UP Assembly Election: ભાજપે CECની બેઠકમાં 94 ઉમેદવારોના નામ ફાઇનલ કર્યા, એક ડઝન ધારાસભ્યોની ટિકિટ કાપી

બેઠકમાં પાર્ટીએ નિર્ણય લીધો છે કે, સીએમ યોગી આદિત્યનાથ, બંને ડેપ્યુટી સીએમ કેશવ પ્રસાદ મૌર્ય અને દિનેશ શર્મા, પ્રદેશ અધ્યક્ષ સ્વતંત્ર દેવ સિંહ પણ ચૂંટણી લડશે. મીડિયા રિપોર્ટ્સ અનુસાર સીએમ યોગી આદિત્યનાથ (CM Yogi Adityanath) અયોધ્યાથી ચૂંટણી લડી શકે છે.

BJP finalizes names of 94 candidates in CEC meeting (Symbolic image )

TV9 Gujarati | Edited By: Bipin Prajapati | Updated on: Jan 14, 2022 | 10:57 AM

UP Assembly Election 2022 : ઉત્તર પ્રદેશ વિધાનસભા ચૂંટણી (UP Assembly Election) માટે ભાજપની કેન્દ્રીય ચૂંટણી સમિતિ (CEC)ની બેઠકમાં ગુરુવારે સાડા ત્રણ કલાક સુધી પ્રારંભિક ત્રણ તબક્કાની 172 બેઠકો પર ચર્ચા થઈ હતી. બેઠકમાં પ્રથમ બે તબક્કાની 113 બેઠકોમાંથી 94 ઉમેદવારો નક્કી કરવામાં આવ્યા છે. તે જ સમયે, એક ડઝન ધારાસભ્યો (MLA)ની ટિકિટ કાપવામાં આવી છે. બાકીની 19 સીટો પર પાર્ટી અધ્યક્ષ જેપી નડ્ડા(JP Nadda) ઉમેદવાર નક્કી કરશે.

મળતી માહિતી મુજબ આવતીકાલે એટલે કે, શનિવારે ઉમેદવારોની જાહેરાત થઈ શકે છે. જેપી નડ્ડા(JP Nadda) કેન્દ્રીય મંત્રી રાજનાથ સિંહ, નીતિન ગડકરી કોરોના સંક્રમિત હોવાના કારણે વર્ચ્યુઅલ રીતે મીટિંગમાં હાજર રહ્યા હતા. ગૃહમંત્રી અમિત શાહ, સીઈસી સભ્ય અને સીએમ યોગી આદિત્યનાથ (CM Yogi Adityanath) પ્રદેશ અધ્યક્ષ સ્વતંત્રદેવ સિંહ, ડેપ્યુટી સીએમ કેશવ પ્રસાદ મૌર્ય પણ હાજર હતા. પીએમ મોદીએ પણ આ બેઠકમાં વર્ચ્યુઅલ રીતે ભાગ લીધો હતો.

કોણ ક્યાંથી ચૂંટણી લડી શકે?

મીડિયા અહેવાલ મુજબ, બેઠકમાં પાર્ટીએ નિર્ણય લીધો છે કે, સીએમ યોગી આદિત્યનાથ, બંને ડેપ્યુટી સીએમ કેશવ પ્રસાદ મૌર્ય અને દિનેશ શર્મા, પ્રદેશ અધ્યક્ષ સ્વતંત્ર દેવ સિંહ પણ ચૂંટણીમાં ઉતરશે. મીડિયા રિપોર્ટ્સ અનુસાર સીએમ યોગી આદિત્યનાથ અયોધ્યાથી ચૂંટણી લડી શકે છે. બીજી તરફ કેશવ પ્રસાદ મૌર્યને સિરાથુ, દિનેશ શર્માને લખનૌની કોઈપણ સીટ પરથી ઉમેદવાર બનાવવામાં આવી શકે છે.

એસપી-આરએલડીએ 29 ઉમેદવારોની જાહેરાત કરી

આ સાથે જ તમામ પક્ષોએ ઉમેદવારોની જાહેરાત કરવાનું શરૂ કરી દીધું છે. આ ક્રમમાં, SP-RLD ગઠબંધને 29 ઉમેદવારોની યાદી બહાર પાડી છે. જેમાં 19 આરએલડી અને 10 ઉમેદવારો સમાજવાદી પાર્ટીના છે. બીજી તરફ, બસપાએ બુલંદશહરમાં સાતમાંથી પાંચ અને હાપુડમાં ત્રણ બેઠકો માટે ઉમેદવારોની જાહેરાત કરી છે અને એસપી-ગઠબંધનએ બુલંદશાહ અને હાપુડમાં બે-બે બેઠકો માટે ઉમેદવારોની જાહેરાત કરી છે. કોંગ્રેસે હાપુડમાં પણ ઉમેદવારની જાહેરાત કરી છે.

કોંગ્રેસે 125 ઉમેદવારોની પ્રથમ યાદી જાહેર કરી

કોંગ્રેસે (Congress)ગુરુવારે 125 ઉમેદવારોની પ્રથમ યાદી પણ જાહેર કરી છે. કોંગ્રેસે તેના વચન મુજબ 40 ટકા મહિલાઓને ઉમેદવારી આપી છે. આ સાથે 40 ટકા યુવાનોને પણ તક આપવામાં આવી છે. 125 ઉમેદવારોમાંથી 50 મહિલા ઉમેદવારો છે. કોંગ્રેસ મહાસચિવ પ્રિયંકા ગાંધીએ ઉમેદવારોની જાહેરાત કરી. તેમણે કહ્યું કે 125 ઉમેદવારોમાંથી 40 ટકા મહિલાઓ અને 40 ટકા યુવાનો છે. આ ઐતિહાસિક નિર્ણયથી રાજ્યમાં નવા પ્રકારનું રાજકારણ શરૂ થશે તેવી અમને આશા છે. તેમણે કહ્યું કે, અમારા ઉન્નાવ ઉમેદવાર ઉન્નાવ પીડિતાની માતા છે. અમે તેમને તેમનો સંઘર્ષ ચાલુ રાખવાનો મોકો આપ્યો છે. જે સત્તા દ્વારા તેમની દીકરી પર અત્યાચાર ગુજારવામાં આવ્યો, તેનો પરિવાર બરબાદ થયો, તે જ સત્તા તેમને મળવી જોઈએ.

આ પણ વાંચોઃ