Bigg Boss 15: જલ્દી શરુ થશે સલમાન ખાનનું બિગ બોસ 15, ઓક્ટોબરની આ તારીખથી થવાનું છે પ્રીમિયર

બિગ બોસ (Bigg Boss)ના ચાહકોની રાહ હવે પૂરી થઈ છે. સલમાન ખાન (Salman Khan)નું બિગ બોસ 15 (Bigg Boss 15) 2 ઓક્ટોબરથી કલર્સ ટીવી (Colors Tv) પર શરૂ થવા જઈ રહ્યું છે.

દેશના સૌથી મોટા રિયલિટી શોમાં બિગ બોસ ઓટીટી વિજેતા દિવ્યા અગ્રવાલ (Divya Agarwal), પ્રતિક સહજપાલ (Pratik Sehajpal) સાથે મનોરંજન ઉદ્યોગના ઘણા જાણીતા કલાકારોને દેશના સૌથી મોટા રિયાલિટી શોમાં જોડાવાની તક મળશે. કલર્સ ટીવી દ્વારા શેર કરવામાં આવેલા પ્રોમોમાં આપણે શોની પ્રસારણ તારીખ જોઈ શકીએ છીએ. સલમાન ખાનના ચાહકો 2 ઓક્ટોબરને લઈને ખૂબ જ ઉત્સાહિત છે.

બિગ બોસ પ્રોમો સાથે કેપ્શન આપવામાં આવ્યું છે, “દરેક સીઝનમાં એક નવું ટ્વિસ્ટ છે! બિગબોસની આ સીઝન પણ લઈને આવશે સ્પર્ધકો માટે નવી-નવી સમસ્યાઓ. સફર હશે તેમનું પણ એન્ટરટેઈનમેન્ટ આપણું. તમે શું રેડી છો તમે, #BB15ની પ્રિમિયર નાઈટ માટે? ટ્યુન ઇન 2 અક્ટોબર રાત્રે 9:30 વાગ્યે માત્ર #કલર્સ પર. બિગ બોસ ઓટીટીના પ્રતિયોગી બીબી 15માં પ્રવેશ કરવાના છે. આ શોનું પ્રીમિયર 2 અક્ટોબરનાં થવા જઈ રહ્યું છે. ”

ખત્મ થઈ ગયું બિગ બોસ ઓટીટીનું સફર

કરણ જોહર દ્વારા હોસ્ટ બિગ બોસ ઓટીટી સમાપ્ત થયું છે. શોના ટોચના 5 ફાઈનાલિસ્ટ શમિતા શેટ્ટી, દિવ્યા અગ્રવાલ, નિશાંત ભટ, પ્રતીક સહજપાલ અને રાકેશ બાપટ ટ્રોફી માટે લડી રહ્યા હતા. જોકે દિવ્યાએ તેના સાથી સ્પર્ધકોને હરાવીને શો જીતી લીધો હતો. BB OTT વિજેતાને 25 લાખ રૂપિયાનું રોકડ ઈનામ અને એક ભવ્ય ટ્રોફી ઘરે લઈને જવાની મોકો મળ્યો છે.

લોકોએ કર્યો દિવ્યાને સપોર્ટ

ત્રણ અખબારો દ્વારા હાથ ધરવામાં આવેલા સરવે એટલે કે ઓડિયન્સ પોલ મુજબ દિવ્યા અગ્રવાલને બિગ બોસ ઓટીટી સીઝન 1ની વિજેતા માનવામાં આવી હતી. એક પોલમાં દિવ્યાને સૌથી વધુ (50.81%) મત મળ્યા છે, ત્યારબાદ પ્રતીક સહજપાલને 21.61% મત મળ્યા છે.

એક અંગ્રેજી અખબાર અનુસાર દિવ્યા અગ્રવાલને આ શો જીતવાની સૌથી વધુ શક્યતા હોવાનું કહેવાયું હતું. બિગ બોસ ઓટીટી ગ્રાન્ડ ફિનાલે પહેલા, ફાઈનાલિસ્ટ દિવ્યા અગ્રવાલના બોયફ્રેન્ડ વરુણ સૂદે અભિનેત્રીને સોશિયલ મીડિયા પર વોટની અપીલ કરી હતી.

બોયફ્રેન્ડે કર્યો દિવ્યાને સપોર્ટ

વરુણે દિવ્યાના ચાહકો સાથે ટ્વીટર પર ટ્રેન્ડ એક્ટિવિટીમાં ભાગ લીધો હતો. આ ટ્રેન્ડમાં બધાએ લખ્યું, “ડિઝર્વિંગ વિનર દિવ્યા.” એટલું જ નહીં, દિવ્યાના બોયફ્રેન્ડ વરુણ સૂદ ફેમિલી વીક દરમિયાન દિવ્યાને મળવા માટે બિગ બોસ ઓટીટીના ઘરે ગયો હતો. તેને જોઈને દિવ્યા ખૂબ જ ભાવુક થઈ ગઈ હતી.

આ પણ વાંચો :- Tiger 3 : શું ઇમરાન હાશ્મી સલમાનને હરાવવા માટે તૈયાર છે ? જીમમાં ઇમરાનનો દેખાયો ફિટ અવતાર

આ પણ વાંચો :- New OTT Release : આ ઓટીટી પર રિલીઝ થશે રાજકુમાર રાવ-ક્રિતી સેનનની ફિલ્મ હમ દો-હમારે દો