બિગ બોસ ઓટીટી (Bigg Boss Ott) બાદ હવે બિગ બોસ 15 (Bigg Boss 15) દર્શકોના મનોરંજન માટે આવી રહ્યું છે. શોમાં ભાગ લેવા માટે ઘણા સેલેબ્સના નામ બહાર આવી રહ્યા છે. દરમિયાન, પુષ્ટિ થયેલ સ્પર્ધકનું નામ પણ સામે આવ્યું છે અને તે છે ગાયક અકાસા સિંહ (Akasa Singh).અકાસા ખૂબ સારી ગાયક છે. જણાવી દઈએ કે અકાસાએ અગાઉ ઈન્ડિયાઝ રો સ્ટાર નામના મ્યુઝિક રિયાલિટી શોમાં ભાગ લીધો છે.
અકાસાના મેન્ટર શોમાં હિમેશ રેશમિયા હતા. હિમેશે અકાસાને વચન આપ્યું હતું કે તે તેને ફિલ્મમાં ગાવાની તક આપશે અને પોતાનું વચન પૂરું કરીને હિમેશે અકાસાને સનમ તેરી કસમ ફિલ્મમાં ગાવાની તક આપી હતી. ગાયકે ફિલ્મમાં ‘ખીંચ મેરી ફોટો’ ગીત ગાયું હતું જે ખૂબ હિટ રહ્યું હતું. આ સિવાય અકાસાએ ઘણા ગીતો ગાયા છે. આસ્થા ગીલ સાથેનું તેમનું ગીત નાગિન પણ ખૂબ જ લોકપ્રિય હતું.
જો કે આ અંગે અકાસાની તરફથી હજુ સુધી કોઈ પુષ્ટિ થયેલ નિવેદન નથી આવ્યું. ચાહકો પણ ગાયકની પુષ્ટિની રાહ જોઈ રહ્યા છે. આમ તો તે સ્પષ્ટ છે કે જો અકાસા શો પર આવશે તો તે ઘણી ધમાલ કરશે.
બિગ બોસ 15 માટે બાકીના સ્પર્ધકોના નામ સામે આવ્યા છે, તેમાં કરણ કુન્દ્રા (Karan Kundra), તેજસ્વી પ્રકાશ (Tejasswi Prakash), શો હર મુશ્કિલ કા હલ બીરબલ ફેમ અભિનેતા વિશાલ કોટિયાન (Vishal Kotiyan) , સિમ્બા નાગપાલ (શક્તિ: અસ્તિત્વ કે અહેસાસ કીનાં મેલ લીડ), ડોનલ બિષ્ટ (Donal Bisht) અને પંજાબી પ્લેબેક સિંગર અફસાના ખાન (Afsana Khan).
અમિત ટંડનનું નામ પણ સામે આવી રહ્યું છે. એવું કહેવામાં આવી રહ્યું છે કે મેકર્સ અમિત સાથે વાતચીત કરી રહ્યા છે. દિવ્યા અગ્રવાલ જે બિગ બોસ ઓટીટીની વિજેતા રહી છે. તેનું નામ પણ શો માટે આવી રહ્યું છે. જોકે, જ્યારે દિવ્યાને આ વિશે પૂછવામાં આવ્યું ત્યારે તેમણે કહ્યું ‘મને હજી સુધી શો માટે કોલ આવ્યો નથી. હું વિનિંગ મૂડમાં છું, તેથી જો મને શોમાંથી ઓફર મળે તો હું ચોક્કસપણે તેનો ભાગ બનીશ. જોકે મને સલમાન ખાન સરથી ડર લાગે છે, પરંતુ તેમ છતાં હું આ શો કરવા માંગુ છું.
દિવ્યા ઉપરાંત બિગ બોસ ઓટીટીના સ્પર્ધક પ્રતિક સહજપાલનું નામ પણ સામે આવી રહ્યું છે. તમને જણાવી દઈએ કે પ્રતિક બિગ બોસ ઓટીટીના અંતિમ તબક્કામાં બ્રીફકેસ લઈને બહાર આવ્યા હતા. બિગ બોસ 13ના રનર-અપ અસીમ રિયાઝના ભાઈ ઉમર રિયાઝને પણ મેકર્સે સંપર્ક કર્યો છે.
તે શોમાં દેખાવા માટે પણ તૈયાર છે. જો અહેવાલો પર વિશ્વાસ કરવામાં આવે તો ઉમર અત્યારે ક્વોરન્ટાઈનમાં છે, જેથી તે બિગ બોસના ઘરમાં જઈ શકે. યે રિશ્તા ક્યા કહેલાતા હૈ અભિનેતા મોહસીન ખાનનું નામ પણ સામે આવી રહ્યું હતું, પરંતુ અભિનેતાએ સોશિયલ મીડિયા પર આ અહેવાલોને નકારી કાઢ્યા હતા.
આ પણ વાંચો :- Raj Kundra હવે કોર્ટના આદેશ વગર નહીં છોડી શકે દેશ, સરનામું બદલવાની પણ આપવી પડશે માહિતી
આ પણ વાંચો :- TMKOC Photos: ગણપતિજીની સામે સ્વાતંત્ર્ય સેનાનીઓને યાદ કરશે જેઠાલાલ અને ગોકુલધામ વાસીઓ