UP Elections 2022: વડાપ્રધાન મોદી કાનપુરને આપશે મેટ્રોની ભેટ , 12600 કરોડની યોજનાનું કરશે ઉદ્ઘાટન
વડાપ્રધાન કાનપુરમાં IITના 54માં દીક્ષાંત સમારોહમાં હાજરી આપશે અને ત્યારબાદ તેઓ 11,076 કરોડ રૂપિયાના કાનપુર મેટ્રો પ્રોજેક્ટનું ઉદ્ઘાટન કરશે.
વડાપ્રધાન નરેન્દ્ર મોદી (PM Narendra Modi) આવતીકાલે યુપી ચૂંટણી પહેલા કાનપુરના લોકોને મેટ્રોની (Kanpur Metro) ભેટ આપશે. આ સાથે PM નરેન્દ્ર મોદી મંગળવારે 12,600 કરોડ રૂપિયાના પ્રોજેક્ટનું ઉદ્ઘાટન કરશે. પીએમ મોદીની કાનપુર મુલાકાત ઘણી મહત્વપૂર્ણ માનવામાં આવે છે અને તેઓ ત્યાં લગભગ સાડા ચાર કલાક રોકાશે. મળતી માહિતી મુજબ, PM લગભગ 10.15 વાગ્યે પહોંચશે અને બપોરે 2.30 વાગ્યે રવાના થશે. પીએમ મોદી કાનપુરના નિરાલા નગર મેદાનમાં રેલીને પણ સંબોધિત કરશે. આ સાથે તે બાળકો સાથે મેટ્રોમાં મુસાફરી કરશે અને તેમની સાથે પોતાના અનુભવો શેર કરશે.
મળતી માહિતી મુજબ, વડાપ્રધાન કાનપુરમાં IITના 54માં દીક્ષાંત સમારોહમાં હાજરી આપશે અને ત્યારબાદ તેઓ 11,076 કરોડ રૂપિયાના કાનપુર મેટ્રો પ્રોજેક્ટનું ઉદ્ઘાટન કરશે. પીએમ મોદી IIT મેટ્રો સ્ટેશનથી મેટ્રોમાં ગીતાનગર સ્ટેશનની મુસાફરી પણ કરશે અને નિરાલા નગર મેદાનથી ફ્લેગ ઓફ કરશે. વાસ્તવમાં ગયા શુક્રવારે મેટ્રો મળ્યા બાદ પીએમ મોદીના મેટ્રોના ઉદ્ઘાટનના કાર્યક્રમને અંતિમ સ્વરૂપ આપવામાં આવ્યું છે.
મેટ્રોનું કામ બે વર્ષમાં પૂર્ણ વાસ્તવમાં મેટ્રો રેલ પ્રોજેક્ટમાં છેલ્લા બે વર્ષથી કામ ચાલી રહ્યું છે અને મેટ્રોનો પ્રાથમિક કોરિડોર તૈયાર કરીને પૂર્ણ કરી દેવામાં આવ્યો છે. કાનપુરમાં મેટ્રોમાં IIT થી મોતીઝીલ સુધીના નવ સ્ટેશન છે અને કાનપુર મેટ્રોના પ્રોજેક્ટમાં 1 કોરિડોર IIT થી નૌબસ્તા સુધી બનાવવામાં આવશે જ્યારે કોરિડોર 2 માં CSA થી બારા VIII સુધીનો રૂટ હશે.
PM મોદી 1524 કરોડના પાઈપલાઈન પ્રોજેક્ટનું ઉદ્ઘાટન કરશે કાનપુર મેટ્રોની સાથે પીએમ મોદી કાનપુરમાં બીના-પંકી મલ્ટીપ્રોડક્ટ પાઇપલાઇનનું પણ ઉદ્ઘાટન કરશે અને આ 356 કિલોમીટર લાંબી પાઇપલાઇન વાર્ષિક 345 મિલિયન ટન પેટ્રોલ અને ડીઝલ મોકલવાની ક્ષમતા ધરાવે છે. જણાવવામાં આવી રહ્યું છે કે આ પ્રોજેક્ટની કિંમત 1,524 કરોડ રૂપિયા છે અને અત્યાર સુધી પેટ્રોલ અને ડીઝલ મધ્યપ્રદેશના બીનાથી ટ્રેનમાં આવતું હતું અને તેના કારણે ઓઈલ કંપનીને લાખો રૂપિયાનું ભાડું ચૂકવવું પડતું હતું. પરંતુ હવે આ પાઈપલાઈન શરૂ થતાં હવે પેટ્રોલ ડીઝલ સીધુ કાનપુર આવી શકશે અને ત્યાંથી તેને અન્ય સ્થળોએ મોકલી શકાશે.
આ પણ વાંચો : Red radish Farming : લાલ મૂળાની ખેતી કરીને ઓછા ખર્ચે વધુ કમાણી કરી શકે છે ખેડૂતો, પરંતુ આ વાતનું રાખવું પડશે ધ્યાન
આ પણ વાંચો : Junagadh: 50 હિન્દુઓએ બૌદ્ધ ધર્મની દીક્ષા અંગીકાર કરી, કાનૂની પરવાનગીથી યોજવામાં આવ્યો કાર્યક્રમ
Latest News Updates
