી એક છે. આ ફિલ્મમાં સાઉથના સુપરસ્ટાર રામ ચરણ, જુનિયર એનટીઆર લીડ રોલમાં જોવા મળ્યા હતા. આ બંને સિવાય બોલિવૂડ એક્ટર અજય દેવગન અને એક્ટ્રેસ આલિયા ભટ્ટ પણ આ ફિલ્મનો ભાગ હતા. આ ફિલ્મને માત્ર ભારતમાં જ નહીં પરંતુ દુનિયાભરમાં ઘણો પ્રેમ મળ્યો. ફિલ્મની સ્ટોરીની સાથે તેમાં બતાવવામાં આવેલ વીએફએક્સ પણ લોકોને પસંદ આવ્યું અને આરઆરઆર એ દર્શકોના દિલ જીતી લીધા.
આ પણ વાંચો : 95th Oscar : ઓસ્કાર 2023 આજે થશે નોમિનેશન, ક્યારે અને ક્યાં જોઈ શકાશે, કંઈ ફિલ્મનો છે સમાવેશ
આરઆરઆર 24 માર્ચ 2022એ રીલિઝ થઈ હતી. રીલિઝ થયા બાદ આ ફિલ્મે માત્ર ઈન્ડિયન બોક્સ ઓફિસ પર જ નહીં પરંતુ દુનિયાભરમાં પણ ઘણી કમાણી કરી હતી. રિપોર્ટ્સ મુજબ એસએસ રાજામૌલીની આ ફિલ્મે દુનિયાભરમાં 1200 કરોડથી વધુની કમાણી કરી લીધી છે.
True story – your Documentary Feature nominees are… #Oscars #Oscars95 pic.twitter.com/NHf86Hskqw
— The Academy (@TheAcademy) January 24, 2023
આ સિવાય ઓસ્કાર માટે શોર્ટલિસ્ટ કરાયેલી ભારતીય ફિલ્મોમાં એસએસ રાજામૌલીની આરઆરઆર, ગુજરાતી ફિલ્મ છેલ્લો શો, ઓલ ધેટ બ્રેથ્સ અને ધ એલિફન્ટ વ્હીસ્પર્સનો સમાવેશ થાય છે. ભારતીય ડોક્યુમેન્ટરી ફિલ્મ ઓલ ધેટ બ્રેથ્સને બેસ્ટ ડોક્યુમેન્ટરી ફીચર ફિલ્મ માટે નોમિનેશનમાં સ્થાન મળ્યું છે. શૌનક સેન દ્વારા નિર્દેશિત આ ફિલ્મ દિલ્હીમાં જન્મેલા બે ભાઈઓની વાર્તા પર આધારિત છે. ધ એલિફન્ટ વ્હીસ્પર્સ એક શોર્ટ ફિલ્મ છે, જેને બેસ્ટ ડોક્યુમેન્ટરી શોર્ટ ફિલ્મની કેટેગરીમાં નોમિનેટ કરવામાં આવી છે.
Published On - 8:00 pm, Tue, 24 January 23