બોલિવૂડ અભિનેતા રણવીર સિંહે ડીપફેક વીડિયો કેસ મામલે FIR નોંધાવી, વીડિયોથી થઈ હતી બબાલ

ટેકનોલોજીના જમાનામાં વ્યક્તિ આગળ જઈ રહ્યો છે તેની સાથે અનેક સમસ્યાઓનો પણ સામનો કરવો પડે છે. સાથે આ એક ખતરનાક વાત પણ કહી શકાય છે, આના પર જલ્દી નિયત્રંણ લાવવું જરુરી છે. કેટરીના કૈફથી લઈ રશ્મિકા મંદાના સુધી ડીપફેકનો વીડિયો વાયરલ થઈ ચુક્યો છે. આ વાતને લઈ ખુદ વડાપ્રધાન નરેન્દ્ર મોદી પણ ચિંતા કરી ચુક્યા છે. હાલમાં ચૂંટણીના માહોલ વચ્ચે બોલિવુડ અભિનેતા રણવીર સિંહનો એક વીડિયો વાયરલ થયો છે જેમાં તે એક પાર્ટીનો પ્રચાર કરતો જોવા મળી રહ્યો છે, પરંતુ આ એક ડિપફેક વીડિયો છે. હવે રણવીરે આ ફેક વીડિયો વિરુદ્ધ એક્શન લીધો છે.

રણવીર સિંહે આ ડીપફેક વીડિયો વિરુદ્ધ એક્શન લેતા ફરિયાદ દાખલ કરી છે. રણવીર સિંહના આ ડીપફેક વીડિયો પર પોલીસ ફરિયાદ દાખલ કરવામાં આવી છે અને હવે સાયબર ક્રાઈમ સેલ આ મામલાની તપાસ કરશે.

અભિનેતાએ સૌને એક સંદેશ પણ આપ્યો છે

તમને જણાવી દઈએ કે, ડીપફેક વીડિયો વાયરલ થયા બાદ રણવીર સિંહે ચાહકોને આ ડીપફેક વીડિયો વિશે ચેતવણી આપી છે. તેમણે સોશિયલ મીડિયા પર એક પોસ્ટ શેર કરી કહ્યું ડીપફેકથી બચો મિત્રો,

તમને જણાવી દઈએ કે, છેલ્લા કેટલાક દિવસથી ડીપફેકના અનેક વીડિયો સામે આવી ચૂક્યા છે. જેમાં આ પહેલા બોલિવુડ સુપરસ્ટાર આમિર ખાનનો પણ એક વીડિયો સામે આવ્યો હતો. જેમાં તે એક પોલિટિક્લ પાર્ટીનો પ્રચાર કરતો જોવા મળી રહ્યો છે. આ મામલે ફરીયાદ પણ નોંધવામાં આવી હતી.

આ પણ વાંચો : બોલિવૂડ સ્ટાર્સ માત્ર લગ્ન જ નહીં, કોઈના અંતિમ સંસ્કાર માટે પણ લે છે પૈસા, જુઓ વીડિયો

એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો