Amitabh Bachchan : મુંબઈના વરસાદે સેલેબ્સને પણ ન છોડ્યા, અમિતાભ બચ્ચનના જુહુ સ્થિત બંગલાની અંદર ઘુસ્યુ પાણી ! જુઓ Video
મુંબઈમાં સતત ભારે વરસાદથી અભિનેતા અમિતાભ બચ્ચનના ઘર પર પણ અસર પડી છે. સતત વરસાદને કારણે અમિતાભ બચ્ચનના જુહુ સ્થિત બંગલા જનકની અંદર અને આસપાસ પાણી ભરાઈ ગયું છે. આ વીડિયો સોશિયલ મીડિયા પર ઝડપથી વાયરલ થઈ રહ્યો છે.
મુંબઈમાં સતત વરસાદને કારણે ફરી એકવાર સામાન્ય જનજીવન ખોરવાઈ ગયું છે. ઘણા વિસ્તારોમાં પાણી ભરાઈ જવાથી મુસાફરી અને દૈનિક પ્રવૃત્તિઓ કરવામાં મુશ્કેલી પડી રહી છે. મુંબઈમાં સતત ભારે વરસાદને કારણે અભિનેતા અમિતાભ બચ્ચનના ઘર પર પણ અસર પડી છે. અવિરત વરસાદને કારણે અમિતાભ બચ્ચનના જુહુ સ્થિત બંગલા જનકની અંદર અને આસપાસ પાણી ભરાઈ ગયું છે. આ વીડિયો સોશિયલ મીડિયા પર ઝડપથી વાયરલ થઈ રહ્યો છે.
અમિતાભ બચ્ચનના બંગલાની અંદર પણ પહોંચ્યું વરસાદનું પાણી
તાજેતરમાં, એક સોશિયલ મીડિયા ઇન્ફ્લુએન્સરે જુહુ વિસ્તારનો એક વીડિયો શેર કર્યો છે. જેમાં આસપાસની સ્થિતિ દર્શાવવામાં આવી છે. વીડિયોમાં દર્શાવવામાં આવ્યું છે કે સતત વરસાદને કારણે અભિનેતા અમિતાભ બચ્ચનના ઘર ‘જનક’ની બહાર ઘૂંટણ સુધી પાણી ભરાઈ ગયું છે. વરસાદી પાણી બંગલાની અંદર પણ પહોંચી ગયું હતું. વીડિયો શેર કરતા કેપ્શનમાં ઇન્ફ્લુએન્સરે લખ્યું છે કે, “મુંબઈમાં ભારે વરસાદ વચ્ચે, અમિતાભ બચ્ચનના પ્રખ્યાત જુહુ બંગલામાં પણ વરસાદી પાણી ઘૂસી ગયું છે.” ઉલ્લેખનીય છે કે અમિતાભ બચ્ચનના જુહૂ સ્થિત જનક બંગલામાં પાણી ભરાવાની આ પહેલી ઘટના નથી.
અજય દેવગણના ઘરની આસપાસના વિસ્તારમાં પણ ભરાયું પાણી
વીડિયોમાં ઇન્ફ્લુએન્સરે અભિનેતા અજય દેવગણના ઘરની આસપાસનો વિસ્તાર પણ બતાવ્યો છે. જ્યાં ભારે વરસાદની અસર સ્પષ્ટ જોવા મળી રહી છે. જો અમિતાભ બચ્ચનના વર્કફ્રન્ટની વાત કરીએ તો તેઓ ટૂંક સમયમાં દિગ્દર્શક નાગ અશ્વિનની ફિલ્મ કલ્કી 2898 AD ના સિક્વલમાં જોવા મળશે. આ બહુપ્રતિક્ષિત ફિલ્મમાં તેમની સાથે પ્રભાસ અને કમલ હાસન પણ મહત્વપૂર્ણ ભૂમિકાઓમાં સામે આવશે.
મુંબઈની લાઇફલાઇન લોકલ ટ્રેન પર અસર
ઘણા દિવસોથી નાગરિકો જેની આતુરતાથી રાહ જોઈ રહ્યા હતા તે વરસાદ આખરે આવી ગયો છે અને હવે મુંબઈમાં અવિરત વરસાદ વરસી રહ્યો છે. છેલ્લા બે દિવસથી મુંબઈના ઘણા ભાગોમાં સતત વરસાદ પડી રહ્યો છે. વરસાદથી નાગરિકોને રાહત મળી છે. પરંતુ સતત વરસાદને કારણે મુંબઈના ઘણા ભાગોમાં પાણી ભરાઈ ગયા છે. ઉપરાંત આ વરસાદને કારણે મુંબઈની લાઇફલાઇન એટલે કે લોકલ ટ્રેન પર અસર પડી છે. ઘણી ટ્રેનો મોડી ચાલી રહી છે.
