Breaking News Akshay Kumar Accident: અક્ષય કુમારની કારનો અકસ્માત, માંડ માંડ બચ્યા અક્કી-ટ્વિંકલ, સામે આવ્યો Video
બોલીવુડના ખિલાડી, અક્ષય કુમાર વિશેના સમાચાર સામે આવ્યા છે, જેનાથી તેમના ચાહકો ચોંકી ગયા છે. અભિનેતાની કારનો અકસ્માત થયો છે. આ સમાચારથી બધાને દુઃખ થયું છે.
બોલીવુડના ખિલાડી, અક્ષય કુમાર વિશેના સમાચાર સામે આવ્યા છે, જેનાથી તેમના ચાહકો ચોંકી ગયા છે. અભિનેતાની કારનો અકસ્માત થયો છે. આ સમાચારથી બધાને દુઃખ થયું છે. સદનસીબે, અક્ષય કુમાર અને તેની પત્ની, ટ્વિંકલ ખન્ના, સુરક્ષિત છે. આ ઘટના અંગે અભિનેતા કે તેની ટીમ દ્વારા કોઈ સત્તાવાર નિવેદન જાહેર કરવામાં આવ્યું નથી. જોકે, TV9 ગુજરાતી ડિજિટલ દ્વારા પ્રાપ્ત સૂત્રો અનુસાર, “ખિલાડી કુમાર” અને તેની પત્ની અકસ્માતમાં બચી ગયા છે.
View this post on Instagram
અહેવાલો અનુસાર, આ ઘટના સોમવારે રાત્રે 8:45 થી 9 વાગ્યાની વચ્ચે બની હતી. અક્ષય કુમાર અને તેની પત્ની, ટ્વિંકલ ખન્ના, એરપોર્ટથી ઘરે પરત ફરી રહ્યા હતા. જુહુના ગાંધીગ્રામ રોડ ઇસ્કોન મંદિર વિસ્તારમાંથી પસાર થઈ રહ્યા હતા ત્યારે, એક ઝડપી ગતિએ આવતી મર્સિડીઝ કાર એક ઓટો-રિક્ષા સાથે અથડાઈ. ટક્કર એટલી ગંભીર હતી કે ઓટો-રિક્ષા ઉછળીને સીધી અક્ષય કુમારના કાફલામાં રહેલી ઇનોવા કાર સાથે અથડાઈ ગઈ.
View this post on Instagram
અક્ષય અને ટ્વિંકલ માંડ માંડ બચી ગયા
સૂત્રોના જણાવ્યા અનુસાર, અકસ્માત સમયે અક્ષય અને ટ્વિંકલ બીજી કારમાં મુસાફરી કરી રહ્યા હતા. તેમના વાહનને પણ એક નાનો ઝટકો લાગ્યો હતો, પરંતુ તેઓ સુરક્ષિત છે. જોકે, રિક્ષા અને તેમના સુરક્ષા વાહનને ભારે નુકસાન થયું હતું. અકસ્માત પછી તરત જ ઘટનાસ્થળે અંધાધૂંધી ફેલાઈ ગઈ હતી.
View this post on Instagram
અકસ્માતમાં ઘાયલ
અકસ્માતમાં ઓટો-રિક્ષા સંપૂર્ણપણે નાશ પામી હતી. ઓટો ડ્રાઇવર અને મુસાફરને નાની ઇજાઓ થઈ હતી અને તેમને તાત્કાલિક નજીકની ક્રિટિકલ કેર હોસ્પિટલમાં દાખલ કરવામાં આવ્યા હતા. સદનસીબે, અત્યાર સુધી કોઈ જાનહાનિના અહેવાલ નથી. ઘટનાની માહિતી મળતાં, મુંબઈ પોલીસ ઘટનાસ્થળે પહોંચી હતી અને આ મામલાની તપાસ શરૂ કરી હતી. હજુ સુધી કોઈ સત્તાવાર FIR દાખલ કરવામાં આવી નથી, પરંતુ પોલીસ મર્સિડીઝ ડ્રાઇવરની પૂછપરછ કરી રહી છે. જોકે, અક્ષય કુમારે સમગ્ર ઘટના અંગે કોઈ ટિપ્પણી કરી નથી.
Breaking News: છૂટાછેડાની અફવાઓ પર ગોવિંદાએ પહેલીવાર તોડ્યું મૌન, કહ્યું-મોટા ષડયંત્રનો શિકાર બની રહ્યો પરિવાર, આ સ્ટોરી વાંચવા અહીં ક્લિક કરો
